Te fundit
Pasuria e shqiptarëve është rishpërndarë: Të varfrit kalojnë te shtresa e mesme, “fryhen” të pasurit, zbulohen milionerët
22 Tetor 2019, 21:04Ekonomia
TEMA
Të dhënat më të fundit të `Credit Suisse` sa i përket pasurisë tregojnë jo vetëm një pasurim të shqiptarëve në harkun e një viti, por edhe një forcim të ndjeshëm të shtresës së mesme, tkurrje të shtresës më të varfër, si dhe për herë të parë praninë e milionerëve.
Kështu, një vit më parë, shtresa e mesme, pra ata me një pasuri nga 10 mijë deri në 100 mijë dollarë vlerësohej në 42.4% të popullsisë së rritur, ndërsa sot në 57.9%.
Janë 1.3 milionë të rritur shqiptarë që vlerësohen si shtresë e mesme, nga rreth 900 mijë një vit më parë.
Pra, rritja është drastike dhe tregon se shtresa e mesme është rritur me 370 mijë të rritur në harkun e një viti.
Kjo përkon ekzaktësisht me tkurrjen e të varfërve.
Ata me një pasuri nën 10 mijë dollarë vlerësoheshin në 56% të popullsisë së rritur një vit më parë, ndërsa sot në vetëm 38%, ose 377 mijë më pak.
Pra, duket se ata që janë larguar nga shtresa më e varfër e popullsisë janë bërë pjesë e shtresës së mesme, sipas të dhënave të `Credit Suisse`.
Pjesa më e varfër e popullsisë numëron 850 mijë individë të rritur, sipas këtij raporti të bankës zvicerane.
Sa i përket të pasurve, ata me një pasuri nga 100 mijë deri në 1 milionë dollarë, nga 1.6% e popullsisë së rritur që ishin vjet, tashmë vlerësohen në 3.9% të popullsisë së rritur, ose në rreth 88 mijë individë, nga 36 mijë një vit më parë.
Risia tjetër e raportit është numri i milionerëve, pra të atyre që kanë një pasuri mbi 1 milionë dollarë.
Për herë të parë në raportin e Credit Suisse, kjo normë për vendin tonë, është ndryshe nga zero, në 0.1% të popullsisë së rritur.
Kjo do të thotë se, janë 2250 individët në vendin tonë që kanë një pasuri mbi 1 milionë dollarë. `Credit Suisse` llogarit jo vetëm pasurinë cash të individëve, por edhe pasurinë jo-financiare, që në pjesë dërrmuese i referohet pronave të paluajtshme.(Scan)
5 komente në “Pasuria e shqiptarëve është rishpërndarë: Të varfrit kalojnë te shtresa e mesme, “fryhen” të pasurit, zbulohen milionerët”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
cjane keto poshterime,kush i nxjerr keto mender statistika.Mbi 50% e popullsise nuk e njeh ceshte depozita bankare,apo 20% skalojne dot muajin me buke ju nxirrni shifra manipulatore qe nuk te bejne tjeter pos venies se buzes hidhur ne gaz
Aman kush e paska forcuar kete pasuri te klases se mesme ????
” Rritja e jashtezakonshme” e ekonomise shqiptare?
O kjo banke zviceriane genjen ose i ka te pasakta burimet.
Nga ana tjeter ne Shqiperi ka shume me shume se 2250 individe me pasuri me 1 milione euro, sepse ne keto pasuri futen edhe shtepite, apartamentet , bizneset etj.
Ram Qeni, perse s’i beri te gjithe te varferit shtrese te mesme?!
A ka ndonjin shtet tjeter me emrin Shqiperi eahh!!!???Ahh po e keni ngaterru me emrin Armeni…!
Koqe kandari staticienesh…..IK ‘O PIRDHU !!!
haaaaa, aty vazhdojne listat per 1 kile oriz, keta thojne shtres e mesme, haaaaaaaaa, esht bere me. keq se propaganda e enverit qe do hajme me luge floriri, haaaaaaa, hajde cnenduri hajde, atje njerzit po vriten perdite per 10 mij lek te vjetra borxh.