Te fundit
Jari informon Doktorin në Lalëz për gjyqin e Salianjit
10 Dhjetor 2019, 21:04Antena
TEMA
Pas ngjarjeve të forta që sot u zhvilluan në Gjykatë të Tiranës, Jari vendosi të mbajë në dijeni Doktorin në Lalëz:
“I dashur Doktor,
Jari ju sqaron!
Sot ishte një ditë e keqe për demokracinë.
Shkuam në Gjykatë të Tiranës sipas planit që kishim bërë.
Unë nuk shkova për shkak se do bëhesha pengesë për protestën, pasi menduam se do ishte e dhunshme dhe u ngatërrohesha nëpër këmbë.
U mblodhën shumica e ish- deputetëve.
Salianji mbahej mirë. Të tjerët ishin të demoralizuar.
Kur u dha vendimi shpërthyen në hilaritet, por gjyqtarja lexoi vendimin dhe iku.
Salianji dukej i fortë dhe pas vendimit.
Mond Spaho i shkoi afër dhe i hodhi dorën në sup.
-Mos u mërzit vëlla, tha, se kemi për ta fituar në apel.
Do ndryshojnë gjërat. Të siguroj që do jesh prapë deputet.
-Ore lereni hallin tim, se unë dhe po su bëra, them ma futi Gjykata, po shikoni veten mos ua fut Luli, tha Salianji me të qeshur.
Ishte pak e hidhur, por duke qenë se qe humor, qeshëm.
Pastaj në Gjykatë ishte gjyqi kundër portaleve të opozitës.
Tur Zhejin e dënuan 3 milion lekë. Kjo është çmenduri.
Nuk i mjafton gjyqi me fondin “Besa”, dhe këtë ka mangut.
Çim Pekën e dënuan 1 milionë e kështu me radhë.
Jetmir Olldashin me 500 mijë lekë.
Atij ju bënë dy dënime në një ditë.
Përveç dënimit me Salianjin, dënim dhe për Xhillarin.
Kjo na e bëri më të vështirë ditën. Ishin dy goditje të forta.
Ndaj them të marrim masa dhe të fillojmë një sulm të fortë ndaj gjykatave, se këtyre tani u doli frika dhe do na dënojnë të gjithëve.
Merre me mend, pasnesër ka gjyqin Luli dhe me këtë ritëm na këputën të gjithëve.
Më fal se e zgjata shumë me lajme të këqija.
Si është situat në Lalëz? Pashë një kronikë të Ora News për “Syrin e Kuçedrës”.
Ishte tamam siç the ti. Dhe një burrë plak aty afër kështu tha.
-E mbaj mend prej 300 vjetësh që është “Syri i Kuçedrës”, tha, dhe nxjerr avull.
Fliste një tropojançe të pastër.
Nuk di a janë dëmtuar vilat e shokëve apo jo, se më vjen zor t’i pyes. Na thuaj çfarë të bëjmë, se gati na ke!
I juaji, Jari!”
2 komente në “Jari informon Doktorin në Lalëz për gjyqin e Salianjit”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Vilat ne Lalez thone kane shku per Lesh! Po s’flasin pronaret!
Mirë mua gjykata por juve do t’ua fusi Luli!
???