Fatos Klosi: Ja pse opozita do të dështojë nëse iu rikthehet protestave në shtator sepse problemi është Lul Basha.

Shtatori pritet të rikthejë klimën e tensionuar politike. Opozita ka paralajmëruar protesta e trazira sërish, deri në largimin e Edi Ramës. Por ish-kryetari i Shërbimit Informativ Shtetëror, dikur anëtar i LSI, Fatos Klosi mendon se opozitarët do të gabojnë nëse vijojnë të protestojnë.

Gjatë një prononcimi të dhënë për gazetën “SOT”, Klosi deklaroi se PD-LSI mund të bëjnë protesta thjesht sa për të mbajtur pas vetes disa njerëz, por ai shtoi se tani janë të kota tubimet. Sipas tij, për aq kohë sa opozita nuk ia arriti qëllimit kryesor, atë të pengimit të zgjedhjeve, protestat në shtator nuk kanë më asnjë kuptim.

“Unë them, që në shtator dhe në sesionin e ri parlamentar nuk do të ketë asgjë, çdo gjë do të ecë normalisht. Opozita pretendon protesta më shumë për të mbajtur të karikuar dhe pas vetes njerëzit e saj sesa për të pasur ndonjë efekt në politikën shqiptare. 

Patën muaj të tërë me trazira, me shumë përpjekje nga opozita dhe praktikisht asgjë nuk u bë. Asgjë nuk u arrit, zgjedhjet që donin t’i pengonin nuk i penguan dot, broçkulla pafund. Kështu që nga kjo pikëpamje nuk pres ndonjë gjë. Mesa duket, këto paralajmërimet për protesta tregojnë se opozita nuk i ka thirrur mendjes akoma. Nuk po e kupton realitetin që nuk është kjo rruga për të ardhur në pushtet”, tha Fatos Klosi.

Njerëzit të lodhur nga revoltat

Ish-kreu i SHISH theksoi se skenari i opozitës për t’u rikthyer tek protestat në shtator do të ishte një dështim sepse këtë herë as njerëzit nuk do ta ndjekin më pas. Sipas tij, populli ndjehet i lodhur nga revoltat e kërcënimet dhe është i fokusuar vetëm tek bërja e hapave përpara.

 “Mesa duket kaq janë mundësitë, kaq janë forcat e saj dhe po i rikthehet një historie të vjetër të cilën jemi lodhur e mërzitur duke e parë dhe duke e dëgjuar. Mendoj se njerëzit nuk kanë më nerva. Po ta shohësh edhe protestat erdhën duke u zvogëluar në numër, pavarësisht atyre që thoshte Lul Basha. Luli ka në lojë edhe të gjithë reputacionin e tij kështu që po përpiqet t’i shesë protestat si shumë të mëdha, si shumë të rëndësishme, etj., por unë nuk shoh asgjë në to.

 U bë fakt i kryer që tashmë u konstituuan të gjithë këshillat bashkiakë, sigurisht ka edhe incidente dhe është faji i pozitës që nuk është menduar mirë e po gabon prapë. Por kryesorja është që gjërat po marrin rrugën e duhur dhe ky popull nuk ka dëshirë që të rikthehet tek trazirat sepse do qetësinë dhe do që të ecë përpara. Mënyra e përplasjes vetëm na çon mbrapa, jo përpara”, deklaroi ai.

Arritja e marrëveshjes, e vështirë

Fatos Klosi komentoi për gazetën edhe gjasat për të finalizuar një marrëveshje politike pas pushimeve. Për ish-kreun e SHISH, kjo gjë është mjaft e vështirë të arrihet sepse pengesa kryesore është kryetari i Partisë Demokratike, Lulzim Basha.

Klosi shtoi se ai nuk ulet dot në tryezën e dialogut sepse në këtë moment do të hidhte poshtë të gjitha veprat e tij dhe ato që ka premtuar.

Mua do të më pëlqente një marrëveshje midis palësh, por e shoh pak të pamundur sepse problem është Lul Basha. Ai ka në valle reputacionin e tij. Në qoftë se ai do t’i kthehej marrëveshjes, do të përmbyste të gjitha gjërat që ka bërë dhe ka thënë deri tani. Ai e solli opozitën në këtë situatë, ngeli pa pushtet lokal, pa mandate në pushtetin qendror dhe kjo për Lulin është e rëndë. 

Ai ka në valle, në peshore reputacionin e tij, figurën e tij dhe tani është zënë shumë ngushtë sepse gaboi shumë rëndë. Ky është një faktor i rëndësishëm që e pengon marrëveshjen. Prandaj Basha është i detyruar t’i shkojë deri në fund kësaj pune, aq sa ka mundësi sepse me thënë të drejtën nuk ka shumë mundësi të bëjë gjë”, u shpreh Fatos Klosi.

VIDEO/ Rama: Buzëqeshja e Shqipërisë në të gjitha pikat hyrëse të vendit

09:00 Politika

FOTOT/ “Zero tolerancë”, Rama: Përshkallëzohet goditja ndaj informalitetit në zonën e Sarandës

18:14 Politika

Neni 161 i kodit zgjedhor që zgjidh krizën në Shkodër dhe anashkalon Metën

17:26 Politika

Vdekja e dy punëtorëve nga shembja e skelës, Basha: Rama arrogant dhe i pashpirt që urren shqiptarët, asnjë fjalë për 2 viktimat

17:12 Politika

FOTOT/ “Më 30 qershor Shqipëria votoi për të drejtën”, Rama: Vijon papushim heqja e zhulit dhe ferrave pas largimit të kryebashkiakëve revolucionarë

16:51 Politika

Vendimi për konstituimin e Këshillit Bashkiak, PD kërcënon Ramën: Larg duart nga Shkodra, të hënën protestë

14:21 Politika

Presidenca këmbëngul: Meta nuk dekreton datë të re për Shkodrën, më 13 tetor zgjedhje në të gjithë vendin

14:17 Politika

Pjerin Ndreu, përgjigje Bashës: Shihemi në gjyq! S’ke shans ti, as perëndia të më gjejë një element inkriminimi

13:58 Politika

VIDEO +18: “Hajde se na vrau, po na ndjekin nga mbrapa të tjerët”, dalin pamjet e tmerrshme kur Kokëdhima sulmon turistët spanjoll

12:19 Politika

"70-vjetori i masakrës së Valmirit", Meta: Keqardhje për ekzekutimin barbar të 14 mirditorëve

11:39 Politika