Te fundit
Lulzim, politika nuk është lojëra fjalësh
8 Mars 2020, 20:00Blog
TEMA
Nga Artur Ajazi
Njëherë “qeveri tranzitore”, pastaj “qeveri kujdestare”, njëherë “dy palë zgjedhje në një ditë”, pastaj “zgjedhje elektronike”, njëherë “duam reformë zgjedhore”, pastaj “nuk ndryshon data 15 Mars”, etj, etj. Këto dhe gjithçka nxjerr nga sirtaret e Doktorit, për Lulzim Bashën janë “politikë”, por në fakt janë thjesht lojëra fjalësh.
Politika për Lulzimin, është “shtyje ta shtyjmë”, pra shtyje këtë mandat, dhe pastaj e shtyjmë edhe mandatin tjetër me llogje Kavaje.
Dhe më mirë se kushdo tjetër Lulzimit, këtë mënyrë gjeniale të bërjes së “politikës” ja ka mësuar Gazi, sekretari më aktiv i periudhës së postdjegies së mandateve.
Por ajo që vlen më shumë për kryetarin e Partisë Demokratike në këto momente, është largimi nga “rreziku” Meta.
Ai për Lulzimin është kthyer në “coronavirus” i rrezikshëm, pasi bëhet fjalë për komandën e opozitës në të ardhmen. Mungesa e vizionit dhe produktivitetit politik, e angazhimeve dhe potencialeve përgjatë viteve kur Lulzim Basha ka qenë dhe është kryetar PD, ka sjellë jo vetëm largimin e asaj force politike nga realiteti objektiv i asaj ç’ka ndodh në Shqipëri, por edhe qasjen e ish-partnerit në qeverisjen e shkuar, mikun e Doktorit , Ilir Meta.
Takimet e shpeshta së fundi në Presidencë mes Lulzimit dhe Ilirit, e kanë bazën tek “marrëveshja” apo aleanca e detyrueshme që kryetari PD, ka pranuar të bëjë me kreun e shtetit.
Pamundësia e Lulzimit për ti bërë “ballë” Ramës, shihet si shkaku kryesor i mënjanimit të tij nga Doktori.
Ndoshta akoma edhe sot, Lulzim Basha nuk po e kupton se politika nuk është “lojë fjalësh”, as “shtyje ta shtyjmë”, nuk është as pabesi marrëveshjesh, por diçka më e rëndësishme. Ndoshta akoma dhe sot Lulzim Basha nuk e ka kuptuar se, të luash në politikë, nuk është njëlloj sikur të tallesh me bazën e partisë.
Ndoshta akoma dhe sot Lulzimi nuk e ka kuptuar se, mungesa e fjalës së mbajtur në politikë, do të thotë dështim zinxhir i cili të ndjek gjatë gjithë karrierës tënde.
Ndoshta akoma dhe sot, Lulzimi nuk e ka kuptuar se të luash me takimet dhe “porositë” e ndërkombëtarëve, nuk është njëlloj sikur të tallesh me babalet e SHQUP-it. Gjithë kjo periudhë e ngarkuar me dështime, duket se nuk ka bërë efektin e duhur tek kryetari Partisë Demokratike.
Ai po vazhdon “denjësisht” rrugën e tij pa krye, duke nxjerrë dhe duke kërkuar çdo javë “qiqra në hell” edhe pse di fare mirë, se Rama nuk mundet me “afate” kërkesa dhe ankesa por me votë.
Duke dalë së fundi me “propozime” të reja si “mosshtyrja e 15 Marsit”, “qeveria kalimtare dhe Parlament dhe dy dhoma” tregon mungesë vullneti tek Lulzim Basha, për të arritur tek miratimi i Reformës Zgjedhore, të cilën e sheh herë si “zgjidhje e krizës” dhe herë si “mungesë serioziteti nga Rama”.
Të bësh lojëra fjalësh në politikë, nuk tregon se je “zanatxhi” i mirë i asaj fushe, por kalemxhi i keq, që aksidentalisht je futur në tapetin ku ndeshen profesionistët. Gjithsesi “shtyje ta shtyjmë” Lulzim deri në 2021, pastaj gjej një shkak tjetër për të mos ikur të paktën nga posti kryetarit të partisë, ndryshe humbe gjithçka.
5 komente në “Lulzim, politika nuk është lojëra fjalësh”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Shtyje ta shtyjme ka sukses se te gjithe jane te tredhur nga Saliu,te gjithe harrojne se po nuk u distancuan nga politika dhe krimet e shpellarit nga Vicidoli,gjithe jeten do e kalojne shtyje ta shtyjme.
Lereni , çmereni me Lulin.
Luli përshesh ha .
Ky eshte nje lesh lider qe duhet futur ne burg per gjithe grabitjet qe ks bere kur ka qene ne pushtet. Nje delirant i peshtire qe vetem perpiqet ti perdori e flake njerzit duke harruar kostot qe kane mare per Pd. Urgjent te rinjte demokrate por jo vetem duket te pregatisin nje memo per tere demet qe i ka kushtu ky gjakpires shqiptareve e demokrateve, qe nga rruga e kombit, abuzimet ne ministrine e brendshme, te jashtme e vjedhjet ne bashki, e te dorezohet ne gjithe kancelaeite mbarekombetare deri ne departamentin e shtetit amerikane. Une do jem nje prej jush ne kete kauze.
epo Lulzimi gjithe jeten ka qene lojtar rezerve o Artur
ndaj mos e diskuto me, edhe nja 15 vjet ai do te mbetet i tille sepse ashtu e do saliu
lul je 1
edhe 20 vjet je kr PD
edhe 25 vjet opozite
ok