Te fundit
Merkato Superiores: Bylisi afron një sulmues nga Argjentina. Shkalla largohet nga Teuta
25 Janar 2020, 13:41Sport
TEMA
Bylis është shumë pranë realizimit të një goditjeje të madhe në sulm. Ballshiotët kanë arritur akordin me sulmuesin anësor argjentinas Fabian Munoz. 28-vjeçari amerikano-jugor e ka nisur karrierën te Neëells Old Boys, ekip me të cilin ka shënuar 10 gola në 3 sezone në elitën e futbollit argjentinas.
Ai ka luajtur gjithashtu për 2 sezone në Superligën greke ku ka mbajtur veshur fanellën Panaitolikos, ndërsa sëfundmi ka qenë pjesë e skuadrës qipriote të Alki Oroklini në kategorinë e dytë.
Marrëveshja mes menaxherit të lojtarit është arritur dhe në ditët e ardhshme ai do t’i bashkohet skuadrës mallakastriote.
Pas Diego Celis i cili u largua në dhjetor, Bylis do të ketë në gjirin e saj një tjetër sulmues argjentinas.
Afrimi i një qëndërmbrojtësi sjell largimin e një tjetri. Pas zyrtarizimit të boshnjakut Kenan Hreljic i cili u bë zyrtarisht pjesë e Teutës, nga skuadra durrsake është larguar shtatlarti tjetër i prapavijës Silvestër Shkalla, shkruan Super Sport.
Lajmin e ka bërë publik vetë klubi i Teutës me një postim në faqen zyrtare ku falenderon Shkallën për kontributin që ka dhënë gjatë këtyre 4 viteve e gjysmë që ka qenë pjesë e “Djemëve të Detit”. 24-vjeçari ka zgjidhur me konsensus kontratën me Teutën dhe do tashmë është vënë në kërkim të një tjetër skuadre për të vazhduar karrierën.
Lini një Përgjigje
Më të lexuarat
24 oret e fundit
Javen e fundit
Blog Tema
