Te fundit
“Mallkimi” në familjen shqiptare: Fëmijët vdisnin pasi mbushnin 6 muaj, të katërtin e lanë në udhëkryq që të jetonte
9 Shkurt 2020, 17:29Sociale
TEMA
Dhimbje e tyre ishte e madhe sepse çdo fëmijë që vinte në jetë, vdiste pasi mbushte 6 muaj.
Në rubrikën “Ka një mesazh për ty” në Tv Klan Feride Tahiri ka treguar historinë e dhimbshme të familjes së saj. Babai i saj nuk mund të shikonte, kurse mamaja e saj nuk mund të dëgjonte.
Kur në jetë erdhi fëmija i katërt, nga frika se mos sërish ai fëmijë nuk do jetonte, gjyshja kërkoi nga nusja që ta vendoste fëmijën në udhëkryq dhe kush do kalonte aty, do i vendoste emrin dhe fëmija do jetonte.
Ferideja tregon se kështu ndodhi dhe vajza jetoi.
Feride Tahiri: Fëmijëria ime ka qenë shumë e vështirë zoti Ardit. Meqë babin e kisha të verbër dhe në pamundësi për të marrë një grua të shëndetshme, e mori po me pak pasoja, ajo nuk dëgjonte. Mamaja ime lindte fëmijët, por ata nuk i rronin. Kur bëheshin bebat 6 muaj, i vdisnin të gjithë.
Ardit Gjebrea: Sa fëmijë humbi mamaja jote?
Feride Tahiri: Mamaja ime humbi 3 fëmijë. Pas të tretit lindi motra ime e madhe. Kur lindi ajo vendosën ta linin në udhëkryq, se ishin këto traditat tona të gjysheve, që kishte dëgjuar gjyshja ime dhe i kishte thënë mamit tim ta vendosim në udhëkryq që të jetojë. Cili do vijë i pari, me makinë ose këmbë që ta shikojë djepin aty, do i vendosi emrin e tij dhe sipas emrit të tij, pastaj fëmija do jetojë dhe kështu ndodhi. Domethënë motrën e vunë në djep aty, jetoi motra.
Ardit Gjebrea: Pra pas 3 fëmijëve të humbur e katërta ishte motra! I vunë emrin?
Feride Tahiri: Po i vunë emrin.
Ardit Gjebrea: Kush i vuri emrin?
Feride Tahiri: Ai personi që e gjeti në rrugë, në udhëkryq. Aty mbrapa ishte fshehur mamaja dhe babai, gjyshja, ku di unë njerëzit e shtëpisë. U afrua tek djepi, edhe e pa djepin dhe tha: Është vajzë apo çun? Thanë vajzë dhe meqë ai ishte burrë, nuk mund t’i vinte emrin e vetë, i vuri emrin Zymryte. Nëna nuk e donte atë emrin dhe ja ndërroi më vonë. Mbas 3 viteve të motrës sime, linda unë.
5 komente në ““Mallkimi” në familjen shqiptare: Fëmijët vdisnin pasi mbushnin 6 muaj, të katërtin e lanë në udhëkryq që të jetonte”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Po shishen qe doli “xhini” kush e theu dhe kush i shprehu tre deshirat? A erdhi Qerosi me vone? Po Shtate Xhuxhat kercyen?
O ZOT ,ne cfare katandie jemi dhe degjohen edhe ne emisionet e Gjebrese.
Frikesohesh jo nga injoranca, por nga guximi per te perdorur injorancen per te bere spektakel..
E para, si mund te besh femije kur njeri prind nuk sheh e tjetri nuk degjon…o njerez a e kuptoni c pergjegjesi eshte femija, se dyti, a e kuptoni se kryeni krim kur nje femije e lini ne mes te udhekryqit ne meshire te fatit?
Ju idiotet parashkrues ju lutem mos shkruani per dicka qe eshte fakt dhe kohe te ndryshme.
Une di qe ne nje fshat myslimane ndodhi e njejta gje dhe i pari qe kaloi ishte nje Orthodhoks nga nje fshat mgjitur me te dhe i vuri emer te Krishtere.
Bile ne vitet 70te qe ishte Ateizem.
Njeriu per te luftuar fatkeqesine mundohet me te gjitha menyrat.
Ishte zakon i vjeter.
Kam degjuar disa raste te njejta.
Nuk e di ne qofte se edhe ndonje nga ata qe vdiqen ishte lene ne mes te rruges.
Por sidoqofte,ishte nje zakon i vjeter.
Ty Sule te duket zakon i bukur, apo pa si zakon idiot???