Te fundit
Dalin përgjigjet e ekspertimit të mbetjeve në tragetin e ndaluar në Vlorë: Lënda e sekuestruar nuk është radioaktive
22 Shkurt 2020, 17:32Sociale
TEMA
Pas sekuestrimit të mbetjeve në tragetin e linjës Brindisi-Vlorë, prokuroria ka kryer matje nëse mbetjet kanë patur përmbajtje radioaktive. Në një proces verbal të mbajtur pasditen e së premtes, hetuesit kanë kryer matjet me një pajisje të quajtur Mini-Rad dhe ka rezultuar se lënda e sekuestruar nuk është e rrezikshme pasi nuk ka përmbajtje radioaktive.
Procesverbali mban firmën e oficerëve të Policisë Gjyqësore, punonjësit të Doganës Vlorë, përfaqësuesit të tragetit dhe laborantit të Policisë Shkencore. Hetuesit janë në pritje edhe të analizave që po kryen Instituti i Fizikës Bërthamore ku janë dërguar mostra të veçanta nga mbetjet e gjetura në traget.
Dy ditë më parë, Policia e Vlorës vuri në pranga 6 persona me dyshimin se mbetjet e bllokuara në traget përmbajnë amiant, e cila është një lëndë mjaft e rrezikshme pasi shkakton sëmundje kancerogjene.
Të arrestuarit po hetohen për veprat penale kontrabandë me mallra të ndaluar ose të kufizuar, por gjatë marrjes në pyetje kanë mohuar akuzat. Edhe pronarët e tragetit ku u gjet lënda e dyshuar kanë mohuar të kenë transportuar lëndë të rrezikshme.
Sipas tyre lënda e gjetur është blerë për izolimin e tragetit, ndërsa vaji për motorin e tij. Paraditen e së shtunës një grup të rinjsh kanë protestuar përballë Portit të Vlorës kundër importit të mbetjeve të rrezikshme.
4 komente në “Dalin përgjigjet e ekspertimit të mbetjeve në tragetin e ndaluar në Vlorë: Lënda e sekuestruar nuk është radioaktive”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Hahaha. Idiote komplet. Po qe nuk eshte radioactive nuk do te thote se nuk eshte kancerogjene. Azbesti nuk eshte radioaktiv. Matje e gabuar, qe ne rastin me te mire eshte budallallek dhe ne rastin me te keq eshte devijim ne hetime.
Po cfare jane keto mbetje? Nuk u tha se jane radioaktive por u tha qe jane mbetje helmuese, kancerogjene, si azbesti e mbetje te tjera industriale.
Laboratori te thote cfare mbetjesh jane.
Pse kot i dha 70 mln euro Italia per termetin???
Kta o jan budallenj o po na bejn budallenj.
Dhe bufi e di qe amianti nuk eshte radioaktiv por eshte cancerogjen nese pluri i tij arrin ne mushkri me ane te frymarrjes.
Shqiperia la falimentuar si shtet.