Një familje shqiptare gjunjëzon Kölnin në gjykatë

Gjykata gjermane detyron Kölnin të strehojë një familje shqiptare. Megjithëse kjo familje nuk ka të drejtë të qëndrojë në Gjermani, ajo ka të drejtë të ketë një çati mbi kokë, vendosi gjykata.

Dinjiteti i njeriut është i paprekshëm. Kështu shkruhet në nenin 1 të Kushtetutës së Gjermanisë. Një familje shqiptare e vuri në provë këtë nen dhe fitoi në gjykatë. Qyteti i Kölnit është kështu i detyruar të strehojë përkohësisht familjen shqiptare në një qendër të të pastrehëve derisa ajo të largohet nga Gjermania. Sipas Gjykatës Administrative të Kölnit, të huajt megjithë detyrimin për t’u larguar nga Gjermania kanë të drejtë të strehohen në qendrën e të pastrehëve. Ky vendim u mor të enjten (12.12) pas një kërkese për trajtim të përshpejtuar nga familja shqiptare, që me sa duket nuk kishte parë rrugë tjetër, sepse ndryshe do mbetej e pastrehë e do duhej të flinte në rrugë bashkë me fëmijët.

Familja shqiptare donte që deri në pranimin një qendër pranimi, të strehohej diku tjetër. Autoritetet e Kölnit e kishin kundërshtuar këtë fillimisht. Sipas tyre, familja është e detyruar të largohet nga Gjermania dhe mund ta shmangë situatën e të qenit e pastrehë me kthimin në Shqipëri. Drejt Tiranës e marrin rrugën përditë autobusët, argumentuan autoritetet.

Gjykata i dha fund paqartësisë. Për shkak se familja shqiptare nuk është në gjendje me forcat e veta të sigurojë një strehë, qyteti, si autoritet i rregullit është i detyruar t’i strehojë në qendrën e të pastrehëve deri në pranimin në një qendër pranimi. Pretendimi për strehim nuk shfuqizohet me detyrimin për largimin nga vendi, por është i shkëputur nga problematika e së drejtës të të huajve, argumentuan gjykatësit. Për sa kohë personat janë të pastrehë dhe jetojnë në hapësirën, për të cilën është përgjegjës qyteti i Kölnit.

Familja shqiptare shkel afatin e largimit nga Gjermania

Sipas të dhënave të gjykatës, jo shumë ditë më parë kishte ardhur një çift nga Shqipëria bashkë me dy fëmijët në Gjermani. Agjencia e lajmeve dpa, shkruan, se familja shqiptare kishte në plan të qëndronte në Gjermani, pa bërë as kërkesën për azil. Dihet, se për shkak se Shqipëria është vend i sigurtë origjine, shanset për azil janë gati zero.

Zyra e të Huajve reagoi dhe i dha familjes shqiptare një dokument detyrues për kalimin e kufirit. Me këtë dokument, personave që janë të detyruar të largohen nga Gjermania, se nuk kanë të drejtë qëndrimi iu vihet një afat i caktuar për largimin vullnetar. Por familja shqiptare nuk u kthye vullnetarisht. Zyra e të huajve veproi më tej duke e dërguar çështjen në një qendër shpërndarjeje të refugjatëve, por asgjë nuk ndodhi. Familjes nuk iu caktua një vend në qendrën e pranimit.

Kështu shqiptarët e mbetur pa mbështetje u detyruan të kërkojnë strehë në qendrën e të pastrehëve në Köln, ku edhe kaluan një natë. Por më pas familja duhej të largohej nga kjo qendër, për shkak të dokumentit detyrues për largim nga Gjermania. Në një situatë të tillë, familja shqiptare nuk pati rrugë tjetër dhe iu drejtua gjykatës me një kërkesë për trajtim të përshpejtuar të çështjes.(DW)

Tërmeti: Ndalohen edhe burrë e grua, pronarë të hotel “Vila Palma”

11:04 Kronika

Eliminime mafioze mes rivalëve: Lushnjarët po zgjohen me kujtimet e vitit të mbrapshtë '97

10:52 Kronika

Inspektori i Lartë i Drejtësisë, KED dhe Kuvendi në gatishmëri për zgjedhje brenda vitit

08:41 Kronika

DETAJET: Si u ekzekutua në lokalin e tij, vëllai i “killerit” të Aldo Bares

09:32 Kronika

DETAJET/ Gjendet i ekzekutuar me armë zjarri pronari i një lokali në Lushnjë: Ish anëtar i bandës së Aldo Bares

09:02 Kronika

Mbërrin i pajetë në spital 23 vjeçari që iu bë atentat, në gjendje të rëndë shoku i tij. Policia nis grup special drejt Peqinit. Emri

19:42 Kronika

Do gjykojë Lulzim Bashën, kush është Lazer Sallaku gjyqtari i “CEZ”, Izet Haxhisë dhe Ardian Fullanit për vjedhjen e Bankës së Shqipërisë

12:40 Kronika

“Burgjet ku mbahen kriminelët e mëdhenj”, SHBA zbulon planin për Shqipërinë: Do forcojmë aftësinë e personelit për të shkatërruar aktivitetin e paligjshëm

10:48 Kronika

Vdes shqiptari në Spanjë, e lanë të plagosur tek dera e spitalit

11:11 Kronika

Vodhën një makinë, përfundon keq aventura e tre adoleshentëve në Tiranë

09:36 Kronika