Te fundit
Kosova duhet ta lexojë edhe njëherë urimin e Angela Merkelit
8 Shkurt 2020, 20:51Blog
TEMA
Nga Enver Robelli
Sigurisht që është shumë mirë që kryeministri i ri i Kosovës, Albin Kurti, merr një urim nga kancelarja gjermane Angela Merkel. Sigurisht që është mirë që bashkë me urimin atij i vjen edhe ftesa për të vizituar Berlinin.
Por për ta parë sa poshtë është fundosur imazhi i Kosovës në Berlin dhe kryeqytete të tjera, duhet lexuar fjalinë e tretë: ndërtoni shtetin ligjor, luftoni krimin dhe korrupsionin, përmirësojeni gjendjen ekonomike…
E qartë: Albin Kurti nuk mund të fajësohet për gjendjen që e ka trashëguar. Por është tmerr, turp, skandal e përtej skandali të shohësh se edhe në një urim të rëndomtë nuk mungojnë fjalët krim e korrupsion.
Dhe turpi, tmerri e skandalet janë pasojë e keqqeverisjes së kabineteve të kaluara, që janë dominuar kryesisht nga ata që me aureolën e fitimtarëve të luftës thanë se do të ndërtojnë një shtet funksional dhe e shkatërruan duke e vjedhur në shumë forma. Në këtë nismë grabitjeje nuk qenë vetëm. Patën duartrokitës, mbështetës, përfitues, mashtrues e manipulues.
Qeverisja e Albin Kurtit do të matet sidomos me kapacitetin, këmbënguljen dhe vendosmërinë për të luftuar korrupsionin, krimin dhe keqqeverisjen. Këtu mbetet të shihet nëse kjo qeveri do të dallojë nga të tjerat. Duhet të dëshmohet e shihet kjo në të ardhmen.
2 komente në “Kosova duhet ta lexojë edhe njëherë urimin e Angela Merkelit”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
I nderuar enver mos i kopliko analizat
Ftesa e albinit ne berlin ka vetem nje pike kyce si do arrihet marrveshja me serbine pra berlini do i kerkoje garanci qe mos kete nderrim kufijsh
Te tjerat ja lloqe
Sa i zgjuar je mor dreq
Ta lexpje sic lexonim ne citatet e. Mao ce Dunit , ne kohe te komunizmit lol
Kosova duhet te degjoj zerin e saj , te popullit te saj , jo te huajte