Basha: Ja paketa me 5 pika për rimëkëmbjen e biznesit të prekur nga tërmeti

Nga Durrësi, Lulzim Basha ka propozuar pesë masa që, sipas tij, do të sillnin efekt të menjëhershëm ndaj bizneseve të dëmtuar materialisht dhe financiarisht nga tërmeti.

Pesë propozimet e kreut të PD-së janë:

Përjashtim nga taksa e pronës dhe nga të gjitha taksat dhe tarifat vendore gjatë periudhës së rindërtimit për të gjithë operatorët ekonomikë me aktivitet në zonat e prekura.

Përjashtimin nga tatim fitimi për të gjitha subjektet që e ri-investojnë fitimin për të rikuperuar dëmet e tërmetit.

Pezullimin e kontributeve të sigurimeve shoqërore dhe shëndetësore për periudhën deri në rikuperimin e dëmeve dhe pagesat e shtyra të kryhen me këste pas periudhës së rikuperimit.

Përjashtimin nga tvsh për të gjitha materialet, lëndët e para, mjetet kapitale që përdoren për rikuperimin e dëmeve.

Pezullimin dhe fshirjen e pagesave të faturave të energjisë dhe të ujit gjatë kohës së gjendjes së fatkeqësisë natyrore.

Postimi i plotë në facebook:

Sot inspektova disa prej sipërmarrjeve në Durrës, ndërsa pasditen e djeshme u takova me përfaqësues të Asamblesë së Dhomës së Tregëtisë dhe Industrisë së Durrësit.

Tërmeti i 26 nëntorit ka shkaktuar pasoja të rënda ekonomike dhe sociale. Ndërprerja dhe reduktimi i aktivitetit ekonomik, dëmet në struktura, makineri dhe inventar, fatura financiare, pezullimi i punës nga një numër jo i vogël të punësuarish banesat e të cilëve janë shkatërruar apo dëmtuar rëndë; këto janë problemet kryesore me të cilat po ballafaqohet sipërmarrja.

Ndërkohë duhen paguar taksa, tarifa dhe fatura, kontratat me palët e treta, jashtë dhe brenda vendit mbartin detyrime kohore dhe financiare, sikundër bizneset përballen me pagesat e kësteve të kredive bankare.  Sipërmarrësit nuk kanë ndërprerë pagat për të goditurit nga tërmeti edhe kur këta të fundit nuk kanë mundur të vijnë në punë prej 10 ditësh, shumë prej sipërmarrësve po kontribuojnë për riparimin e dëmeve në banesat e punëtorëve të tyre si dhe po ndihmojnë me sa munden në forma dhe mënyra të tjera.

Njësitë e hoteleri-turizmit po përballen me rënie dramatike konsumi dhe i tremben rënies apo anulimit të prenotimeve.

Pas një konsulte me përfaqësuesit e Asamblesë së Dhomës së Tregëtisë dhe Industrisë së Durrësit, me ekipin ekonomik të Partisë Demokratike dhe opozitës së bashkuar dhe ekspertë të fushës, si dhe bazuar mbi përvojat e ngjashme në vende fqinje, me qëllim për të shmangur futjen e Durrësit në një “dimër” ekonomik dhe social me pasoja të rënda për të gjithë vendin, në emër të Partisë Demokratike dhe opozitës së bashkuar propozoj këto masa me efekt të menjëhershëm:

1.Përjashtim nga taksa e pronës dhe nga të gjitha taksat dhe tarifat vendore gjatë periudhës së rindërtimit për të gjithë operatorët ekonomikë me aktivitet në zonat e prekura.

2.Përjashtimin nga tatim fitimi për të gjitha subjektet që e ri-investojnë fitimin për të rikuperuar dëmet e tërmetit.

3.Pezullimin e kontributeve të sigurimeve shoqërore dhe shëndetësore për periudhën deri në rikuperimin e dëmeve dhe pagesat e shtyra të kryhen me këste pas periudhës së rikuperimit.

4.Përjashtimin nga tvsh për të gjitha materialet, lëndët e para, mjetet kapitale që përdoren për rikuperimin e dëmeve.

5.Pezullimin dhe fshirjen e pagesave të faturave të energjisë dhe të ujit gjatë kohës së gjendjes së fatkeqësisë natyrore.

Gjithashtu i bëj thirrje sistemit bankar të riskedulojnë këstet e kredive në periudhën e rindërtimit për operatorët ekonomikë në zonat e prekura.

Kjo paketë e thjeshtë dhe realiste është ndihma më e mirë që mund ti jepet sipërmarrjes për rimëkëmbjen e shpejtë të ekonomisë në zonat e goditura. Nga kjo varen mijëra vende pune dhe të ardhurat e dhjetëra mijëra familjeve.

Cakaj takim me zv.sekretarin e Përgjithshëm të NATO-s: Të përkushtuar për arritjen e objektivit 2% të shpenzimeve për mbrojtjen

16:28 Politika

Emiratet e Bashkuara Arabe sjellin 460 çadra dimërore për të pastrehët nga tërmeti. Xhaçka: Solidaritet anekënd botës

15:27 Politika

Tërmeti dhe kokrrat e ulëta të pemës elektorale

14:46 Politika

VIDEO: Dalin pamjet e operacionit, si e shpëtoi policia 23-vjeçarin e marrë peng në Tiranë

13:00 Politika

Hetimet pas tërmetit, kryeprokurori: Shkelësit e ligjit do mbajnë përgjegjësi, qofshin zyrtarë apo ndërtues

12:31 Politika

VIDEO: "Kjo është shejtani më i madh, unë jam dyshi pas saj”, Rama flet për ministren e kabinetit

11:05 Politika

VIDEO: Vizita për herë të parë në Aushvic, Merkel humb ekuilibrin dhe gati rrëzohet

09:43 Politika

Enveri në Byro: Kooperativistët e Lenka Çukos ofruan fonde për tërmetin, të huajt duan të na japin, kurse gazeta “Pararoja” e Gjirokastrës nuk pasqyroi ngjarjet

09:33 Politika

“Shtëpi e kujdestare për Alesion që shpëtoi pasi u hodh nga kati i 5!”, Rama tregon si do të veprohet me dy fëmijët që i shpëtuan tërmetit

09:27 Politika

Rama: Hotelet të zbrazen pas Vitit të Ri, kemi dy opsione për ata që i janë dëmtuar shtëpitë

08:00 Politika