Përgjigjja nga Italia, vendimtare për fatin e Valdrin Pjetrit

Përgjigjia e autoriteteve italiane të drejtësisë dhe autoriteve policore italiane do të jenë vendimtare për fatin e ish-kryebashkiakut të zgjedhur të Shkodrës Valdin Pjetri.

Prokuroria e Përgjithshme thotë se është në pritje të këtyre përgjigjeve dhe thekson se “janë vendimtare për marrjen e një vendimi”.

Prokuroria më tej ka bërë dhe një kronologji të veprimeve të ndërmarra prej Drejtorisë së Marrëdhënieve Juridiksionale me Jashtë dhe Verifikimit të Integritetit të Personave që Zgjidhen Emërohen ose Ushtrojnë Funksione Publike, deri ditën e sotme:

-Më datë 5 gusht 2019, në zbatim të ligjit Nr. 138/2015 “Për garantimin e integritetit të personave që zgjidhen, emërohen ose ushtrojnë funksione publike”, Prokuroria e Përgjithshme ka regjistruar kërkesën e administruar prej subjektit “Partia Demokratike” për verifikim të detajuar të subjektit Valdrin Pjetri dhe, në të njëjtën datë ka filluar procedura e verifikimit.

-Më datë 6 gusht 2019, është administruar formulari i vetëdeklarimit të subjektit Valdrin Pjetri prej Komisionit Qendror të Zgjedhjeve.

-Më datë 6 gusht 2019, i është dërguar shkresa për verifikim Zyrës së Gjendjes Gjyqësore, Drejtorisë së Përgjithshme të Gjendjes Civile, Drejtorisë së Policisë së Shtetit, organeve të prokurorisë (prokurorive pranë gjykatës së shkallës së parë, prokurorive pranë gjykatës së apelit, Prokurorisë pranë Gjykatës së Shkallës së Parë për Krime të Rënda).

-Më datë 6 gusht 2019, Prokuroria e Përgjithshme ka dërguar pranë Drejtorisë së Bashkëpunimit dhe Koordinimit Ndërkombëtar pranë Drejtorisë së Policisë së Shtetit, si dhe pranë Ministrisë së Drejtësisë kërkesën për verifikim të mëtejshëm nga autoritetet e drejtësisë italiane, duke iu kërkuar këtyre të fundit vënia në dispozicion e çdo lloji vendimi penal të dhënë nga gjykata, vendim për masa sigurimi personale apo vendime dëbimi, në emër të shtetasit Valdrin Pjetri.

-Më datë 9 gusht 2019 shtetasit Valdrin Pjetri i është kërkuar të depozitojë gjurmët e tij daktiloskopike pranë Institutit të Policisë Shkencore.

-Më datë 14 gusht 2019, Prokuroria e Përgjithshme ka përcjellë pranë Ministrisë së Drejtësisë kërkesën për ndihmë juridike për subjektin Valdrin Pjetri, duke bashkëngjitur të dhënat kriminale të dënimit penal në shtetin italian.

-Më datë 14 gusht 2019, është dërguar shkresa pranë Departamentit të Administratës Publike për tërheqjen e Formularit të Vetëdeklarimit të subjektit Valdrin Pjetri, të depozituar më parë prej tij, si subjekt i ligjit Nr. 138/2015.

-Më datë 16 gusht 2019, Departamenti i Administratës Publike ka paraqitur Formularin e Vetëdeklarimit të subjektit Valdrin Pjetri, të depozituar pranë saj me datën 02.05.2016.

-Më datë 19 gusht 2019, Instituti i Policisë Shkencore ka dërguar në Prokurorinë e Përgjithshme gjurmët daktiloskopike të  depozituara nga subjekti Valdrin Pjetri.

-Më datë 19 gusht  2019, është dërguar shkresa pranë Drejtorisë së Bashkëpunimit dhe Koordinimit Ndërkombëtar pranë Drejtorisë së Policisë së Shtetit, duke bashkëngjitur gjurmët daktiloskopike të depozituara nga subjekti i sipërcituar, pranë Institutit të Policisë Shkencore.

Ndërkohë, janë administruar nga Prokuroria e Përgjithshme:

-Më datë 7 gusht 2019, përgjigja e Zyrës së Gjendjes Gjyqësore pranë Ministrisë së Drejtësisë për subjektin Valdrin Pjetri.

-Më datë 13 gusht  2019 dhe datë 15 gusht 2019, përgjigja e Ministrisë së Drejtësisë në lidhje me përcjelljen pranë autoriteteve italiane të drejtësisë të Kërkesës për Ndihmë Juridike për subjektin Valdrin Pjetri.

-Më datë 14 gusht  2019, përgjigja e Drejtorisë së Përgjithshme të Gjendjes Civile në lidhje me gjeneralitetet e subjektit Valdrin Pjetri,

-Më datë 16 gusht 2019, përgjigja e Drejtorisë së Policisë së Shtetit për subjektin Valdrin Pjetri nëse figuron i ndaluar/arrestuar për veprimtari kriminale.

-Deri tani janë administruar përgjigjet e 23 prokurorive të rretheve gjyqësore/apele për subjektin Valdrin Pjetri në lidhje me kërkesën tonë për kallëzime/referime/procedime penale, ka qenë ose jo nën hetim, është caktuar ose jo ndonjë masë sigurimi, është dënuar ose jo, me vendim jopërfundimtar apo të formës së prerë për kryerjen e ndonjë vepre penale.

Prokuroria reagon pas denoncimit të PD ndaj Arbian Maznikut, se biznesmeni Fusha i ka paguar 900 euro hotelin

20:03 Kronika

Ardi Veliu çon për hetim të paktën 120 policë: Ja shpërndanë medias foton e Santiago Malkos

17:00 Kronika

Historia: Lirohet nga burgu “Analia” nga Manza e Durrësit, ja si i zhvati 60 milionë lekë drejtorit të Postës me anë të adresave false në Facebook

16:09 Kronika

Kolaudimi, zgjatet koncesioni: Qeveria shtyn edhe 16 muaj kontratën me SGS

15:15 Kronika

Shtirej si drejtor banke dhe i zhvati 230 mijë euro qytetares, ekstradohet nga Gjermania 54-vjeçari

14:36 Kronika

Pushohen hetimet për akuzën e pastrimit të parave për Emiljano Shullazin dhe biznesmenin Ylvi Beqja.

13:24 Kronika

Djali tregon pse goditi të atin 3 herë me sëpatë: S'po më linte të qetë

12:21 Kronika

Caktohen prokurorët që do hetojnë dosjen 184 në Dibër

14:06 Kronika

DETAJET: Zbardhet skema e ngjarjes, ja se si nisi konflikti i përgjaksh mes 2 familjeve që filloi në Levan dhe vijoi në spitalin e Fierit

15:42 Kronika

Krimi trondit sërish familjen shqiptare, burri ekzekuton gruan në Zvicër

15:29 Kronika