Veliaj: Do vijojmë me ndihmat në ushqime dhe ilaçe, nisma e qeverisë për qiratë pozitive, i jep frymëmarrje biznesit dhe familjeve

Bashkia e Tiranës vazhdon të trokasë në dyert e familjeve në nevojë, për të qenë pranë tyre në këto ditë të vështira e për t’i ndihmuar ata me ushqime. Kryetari i Bashkisë së Tiranës, Erion Veliaj ishte sot në familjet e Nazim Currit, Bardhyl Trimit dhe Muhamed Trimit në Ndroq, ku tërmeti i 26 nëntorit ua nxorri të pabanueshme banesat. 

Ai i siguroi ata se ndihma institucionale, qoftë për ushqime apo ilaçe, nuk do të mungojë. “Do vazhdojmë me këtë skemë, për çdo nevojë në ushqime, ilaçe, apo nevoja të tjera, si çadra, kontenierë. Kur funksionon edhe posta, edhe ushtria, edhe pastrimi, edhe policia, tregon se në këto vite kemi ftilluar një shtet serioz”, tha Veliaj.

Kryebashkiaku vlerësoi edhe nismën e ndërmarrë nga kryeministri Rama për çështjen e pagesave të qirave, që adreson një shqetësim të mijëra familjeve e bizneseve. “Kryeministri bëri diçka të mirë dje për punën e qirave, duke dhënë mundësi të shtyhen afatet dhe të paguhen me këste ndër muaj. I jep frymëmarrje biznesit të vogël apo atyre që mund të kenë humbur një vend pune dhe terezinë e familjes nga epidemia. Pjesa më e madhe e halleve të njerëzve është adresuar, pra ushqimi, qiraja, heqja e kamatë vonesave”, deklaroi ai.

Veliaj theksoi se menjëherë pas kapërcimit të kësaj situate, do të nisë menjëherë puna për rindërtimin e banesave të dëmtuara nga tërmeti. “Ne kishim filluar, madje edhe me kryeministrin ishim në disa shtëpi në Ndroq, por u bllokuam për shkk të situatës. Stafin e inxhinierëve dhe urbanistëve e çuam për të punuar nga shtëpia që të bëjnë dosjet, po sapo të mbarojë kjo, do të fillojmë me shtëpitë”, u shpreh kryebashkiaku Veliaj.

Kreu i Bashkisë nënvizoi se pavarësisht kritikave të atyre që komentojnë për çdo gjë, puna nuk do të ndalet për të ndihmuar gjithkënd që ka nevojë.

“U them më shani sa të doni, rëndësi ka të bëhet puna. U them edhe këtyre që japin mend, sepse u bënë të gjithë inxhinierë. Tani janë bërë të gjithë doktorë. Lëreni doktorin të bëhet doktor, lëreni inxhinierin të bëhet inxhinier, kryetarin-kryetar, kryeministrin-kryeministër, aministratorin-administrator sepse kur bën secili detyrën e vet, si profesionist, ecën përpara vendi”, tha Veliaj.

Një nga prioritet në punën e Bashkisë Tiranë këto ditë është ndihma ndaj familjeve të prekura nga tërmeti, ndërkohë që në të 27 njësitë administrative vijon shpërndarja e pakove ushqimore për familjet në nevojë, të moshuarit e vetmuar dhe personat me aftësi të kufizuara.

BE, ndihmë 4 milionë euro Shqipërisë për luftën ndaj COVID-19. Soreca e Williams nënshkruajnë marrëveshjen. Manastirliu: Reagim i shpejtë për të luftuar armikun e përbashkët

14:22 Sociale

Shkodra me numrin më të lartë të rasteve me COVID-19 në 24 orë, ministria e Shëndetësisë: Kjo rritje tregon edhe njëherë mos respektimin e masava

13:20 Sociale

REPORTAZHI: “Ra kjo pandemi e u ndamë”

12:57 Sociale

‘Mos i thuaj vetes erdhi fundi i botës’, Basha publikon mesazhin prekës nga New Yorku, kujtesë për Ramën: Kjo që sheh është akt dashurie

12:24 Sociale

VIDEO/ “Mësoni nga shqiptarët, boll kënduat në ballkone”, italiani kritika Conte-s: Lëviz b*thën, leri fjalët, njerëzit kanë uri. Shikoni miqtë tanë si ndihmojnë

11:58 Sociale

27 raste të reja në 24 orë: Shkon në 304 numri i të prekurve me koronavirus në Shqipëri

11:49 Sociale

Koronavirusi: Dokumenti gjerman që parashikoi gjithçka që në vitin 2012

11:28 Sociale

Virusi mund të përhapet edhe nga ajri, OBSH vlerëson përdorimin e maskave nga të gjithë

11:03 Sociale

“Zbulimi” i Hetem Ramadanit: Nuk po na vret koronavirusi, por kequshqyerja. Do vdesin më shumë amerikanë se shqiptarë, se ata janë obezë dhe hanë shumë mish

10:37 Sociale

Testi serologjik i COVID-19 është premtues, por nuk është certifikuar ende

10:28 Sociale