Formimi i qeverinë së re, Thaçi i nis letrën e tretë Albin Kurtit: Propozo emrin e kandidatit për kryeministër

Presidenti i Kosovës, Hashim Thaçi, i ka shkruar një letër tjetër kryetarit të Lëvizjes Vetëvendosje, Albin Kurti – njëherësh kryeministër në detyrë – duke kërkuar nga ky subjekt që si fitues i zgjedhjeve parlamentare të 6 tetorit, të dërgojë emrin e ri për mandatarin për kryeministër.

Kjo është letra e tretë që presidenti Thaçi ia shkruan Vetëvendosjes që nga votimi në Kuvendin e Kosovës, muajin e kaluar, për mocionin e mosbesimit ndaj qeverisë së drejtuar nga Albin Kurti.

Përmes letrës, Thaçi i kërkon Kurtit që brenda një periudhe të arsyeshme kohore të propozojë kandidatin për kryeministër, për të formuar qeverinë e re.

“Ju rikujtoj që mandati im kushtetues më obligon që të garantoj funksionimin demokratik të institucioneve të Republikës së Kosovës, duke përfshirë edhe sigurimin e emërimit të kandidatit për kryeministër, për të formuar Qeverinë e Republikës së Kosovës”, thuhet në letrën e presidentit Thaçi.

“Askush nuk ka të drejtë t’i privojë përfaqësuesit e zgjedhur të popullit në Kuvendin e Kosovës për të pasur kandidatin për kryeministër dhe për të ushtruar kompetencën e tij/saj për të zgjedhur qeverinë, siç përcaktohet në nenin 65 (8) të Kushtetutës”, thekson letra.

Që nga votimi i mocionit të mosbesimit ndaj qeverisë, më 25 mars, Vetëvendosje nuk i është përgjigjur ftesës së presidentit Hashim Thaçi për të dhënë një emër të ri për mandatar për të formuar qeverinë.

Në një letër të fundit, që kryetari i Vetëvendosjes, Albin Kurti, ia ka nisur presidentit Thaçi, është thënë se ky i fundit po “përdor standarde të dyfishta kur po kërkon emrin e mandatarit nga Vetëvendosje” dhe se “vendi duhet të shkojë në zgjedhje menjëherë pas kalimit të situatës me pandeminë e shkaktuar nga koronavirusi”.

Koalicioni qeverisës mes Lëvizjes Vetëvendosje dhe Lidhjes Demokratike të Kosovës është prishur pasi Kurti ka shkarkuar nga pozita e ministrit të Brendshëm, Agim Veliun, e LDK-së.

Pas shkarkimit, LDK-ja ka iniciuar mocion mosbesimi, i cili ka marrë votat e nevojshme pasi është nxjerrë në kuvend.

Ambasada amerikane në Kosovë thrrje qytetarëve: Respektoni masat kundër koronavirusit

14:06 Rajoni

Vjedhësi nga Shqipëria që meriton medalje

11:03 Rajoni

Serbisë i del jashtë kontrollit situata: 131 të infektuar në kujdes intensiv, 4,465 raste të reja

20:02 Rajoni

"Marrëveshja me Serbinë", Kurti: Pajtohem me Grenellin, por më akuzojnë se jam anti-amerikan. Thaçi më sulmon çdo ditë

16:44 Rajoni

Stoltenberg: Misioni i NATO-s në Kosovë mbetet funksional përkundër pandemisë

16:01 Rajoni

Politikanët amerikanë thirrje Shtëpisë së Bardhë të ulë presionin ndaj Kosovës

15:03 Rajoni

Kosova ndërron fashën e orarit të lëvizjes, kryetarët e komunave: Askush s’është konsultuar me ne për masat e reja

12:06 Rajoni

Mustafa: Masat e Ministrisë së Shëndetësisë nuk janë veprim ligjor, Albin Kurti nuk po respekton Kushtetutën

11:23 Rajoni

Kosovë, të shtruar në siptal 54 pacientë me koronavirus, tre në gjendje kritike

10:08 Rajoni

Kurti letër Thaçit: Mos përdorni standard të dyfishtë, zgjedhje pas pandemisë

16:34 Rajoni