Nard Ndoka “braktis” Lulzim Bashën: Të gatshëm të hyjmë në zgjedhje edhe me Ramën kryeministër. Ne s’do e njohim kurrë 30 qershorin, jemi kthyer në mazhorancë shprese

Kryetari i Partisë Demokristiane, Nard Ndoka deklaron se opozita është e gatshme që të futet sot në zgjedhje me apo pa Ramën kryeministër.

“Ne jemi të gatshëm të shkojmë në zgjedhje në çdo datë me këtë dhe pa këtë kryeministër, por nuk është morale as politike t’i besosh organizimin e zgjedhjeve një kryeministri që është kapur duke i vjedhur dhe blerë ato, me ministrat dhe deputetët e tij së bashku me grupet kriminale”, – shprehet Ndoka në një intervistë për gsh.

Sa i përket aksionit opozitar kryedemokristiani thekson se ai ishte i suksesshëm, sepse e bëri popullin që të mos besojë më te qeveria dhe ta shohë të djathtën si shpresë për të ardhmen.

Pjesë nga intervista për gsh:

Zoti Ndoka, Presidenti i Republikës dhe disa parti opozitare vijojnë të këmbëngulin për mbajtjen e zgjedhjeve vendore në 13 qershor. Por, nga ana tjetër, qeveria dhe institucionet që kanë detyrimin për organizimin e zgjedhjeve nuk e njohin këtë datë dhe e konsiderojnë të mbyllur kapitullin e zgjedhjeve vendore në Shqipëri. Çfarë do ndodhë më tej, besoni se zgjedhjet do të realizohen?

Nuk besoj se zgjedhjet do të zhvillohen me 13 tetor, kjo mazhorancë po qeveris në kushtet e një grushti shteti institucional. KQZ nuk zbaton ligjin e Kushtetutën, por urdhrat politikë të kryeministrit. Gjykatat janë në kaos total dhe në mjerimin më të madh që sistemi i drejtësisë ka patur ndonjëherë. Qeveria dhe Kuvendi nuk njohin institucionin e Presidentit, KQZ nuk zbaton dekretin, në këto kushte zgjedhjet janë totalisht të minuara dhe të pamundura për t’u realizuar.

Si mund të realizohen një palë zgjedhje kur qeveria është kundër?

Mund të realizohen, vetëm kur qytetarët dhe opozita të largojë këtë kryeministër. Edi Rama po mban peng zgjedhjet, integrimin dhe të ardhmen tonë si komb.

Ndërkohë që vetëm 3 parti iu drejtuan KQZ-së që të nisë procedurat për organizimin e këtyre zgjedhjeve. Pse nuk ishin të gjitha partitë opozitare në bllok për këtë kërkesë?

Kërkesa është formale, mbasi jemi të qartë tek rruga që ka zgjedhur mazhoranca dhe Edi Rama për pushtimin e 61 bashkive në vend. Kauza e opozitës, e drejta e qytetarëve do triumfojë përballë arrogancës dhe dhunës institucionale të Edi Ramës.

Opozita e bashkuar është e gatshme që të shkojë në zgjedhje në 13 tetor edhe me Ramën kryeministër?

Ne jemi të gatshëm të shkojmë në zgjedhje në çdo datë me këtë dhe pa këtë kryeministër, por nuk është morale as politike t’i besosh organizimin e zgjedhjeve një KM që është kapur duke i vjedhur dhe blerë ato, me ministrat dhe deputetët e tij së bashku me grupet kriminale. Nuk mund t’i varen ujkut mëlçitë në qafë!

Po kryetari i PD-së ça qëndrimi ka mbajtur për këtë çështje, është ai i gatshëm të hyjë në këto zgjedhje pa kushte?

Lideri i opozitës së bashkuar, z.Basha është i gatshëm të hyjë që nesër në zgjedhje, por standardet e zgjedhjeve dhe vota e lirë është kauza që ai po mbështet si premtim tashmë të dhënë përpara kombit, botërisht.

Ndërkohë që në anën tjetër kryetarët e rinj të bashkive kanë marrë në shumicën dërmuese detyrat e tyre të reja, pavarësisht një rezistence të vogël në njësi të veçanta. I njeh opozita ata si kryebashkiak?

Opozita nuk do e njohë kurrë 30 qershorin si datë zgjedhjesh, është qartazi një datë antikushtetuese. Zgjedhjet janë organizuar në kushtet e një bande mafioze të rilindjes për të pushtuar bashkitë e vendit. Zgjedhjet lokale do zhvillohen shumë shpejt konform ligjit dhe garës mes palëve.

Ka një moment ku opozita gaboi në gjithë këtë betejë?

Nuk ka të pagabueshëm, ne do të shohim me shumë kujdes e përgjegjësi, hapat që kemi hedhur deri këtu dhe axhendën për më tej. Unë besoj shumë se opozita është kthyer në mazhorancë shprese, pikërisht nga kjo rrugë që ndërmori. Kemi fituar qytetarët, kemi humbur pushtetin, do fitojmë standardet dhe do të kthehemi sërish në institucione nëpërmjet votës së lirë. Kjo është rruga me parimore, që një lider dhe opozitë ka ndjekur në pluralizëm.

“Situatë e rëndë në lidershipin e opozitës”, Balla tallet me Berishën: Qesharak i përditshëm

18:13 Politika

FOTOT: Nga buqeta me lule tek përqafimet, kryebashkiaku i Himarës betohet për mandatin e dytë

18:02 Politika

Fatos Lubonja: Vendi ndodhet në një nivel mizerabël. Ne jemi ankuar dhe më parë, por vjedhjet që po shohim tani janë të jashtëzakonshme

17:35 Politika

LSI dhe PR regjistrohen në “zgjedhjet e Metës”, Paloka: Ky veprim i aleatëve s’përçan opozitën, për ne rëndësi kanë standardet

17:02 Politika

Detyra e parë, sipas Lulzimit, kur të “fitojë” zgjedhjet

19:30 Politika

LSI dhe PR dorëzojnë kërkesën për 13 tetorin, reagon Balla: Zgjedhjet përfunduan, dorën e shtrirë për opozitën për 2021

15:35 Politika

PD publikon hetimet e saj: Nënkryetarit të Kamzës i kanë vënë tritol, është sulm i Edi Ramës

15:14 Politika

Basha ikën me pushime: Zbulohet mashtrimi i tij i radhës

14:27 Politika

Kufiri, aty ku ndjej neveri për racën dhe shtetin tim

14:19 Politika

Nënshkruhet “Memorandumi i Mirëkuptimit”, Norvegjia zyrtarizon qëndrimin për Shqipërinë: Jemi pro hapjes së negociatave dhe anëtarësimit në BE

14:05 Politika