Te fundit
VIDEO/ Kapen 55 kg drogë në një kamion në portin e Durrësit, në pranga shoferi
18 Gusht 2019, 09:25Kronika
TEMA
Një sasi prej 55 kg lëndë narkotike kanabis sativa është sekuestruar nga policia në portin e Durrësit, teksa po trafikohej me kamion në drejtim të Italisë.
Gjatë kontrollit të ushtruar në vijën e dytë në pikën e kontrollit të kamionëve, në mjetin tip Scania, me drejtues shtetasin M.P., shërbimet e Policisë Kufitare duke përdorur edhe qenin antidrogë konstatuan dhe sekuestruan në cilësinë e provës materiale 14 pako me lëndë narkotike e dyshuar e fshehur në vende të ndryshme.
Në përfundim të veprimeve, Specialistët për Hetimin e Narkotikëve në Drejtorinë Vendore të Policisë Durrës bënë arrestimin në flagrancë të shtetasit M.P., 35 vjeç, banues në Tiranë, drejtuesi i mjetit.
Po në lidhje me këtë rast, është shpallur në kërkim policor shtetasi R.H., 52 vjeç, banues në Vlorë.
Sektori për Hetimin e Narkotikëve në DVP Durrës në bashkëpunim me Prokurorinë po vijojnë punën për zbardhjen e plotë të këtij rasti, evidentimin dhe kapjen e personave të tjerë të implikuar në këtë veprimtari kriminale.
Materialet hetimore i kaluan Prokurorisë Pranë Gjykatës së Shkallës së Parë Durrës për veprime të mëtejshme për veprën penale “Trafikimi i narkotikëve” e kryer në bashkëpunim.
Lini një Përgjigje
Më të lexuarat
24 oret e fundit
Javen e fundit
Blog Tema
