Te fundit
LDK publikon kundër ofertën për Albin Kurtin: Ja pozicionet që duam në qeveri
15 Janar 2020, 15:27Rajoni
TEMA
LDK sot ka dorëzuar me shkrim ofertën për bashkëqeverisje me VV-në, të propozuar në takimin e datës 8 janar 2020.
Në propozimin e LDK-së thuhet se “LDK do të ketë Kryetarin e Kuvendit, Nënkryetarin e dytë të Kuvendit, zëvendëskryeministrin e parë dhe pesë ministri”.
Propozimet e LDK-së të dorëzuara sot me shkrim, janë si vijon:
1. LDK-ja do të ketë kryetarin e Kuvendit deri në zgjedhjen e presidentit, pastaj kryetari i Kuvendit do t’i kalojë VV-së. Kjo nënkupton se në vitin e parë të bashkëqeverisjes, secili partner mban një pozitë të lartë shtetërore (VV-ja e ka kryeministrin, LDK-ja kryetarin e Kuvendit). Ndërkaq, në tri vitet e tjera, VV-ja mban dy pozita të larta shtetërore (kryeministrin dhe kryetarin e Kuvendit), kurse LDK-ja një pozitë (presidentin, por që shërben si faktor unifikues sipas kushtetutës).
2. Numri i ministrive mbetet 12 dhe struktura e tyre mbetet siç është dakorduar më herët, me këto përjashtime:
a) Ministria e Kulturës, Rinisë dhe Sportit i bashkohet Ministrisë së Arsimit, Shkencës dhe Teknologjisë.
b) Ministria e Administrimit të Pushtetit Lokal ndahet nga Ministria e Punëve të Brendshme, ku është integruar sipas marrëveshjes së arritur në takimet e mëparshme, dhe mbetet për komuniteteve jo shumicë krahas Ministrisë për Komunitete dhe Kthim.
3. Partnerët e koalicionit, në përputhje me dispozitat kushtetuese, për Presidentit të vendit do të përkrahin kandidatin e propozuar nga LDK-ja.
4. Si rezultat i kësaj marrëveshje:
a. Deri në zgjedhjen e presidentit:
• VV do të ketë kryeministrin, nënkryetarin e parë të Kuvendit, zëvendëskryeministrin e dytë dhe pesë ministri, ndërkaq
• LDK do të ketë kryetarin e Kuvendit, nënkryetarin e dytë të Kuvendit, zëvendëskryeministrin e parë dhe pesë ministri.
b. Pas zgjedhjes së presidentit, të propozuar nga LDK-ja:
• VV do të ketë kryeministrin, kryetarin e Kuvendit, nënkryetarin e parë të Kuvendit, zëvendëskryeministrin e dytë dhe 5 ministri, ndërkaq
• LDK do të ketë presidentin si kandidat të saj të propozuar (por që si president vepron si faktor unifikues sipas Kushtetutës), si dhe nënkryetarin e dytë të Kuvendit, zëvendëskryeministrin e parë dhe 5 ministri.
5. Të gjitha çështjet e tjera mbesin ashtu siç janë dakorduar në takimet e mëparshme.
Anëtari I kryesisë së LDK-së, Avdullah Hoti në prezantimin e kësaj oferte, thotë se “Në këtë takim, dhe në të gjitha takimet e mbajtura deri më tani, LDK-ja ka shprehur gatishmërinë për qeverisje të përbashkët në interes të shtetit të Kosovës, duke respektuar vullnetin e qytetarëve të shprehur më 6 tetor 2019”.
“Vetëm një marrëveshje që reflekton këtë vullnet siguron stabilitet qeverisës për mandat të plotë prej katër vitesh. Kjo marrëveshje duhet finalizuar sa më parë në mënyrë që të fillojmë zbatimin e programit qeverisës të dakorduar nga dy ekipet tona, që mundëson reforma të thella ekonomike, sociale, të sundimit të ligjit dhe të integrimit euro-atlantik të Republikës së Kosovës”, shkruan Hoti në Facebook.
8 komente në “LDK publikon kundër ofertën për Albin Kurtin: Ja pozicionet që duam në qeveri”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Late nam ju ooooo beni si qene per kocka….formoni qeverine ….
Mbaroi pazari demokratike, tani vilen interesat 4 vjeçare. Populli voton, ata vjelin prodhimet. Turp .
Per programe nuk flitet por vetem per karrige
diskutohet vetem me jep te jap me jepni ju japim per popullin po ngeli ndonje therime
VVC me liderin e ndryshimeve te shume pritura al- bini kosovo na zgenjeu por me shume zgenjeu birrishen meten bushatin zhejin lubonjen bubuzhel berati te gjithe plehrat e shqiperise .
ku ne arabi do bejne qeveri me abdulla, muzilaqim, hajredin, kasem, bajram, hasan, hysen, ali, safet, mendu, Ibrahim, …… sa pa shtylle kurizore mbeti kombi shqiptar.
Po me duken si LSI ja dikur…
Me 4 deputete 60% te pushtetit.
Kesaj i thone llogari !
Kosova votoi ,u dha 26 % njerit,25 % tjetrit,23 % te tretit ,keta sillen si te kene 126 % te votave.
Lerini pazaret,kthejuni idealeve ,ashtu siç i genjyet e mashtruat votuesit.
Po silleni si Lul Basha qe me nje fjale flet tri rrena.
Tregojuni njerezve te verteten …popull ju genjyem.
Qellimi yne ishte pushteti ,jo mireqenia juaj.
Sepse duhet ta dini…populli tashme e ka kuptuar lojen tuaj.
Zgjedhjet e tjera do te kene tjeter histori.
U lavderuat per zgjedhje te mira por me pas kesaj te mire I bete nje m… me koke. Keni tre muaj qe nuk fomoni qeverine se Secili kerkone te marre “kocken” e madhe
Keta te LDK vetem per shtet nuk bejne,por e kane hallin vetem tek llokmat e pushtetit!
E ndyre eshte edhe ndarja e ministrive si PLACKE LUFTE:Pra 5 ministri i merr nje parti,qe i mbush me militantet e vet dhe qe nuk njohin ligjin,por “maliqin”!
Zyrtaret e ministrive te jene qytetare te Kosoves e jo militante partish,se keshtu i bie,qe kur te ikin keta nga pushteti,do ikin edhe militantet e tyre dhe keshtu nuk do kete asnjehere ADMINISTRATE TE AFTE SHTETERORE ,bile as shtet ligjor,por vetem “Ali Baba me 40 hajdute”!
Problemi me i madh i Ises nuk eshte LVV, e as qeveria e re, por si ta pengoj gjeneraten e re brenda LDK-se qe ta kryesoj LDK-ne. Kjo eshte nje qeshtje egzistenciale per Isen dhe “garden” e vjeter te LDK-se.