Te fundit
Ilir Meta kërkon referendum: Maxhoranca drejt ndryshimeve të Kushtetutës?
23 Nëntor 2019, 16:16Politika
TEMA
Në seancën e jashtëzakonshme të parlamentit ku u diskutua dhe miratua rezoluta ku i kërkohej presidentit Ilir Meta ti jepte fund shkeljeve të kushtetutës kryeministri Edi Rama tha:
“Ky Kuvend duhet të marrë masa ligjore kushtetuese, për të krijuar të gjithë mekanizmat zhbllokues ndaj çdo akti flagrant dhe brutal bllokimi të atij që zyrën e Presidentit e ka kthyer në një frëngji për të shantazhuar Parlamentin, për të shantazhuar ndërkombëtarët, për të shantazhuar popullin shqiptar.
Në dritën e kësaj ngjarjeje të re, Komisioni i Ligjeve dhe gjithë deputetët duhet të kontribuojnë për të riardhur këtu në Kuvend, më shpejt se vonë dhe për të votuar këtu neutralizimin e akteve të Presidentit, e akteve antikushtetuese dhe antiligjore” do të deklaronte kryemistri.
Kjo deklaratë e kryeministrit Edi Rama në parlament ishte sinjali i parë për ndërhyrje ligjore.
Përballë deklaratave të forta me tone populiste, të presidentit Ilir Meta duke kërkuar çuarjen e shqiptarëve drejt një referendumi, maxhoranca e kryeministrit Edi Rama është duke shqyrtuar mundësinë e ndryshimeve të kushtetutës.
Gazetari i Top-Channel Muhamed Veliu ka mësuar se maxhoranca ka nisur ditët e fundit konsultimet me ekspertët ligjor të PS dhe anëtarët e komisionit të ligjeve. Konsultimet kanë prodhuar dy qasje se si duhet të zgjidhet ngërçi me Gjykatën Kushtetuese.
Disa prej ekspertëve kanë sugjeruar ndërhyrje në kushtetutë e pikërisht në ato nene që lidhen me gjykatën kushtetuese. Ndryshimet mund të prekin ato aspekte që dolën në pah si problematike për të përmbyllur me sukses plotësimin e Gjykatës Kushtetuese.
Ndërsa disa prej ekspertëve të tjerë i kanë mëshuar qëndrimit për ndryshime vetëm në ligjin për reformën në drejtësi.
Pikërisht ky propozim është pjesë e rezolutës për presidentin Meta, miratuar në parlament ku thuhet se “Kuvendi Shqipërisë në kuadër të frymës zhbllokuese të reformës në drejtësi angazhohet të rishikojë legjislacionin për të penguar krijimin në të ardhmen të situatave që bllokojnë në mënyrë abuzive funksionimin e organeve kushtetuese të vendit”.
Por a do të shkojë maxhoranca qeverisëse deri në ndryshime të gur-themelit të Republikës siç është kushtetua?
Përgjigja e kësaj pyetje nuk do të jetë e largët, përballë ofensivës në të cilën është vënë maxhoranca dhe ndërkombëtarët prej kreut të shtetit Ilir Meta.
Muhamed Veliu
2 komente në “Ilir Meta kërkon referendum: Maxhoranca drejt ndryshimeve të Kushtetutës?”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Kushtetuta flet qarte
Referendumi kalon vetem kur ka votat e maxhorances ne kuvend prandaj e keni bere qe te mos kete asnjehere referendum pra pse do futni duart ne kushtetute?
Nqs doni te mbroni reformen ne drejtesi shkarkoni presidentin jo te modifikoni kushtetuten sa here trembet qeveria
E para
Kjo tregon shume qarte se ilir meta nuk e ka shkelur kushtetuten por jane rilindasit qe po e perdhunojne perdite, prandaj duan ta ndrojne.
E dyta nese vertet mendojne qe me 48% te votave te shqiptareve te shqiperise te ndrojne kushtetuten e votuar nga 140 deputete te te gjitha partive dhe nuk pranojne referendumin e popullit,tregon se kane nje problem shume te madh per te mbrojtur ,me drejtesine e kapur dhe ne kete vend nese ndodh dicka e tille nuk do ngelet me njeri sepse ose do ikin te gjithe ose do vriten ne 1 lufte civile.
E tha qarte Kocijanic, Boshard veproi drejt qe ju ngriti gishtin e mesit shqiptareve sepse e meritonin.