Zv.Ministri i Mbrojtjes: Ushtria në rast epidemish ka funksion kushtetues. Qeveria i mori masat në kohën dhe lartësinë e duhur

Zëvendësministri i Mbrojtjes, Petro Koçi, ka folur në një lidhje të drejtpërdrejtë me Euronews Albania në lidhje me masat që po ndërmerr qeveria shqiptare në luftimin e mëtejshëm të pandemisë botërore, që tashmë njihet si COVID-19.

Të ndodhur përballë rritjes së numrit të personave të infektuar në vend, zv.ministri  Koçi e la të hapur mundësinë e mbledhjes së Këshillit të Sigurisë Kombëtare, organ  ky që thirret nga Presidenti i Republikës. Ai shtoi se gjithçka që është në dorën e ligjit dhe të institucioneve duhet të angazhohet në sfidimin e përhapjes së mëtejshme të COVID-19.

“Po gjykoj se duhen angazhuar të gjitha mundësitë institucionale për të përballuar këtë situatë , e cila vjen për shkak të një armiku të padukshëm, i cili tashmë është shpallur si armik botëror. Besoj që është e udhës që gjithcka që është në dorë të institucioneve dhe të ligjit të angazhohet në përballimin e kësaj situate.

Deri tani, masat e qeverisë janë marrë në kohën e duhur, në lartësinë e duhur.  Besoj se është e qartë për të gjithë se nëse nuk do të ishin marrë këto masa, numri i të infektuarve dhe fatkeqësisht numri i atyre që kanë humbur jetën do ishte më i lartë”, tha ai.

Numri dy i ministrisë së Mbrojtjes iu përgjigj edhe kritikëve, të cilët nuk janë pajtuar  me dislokimin e ushtrisë në disa zona të vendit. Sipas Koçit, Forcat e Armatosura  janë angazhuar në këtë situatë brenda  kuadrit ligjor dhe nuk ka asnjë shkelje të pretenduar.

“Gjithkush që lexon Kushtetutën dhe ligjin, besoj e kupton se nuk ka asnjë lloj tejkelimi të ligjit në përdorimin e Forcave të Armatosura në rastin e kësaj pandemie. Ligji e parashikon qartazi këtë lloj situate.

Nuk mund të mungonte ushtria në përballimin e kësaj situatë, dhe prandaj ne kemi pothuajse anagazhuar të gjitha strukturat. Të trija forcat tona: forcat detare, tokësore dhe atë ajrore, si dhe Policinë Ushtarake e cila kryesisht është angazhuar në krah të policisë për të monitoruar rregullat e qarkullimit”, shtoi ai.

'Mbrojnë' teatrin por ekspozohen përballë koronavirusit, aktivistët mblidhen para godinës. Shoqërohet në polici regjisori Robert Budina dhe arkitekti Merzhani

12:43 Sociale

"600 të burgosur do të karantinohen në shtëpitë e tyre për 3 muaj", Gjonaj: Ja cilat kategori përfitojnë

12:38 Sociale

Infektohet me Covid 19 drejtori i Urgjencës, Skënder Brataj

12:12 Sociale

Kreu i bashkisë Pukë mesazh prekës për mikun e tij që vdiq nga koronavirusi: Virusi na mori më të mirin prej nesh, do na mungojë një prej djemve të zellshëm për vendlindjen e tij

12:16 Sociale

41- vjeçari që ndërroi jetë nga koronavirusi në Kavajë, kishte rregulluar falas spitalin: E bëj për qytetin tim, mos ma përmendni emrin

11:25 Sociale

"A kërcënon Shqipërinë skenari italian i epidemisë?"/ DW: Shqipëria në javën e shpërthimit masiv të COVID-19

11:13 Sociale

Shënohet viktima e 5-të nga koronavirusi në Shqipëri, shkon 123 numri i të prekurve

11:14 Sociale

“Masazh trupit me raki e paracetamol dhe ponç i bërë vetë”, "Cekja i Beratit" gjen vend në TV, për të dhënë këshilla si të mundim koronavirusin

11:07 Sociale

“Pandemia po përshpejtohet”, mjeku Kalo thirrje qytetarëve: Izolim dhe karantinim, së bashku mund t’ia dalim përballjes me vrastarin COVID-19

09:53 Sociale

Sa kohë pas daljes nga spitali një i shëruar mbetet burim infeksioni?

09:23 Sociale