Ky është plani me 3 faza i Greqisë për hapjen e turizmit

Greqia po zhvillon një plan me tre faza për hapjen e sezonit turistik, pas mbylljes totale të kufijve për dy muaj për frenimin e përhapjes së koronavirusit.

Plani për rinisjen e turizmit, i cili përbën rreth 18 për qind të ekonomisë së vendit, u paraqitën para ligjvënësve në Parlament të hënën mbrëma nga Ministri i Turizmit Haris Theocharis.

Pjesa e parë e planit, u hartua nga ekipet teknike nga Organizata Kombëtare e Shëndetit Publik në bashkëpunim me Ministrinë e Turizmit dhe përqendrohet tek protokollet e veçanta të sigurisë shëndetësore të dizajnuara për hotelet, anijet, jahtet, autobusët turistikë, aeroplanë dhe zona të tjera ku mblidhen turistët.

Kontaktet diplomatike përbëjnë pjesën e dytë të planit, me Greqinë që po zhvillon bisedime me qeveritë europiane mbi hapat që do të nevojiten për të rifilluar fluturimet dhe respektimin e protokolleve shëndetësore.

“Nëse qeveritë gjermane, ruse ose amerikane nuk i ofrojnë siguri për të udhëtuar qytetarëve, atëherë asnjë turist nuk do vijë në Greqi. Ajo që kërkohet është diplomacia, “tha ministri grek i Turizmit, duke shtuar se turizmi i brendshëm gjithashtu do të forcohet.

Pjesa e tretë e planit përfshin një fushatë të re reklamimi publik që promovon Greqinë si një destinacion të sigurt dhe kontakte me operatorët turistikë dhe mediat ndërkombëtare për të përmirësuar imazhin e vendit.

Në një intervistë të transmetuar nga CNN të hënën, kryeministri grek Kyriakos Mitsotakis vlerësoi se Greqia do të ishte rihapet për turistët në 1 korrik nëse lehtësimi i masave të bllokimit të nisura këtë javë do të vazhdojë pa probleme dhe zbatohen rregulla të rrepta shëndetësore.

“Eksperienca e turizmit këtë verë mund të jetë paksa e ndryshme nga ajo që keni pasur në vitet e kaluara, me më shumë distancim shoqëror, mbase nuk do të ketë bare të hapura, por prapëseprapë mund të keni një përvojë fantastike në Greqi”, tha kryeministri grek.

E trishtë në Kosovë: Burri shërohet, gruaja vdes sot nga Covid-19

19:05 Rajoni

Komisionari për Zgjerim i Bashkimit Evropian: Kosova dhe Serbia të arrijnë një marrëveshje që nuk rrezikon vendet e rajonit

17:45 Rajoni

COVID-19: Greqia dhe Kroacia drejt hapjes së turizmit me protokolle mjekësore

15:45 Rajoni

VIDEO/ Pandemia zbraz ishullin e Santorinit

14:36 Rajoni

PËRPLASJA: Albin Kurti i jep “duart”, krahut të tij të djathtë?

11:56 Rajoni

Kryeministri grek: Ballkani Perëndimor i përket Bashkimit Europian

10:12 Rajoni

Rruga Ballkanike edhe më tej ‘lojë e jetës dhe vdekjes’

09:24 Rajoni

BE siguron Ballkanin Perëndimor për të ardhmen europiane

09:09 Rajoni

Serbia shfuqizon gjendjen e jashtëzakonshme

08:42 Rajoni

Si u turpërua Vetëvendosja nga Behgjet Pacolli?

21:40 Rajoni