Vrasja e vëllezërve Haxhia, zbardhet dëshmia e të penduarit Klevis Alla: Viktimat kanë strehuar një nga grabitësit e Rinasit, kam marrë pjesë në 4 ngjarje kriminale

Klevis Alla, 22-vjeçari i cili akuzohet se ka marrë pjesë në ekzekutimin e dy vëllezërve Haxhia (Besmirit dhe Viktorit) në Durrës ka dëshmuar në Polici se këta të fundit kanë strehuar në banesë një nga grabitësit e Rinasit.

Nuk dihen ende se për kë person e ka fjalën Klevis Allia. Po kështu, ai është shprehur se ka marrë pjesë në të paktën 4 ngjarje kriminale.

“Dy vëllezërit Haxhia strehuan në banesë një nga grabitësit e Rinasit. Unë kam marrë pjesë në të paktën 4 ngjarje kriminale”, ka dëshmuar ai.

Dy ditë më parë Gjykata e Durrësit dha masën e sigurisë “arrest me burg” për Altin Ndocin dhe Klevis Allën, të cilët akuzohen për vrasjen e dy vëllezërve Haxhia (Besmirit dhe Viktorit) dhe për ekzekutimet e Anxhelo Avdisë e Dorian Shkozës. Seanca në Gjykatën e Durrës u zhvillua nën masa të rrepta sigurie.

Ngjarjet e rënda u zbardhën nga tabulatet telefonike, por edhe bashkëpunimi i 22-vjeçarit me policinë.  Ndërkohë Dosja.al zbuloi detaje nga dosja e Prokurorisë për vrasjen e vëllezërve Haxhia.

Mësohet se detaji që ka fundosur autorët është një pjesë xhami e ‘Toyota-s’ me xhama të zinj, që atentatorët përdorën gjatë vrasjes. Kjo e fundit u gjet në vendgjarje.

Po kështu, makina është kapur edhe nga kamerat e sigurisë së një subjekti aty pranë. Dy të rinjtë u arrestuan pasditen e së enjtes nga Policia, njëri në Tiranë e tjetri në Durrës. Dy vëllezërit Haxhia u ekzekutuan brenda makinës së tyre “Voklswagen”, me 55 plumba.

Besmir dhe Viktor Haxhia u vranë tek parku i tregut të makinave në Durrësit, aty ku kishin edhe një biznes të tyre. Sapo të dy vëllezërit dolën nga banesa dhe iu drejtuan parkut, 3 persona dyshohet se iu dolën para me makinën Toyota, viktimat ndaluan dhe ata nisën të qëllojnë drejt tyre.

Ndërkohë që e ngjashme është edhe ngjarja e dy marsit, për të cilën akuzohet Ndoci dhe i riu nga Durrësi. Anxhelo Avdia dhe Dorian Shkoza, ishin duke  ecur në këmbë kur u qëlluan nga një makinë në ecje.

Njëri prej tyre, Dorian Shkoza, ka qenë i dënuar me 8 vite burg për trafik droge dhe është liruar në vitin 2010.

Detaje nga superperacioni antidrogë në Itali: Pranga shqiptarëve të lidhur me klanin mafioz të Cosa Nostra ”Santapaola-Ercolano”

09:54 Kronika

HISTORIA: Si u zbulua i dënuari përjetë që jetonte me emër të ndërruar

20:31 Kronika

Policia bën bilancin: 5 mijë gjoba për qytetarët, hiqen qindra patenta

11:29 Kronika

Delvinë, shpërthim me eksploziv në fuoristradën e 53-vjeçarit

08:30 Kronika

U arrestua për ngacmim seksual, 33-vjeçari: Unë jam agjërueshëm, e vërteta do dalë shumë shpejt

22:45 Kronika

Xhami në vendngjarje i ‘nxori zbuluar’, avokati Visha: Altin Ndoci s’ka përdorur kurrë makinë “Toyota”, bashkëshortja e tij me gruan e një prej viktimave janë shumë afërta

14:24 Kronika

Lihet në burg 24-vjeçari nga Taxhikistani i kërkuar për terrorizëm, avokati ish deputet i PD: Nuk u arrestua, u vetëdorëzua në polici

12:31 Kronika

Lidhën dhe grabitën familjen në Tiranë, kapen 3 autorët. Policia jep detajet

12:23 Kronika

DETAJET e Prokurorisë për atentatin e Durrësit: Drejt makinës u derdhën 55 plumba, 38 kapën trupat e vëllezërve Haxhia

11:47 Kronika

Avokati: Altin Ndoci nuk është autori i vrasjes së dy vëllezërve, ai ishte shok me ta dhe iu shkoi dhe në varrim

10:54 Kronika