Gjatë takimit të nivelit të lartë të Nismës Koordinuese Franko-Gjermane që po zhvillohet sot në Berlin, për Kontrollin e Armëve të Vogla dhe të Lehta në Ballkanin Perëndimor, ministri francez për Europën dhe Punët e Jashtme, Jean-Yves Le Drian, njoftoi se Franca ka vendosur ti ribashkohet Këshillit të Bashkëpunimit Rajonal (RCC) .

“Ky është një lajm i shkëlqyer për Ballkanin Perëndimor, RCC dhe bashkëpunimin rajonal. Unë e mirëpres Francën në organizatë dhe e shoh këtë si një mundësi të nevojshme për të punuar bashkarisht për transformimin e vendeve tona në shtetet e ardhshme anëtare të BE-së,” tha sekretarja e Përgjithshme e RCC, Majlinda Bregu, e cila do të flasë më vonë gjatë ditës së sotme në takimin e Berlinit, një event që mbledh përfaqësues të BE-së, shtete anëtare të BE-së, autoritete të Bankës Botërore, si edhe përfaqësues të organizatave rajonale dhe ndërkombëtare.

Franca u tërhoq nga anëtarësia në RCC në 2014-n, dhe vendimi për t’u rikthyer tregon angazhim të fortë për të punuar së bashku me rajonin dhe projektet e reja për transformimin e tij.

“Ky vendim [për t’ju bashkuar RCC] u mor në kuadër të Strategjisë Franceze për Ballkanin Perëndimor të miratuar nga Presidenti i Republikës, prillin e kaluar. Kjo Strategji ndër-ministrore ka për qëllim mbështetje më të fortë për stabilizimin, zhvillimin ekonomik dhe shoqëror dhe forcimin e shtetit të së drejtës si edhe sigurinë në Ballkanin Perëndimor. Përveç dimensionit dypalësh, Strategjia Franceze mbështet bashkëpunimin rajonal, një element kyç për pranimin e vendeve të rajonit në BE. Ne jemi të gatshëm të bëhemi pjesë e punës së RCC-së, veçanërisht në fushat e investimeve, marrëdhënieve dhe sigurisë”, tha Le Drian në letrën e tij drejtuar RCC-së.

Gjermania dhe Franca e organizuan bashkarisht takimin e dytë të nivelit të lartë të nismës franko-gjermane për kontrollin gjithëpërfshirës të armëve të vogla dhe të lehta në Ballkanin Perëndimor. Takimi është bashkë-kryesuar nga ministri Federal gjerman i Punëve të Jashtme, Heiko Maas, ministri francez për Europën dhe Punët e Jashtme, Jean-Yves Le Drian, komisionerja Europiane për Punët e Brendëshme, Ylva Johansson dhe komisioneri Europian për Fqinjësi dhe Zgjerim, Olivér Várhelyi.

3 komente në “Franca i ribashkohet Këshillit të Bashkëpunimit Rajonal, Bregu: Mundësi e rëndësishme për të punuar bashkarisht për t’i transformuar vendet tona në shtete e ardhshme anëtare të BE-së”

E ka kaluar Vettingun kjo sharabajga Trusilikon says:

31 Janar, 2020 18:14 te 6:14 pm

kush e merr per seriozishte kte debile
hahah
i shkreti popull
funderinat tallen me shqiptaret

Përgjigjjuni
SPAKTAKU says:

31 Janar, 2020 18:57 te 6:57 pm

…per te transformuar “vendet tona”….. o zot, arnautja e berishes..do tranferoje ballkanin perendimor….lol!

Përgjigjjuni
Petro ... says:

31 Janar, 2020 18:58 te 6:58 pm

Nuk e kuptoj, kjo organizate apo çfare eshte, ku e ka qendren, pra zyrat, ne ç’vend, çfare personeli ka dhe si funksionon , kush e mbeshtet financiarisht, se une vetem ne keto vitet e demokracise shikoj qe njerez pa pune (FxS) marrin parà qe nuk u dihen burimet, se ne dikur kishim pune, leviznim krahe e mendje, puna kishte kosto dhe vlera qe sillnim justifikonte koston e nxirrnim dhe fitimin. Prandaj sot korrupsioni eshte ne maje, tregetia e droges po ashtu, porno-bordello po ashtu etj etj dhe rruga e vetme per luftuar partite politike eshte kjo lufte se ajo (opozita ne çdo rast) genjen dhe njerezit e hane vazhdimisht e brez pas brezi genjeshtren e jeta vazhdon pa FxS, por me çmendine te pakufishme. Ka njeri te ma thote ku egziston RCC-ja? Sa per kuriozitet pa……

Përgjigjjuni