Te fundit
Dokumentet e FBI-së: Tito u zhduk në vitin 1937, Jugosllavia u drejtua nga një agjent rus
14 Maj 2020, 10:45Rajoni
TEMA
Josip Broz, i njohur kryesisht me nofkën e luftës, Tito, ishte pa dyshim një nga revolucionarët më të suksesshëm të shekullit XX.
Pasi udhëhoqi luftën çlirimtare ndaj nazistëve gjermanë, ai e sundoi me dorë të hekurt federaten e përçarë ballkanike, deri në vdekjen e tij më 4 maj 1980.
Trashëgimia e tij, mbetet ende sot shumë e debatueshme. Por debati më i zjarrtë që vlonte nën zë në Jugosllavinë e para viteve 1990, kishte të bënte me identitetin e vërtetë të këtij njeriu…
Në 20 prill 1955, Marijan Xhon Markul hyri në zyrën e FBI-së në Los Angeles, dhe u rrëfeu agjentëve një histori tronditëse. Njeriu që asokohe e prezantonte veten si Marshalli Josip Broz Tito, nuk ishte në të vërtetë ai, por një agjent rus që vodhi identitetin e Titos, pasi Josip Brozi i vërtetë u zhduk në Rusi në vitin 1937.
Kjo thuhet në raportin e FBI-së të fillim majit të vitit 1955, i deklasifikuar vetëm në vitin 2019. Marijan Markul lindi në Livno në Bosnjen e sotme në vitin 1909. Emigroi në Shtetet e Bashkuara në vitin 1936, dhe mori nënshtetësinë amerikane në vitin 1944, pasi shërbeu për 2 vjet në ushtrinë amerikane gjatë Luftës së Dytë Botërore.
Raporti thotë se FBI nuk ishte e sigurt, se sa i saktë ishte informacioni që dha Markul, por nënvizon se vizitori pretendonte se ishte “një socialist që donte të jepte informacione, të cilat mund të ishin të rëndësishme për sigurinë e Shteteve të Bashkuara”.
Raporti i deklasifikuar mbi takimin e agjentëve të FBI me Markul, thekson se ky i fundit e kishte vizituar Jugosllavinë në vitin 1953, kur ishte takuar me Titon në 2 raste. Takimi i parë zgjati rreth 1 orë, dhe me atë rast, ai vuri në dukje se Marshalli Tito kishte 5 gishta në secilën dorë.
Ndërkohë po sipas Markul, Tito i vërtetë kishte humbur gishtin e mesëm dhe atë tregues të dorës së majtë. Ai shtoi se Tito që takoi në vitin 1953, ishte i mirë-arsimuar, dhe luante shkëlqyeshëm në piano. Nga ana tjetër, ai tha se Tito i vërtetë ishte i paarsimuar, dhe me aq sa dinte Markul, ai nuk dinte të luante në piano.
Ndër të tjera, Markul pohoi se Josip Broz i vërtetë ishte i gjatë rreth 180 centimetra, ndërsa Tito “i rremë” ishte vetëm 160 cm i gjatë. Markul theksoi gjithashtu se njeriu që në vitet 1950 e paraqiste veten si Tito, fliste me një ton butë me një theks të lehtë rus. Ndërkohë që Tito i vërtetë, kishte një ton zëri më të fortë, dhe një të folur të rrjedhshme të serbo-kroatishtes.
Markul pohoi se Tito i vërtetë ishte shumë i sëmurë, vuante nga Tuberkulozi, dhe ishte zhdukur në Rusi në vitin 1937. Ai nënvizoi gjithashtu tha se në fund të viteve 1920, kishte biseduar me Titon e vërtetë në Jugosllavi, dhe ishte takuar me të në Paris në vitet 1935 dhe 1936, duke shtuar se ishte i bindur se pikërisht ai njeri ishte Josip Brozi i vërtetë.
Pasi takoi Marshallin në vitin 1953, Marijan vizitoi motrën e tij të martuar në Zagreb. Ata zhvilluan një bisedë mbi çështjen nëse udhëheqësi aktual i Jugosllavisë ishte Tito i vërtetë, dhe në fund ranë dakord se ai nuk ishte. Bashkëshorti i motrës, Boris Goriç, i pohoi se nuk ishte i sigurtë mbi identitetin e Titos, dhe se kjo gjë përflitej në të gjithë Jugosllavinë.
Raporti thotë se motra e tij dhe burri i saj, nuk besonin se në krye të Jugosllavisë ishte Josip Broz Tito i vërtetë. Ata nisën të dyshojnë për këtë gjë që në vitin 1937, kur dëgjuan zërin e tij në radio, dhe vërejtën një ndryshim të theksit. Markul pretendoi ndërkohë se edhe babai i tij Ivani, e njihte Titon e vërtetë, pasi ata punonin në të njëjtin qytet. Edhe ai e pranonte se bëhej fjalë për 2 njerëz të ndryshëm.
Markul e takoi për herë të dytën Titon po në vitin 1953 në Zagreb. Këtë herë Marijan dhe gruaja e tij Ingrid, u shpërfillën thuajse tërësisht nga Marshalli. Pas pritjes së ftohtë nga Marshalli, Markul bisedoi për orë të tëra me Aleksandër Rankoviçin, për të cilin ai pretendoi se ishte në të vërtetë njeriu më i plotfuqishëm i Jugosllavisë.
Dyshohet se Rankoviç dhe Markul, kishin qenë bashkë në burg në fund të viteve 1920, për shkak të angazhimit të tyre në grevat e sindikatave, dhe gjatë asaj kohe ata ishin bërë miq të ngushtë. Për këtë arsye, Markul i tha hapur Rankoviçit se ai e dinte që Tito që ndodhet në dhomën ngjitur, nuk ishte ai i vërteti.
Markul u tha agjentëve të FBI-së se sipas mendimit të tij, autoritetet jugosllave bashkëpunonin fshehurazi me Bashkimin Sovjetik, dhe se kjo gjë më vonë do të bëhej e qartë për të gjithë. Ai shprehu ndërkohë bindjen e tij, se nëse dëshironin autoritetet sovjetike, mund ta hiqnin lehtësisht qafe Titon.
Markul shtoi se të gjitha deklaratat e tij, mund të rikonfirmoheshin nga Zivko Topaloviç, që banonte në Francë. Sipas Markul, Topaloviç e njihte Titon e vërtetë, dhe për këtë arsye autoritetet jugosllave e dënuan me 20 vjet burg. Dhe kjo ishte arsyeja pse ai u arratis në Francë. Topaloviç besonte se personi që e prezantonte veten si Tito, ishte në fakt gjenerali rus Nikolai Lebedev.
Markul arriti në përfundimin se qeveria jugosllave, bënte gjoja sikur po përplasej me Bashkimin Sovjetik, vetëm që të merrte ndihma nga Shtetet e Bashkuara, dhe se në fakt midis 2 vendeve nuk kishte pasur kurrë një përçarje të vërtetë. Markul shtoi se njeriu që e paraqiste veten si Tito, ishte në të vërtetë një agjent rus tërësisht besnik ndaj Moskës.
Vetë Markul dëshmoi se kishte qenë disa vite në Rusi. Tanimë, ai pretendonte se kishte parë shumë nga agjentët rusë në rrugët e Jugosllavisë. Në vitin 1930, ai shkoi në Rusi ku mendoi se shoqëria atje ishte më idealja për të jetuar. Por shumë shpejt u arrestua dhe internua “pasi nuk arriti të plotësojë kuotat në punë”.
Ai u tha agjentëve amerikanë të FBI-së, se u arratis nga Rusia 3 vjet më vonë nëpërmjet Siberisë. “Markul pretendon se autoritetet jugosllave shtirren sikur kanë mosmarrëveshje me Bashkimin Sovjetik, në mënyrë që të marrin ndihma financiare nga SHBA, dhe se në fakt nuk ka ndonjë përçarje të vërtetë midis Jugosllavisë dhe Bashkimit Sovjetik”-thuhet në dokumentin e FBI-së amerikane dikur të klasifikuar si tepër sekret.
Global-politics.eu – bota.al
17 komente në “Dokumentet e FBI-së: Tito u zhduk në vitin 1937, Jugosllavia u drejtua nga një agjent rus”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Po po pordhe me rigon….ndaj e ndau Tito nga blloku lindor jugosllavine….aman cna jepni kto budalleqe…
Diskutohet qe veprat e Shekspirit nuk i ka shkruajtur ai,por nje person tjeter qe per koincidenc ka patur emrin po William Shekspir.Keshtu eshte edhe historia e Titos,i cili ishte nje fat i madh per popujt jugosllav,kur edhe sot ata e kujtojne me nostalgji.
Cfar nostalgjie, or? Nga e merr kete ide? Vetem disa Serbe e admirijne se e mbajt Jugosllavine te bashkuar, me terror!
Domethene partizani ishte veshur si partizan, qe ta merrnim ne per gjerman.
Ballisti,e fortë kjo ???
Keto fashistet sllavo serbe qe permenden ne artikullin e mesiperm te gjithe pa perjashtim s’ishin dhe sjane asgje tjeter vecse kafshe gjenocidiale antishqipetare .
E vetmja menyre per te pasur nje “fqinjesi te mire” me keta fashiste
eshte rritja e kapaciteteve ushtarake te dy ushtrive
shqipetare deri ne ate pike qe ti garantojne dy shteteve shqipetare nje superioritet ushtarak te drejte per drejte ndaj serbise gjenocidiale.
Mire e ke ti por keta qe na kane udhehequr ne nuk na kane lene leke as per llastik brekesh
? Shkoi si skrapi te kasapi armatimi I ushtrisë.
Mark ta ka bere mendjen kisha katolike bythe,te ka hedhur trut e gomarit!
Tito i hidhi poshte edhe varshaven edhe Nato asnjanes ashtu sic kerkonin b sovjetik e perendimi!
Bota U NDA nga amerikanet e stalini lindjen amerikanet perendimor,Tito e shpeton jugosllavine nga vartesit qe imponuan sistemet politike !
injoranca ne gazeten Tema
Kete histori e kam degjuar per here te par para 20 vjeteve. Kjo teori ka qarkullu shume ne Jugosllavi . Versionin e gishtave te dores e kam degjuar edhe ma pare. Thuhet se Tito i keputi dy gishta ne nje fabrike te Benzit, kur punonte ne Gjermani. Ndersa per gjatesine e trupit, asht hera e pare qe e degjoj. Çudi, Ruset nuk kan qene te marre te zevendesojne dike me 20 cm diference, por me zbulimet e fshehta gjithçka asht e mundeshme.
Me ban pershtypje se per sa dihet FBI -ja nuk merret me çeshtje nderkombetare, por asht CIA ajo qe merret me keto.
FBI merret dhe vepron edhe jashte territorit te SHBA. FBI ka ne arkivin e saj dosje pothuaj oer tw gjihe politikanet e larte te shteteve ku SHBA ka interesa.
Aman spaku ne kete kohe te koleres, na kurseni nga keto marrira. Nje boshnjak i amerikanizuar, anonim shkon ne vizite ne Jugoslavi dhe lafos me Titon me ore te tera…
Gjithashtu ky shakaxhi pretendon se ishte ne burg me Rankoviqin ne fund te1920ve kur Rankoviqi nuk ishte as student e lere me ne burg.
Ngase Tito pasesh qene spiun rus, Staline personalisht kishte urdheruar vrasjen e ti disa her. Marrira
Nje njeri i dha kete gje a gjeze shokut te vet:
“C’eshte nje gje jeshile, ne peme qe kendon?” U mendua shoku shume dhe nuk e gjeti e i tha tjetrit po mire ma thuaj ti.
– Peshku, ishte pergjigja.
– Ouuuuuuuuuuuuu, po si peshku ne peme?
– E kam hipur une.
-Mire, po si jeshil?
-E kam lyer une.
-Po mire, si kendon?
– Ajo eshte per te te ngaterruar ty.
Gjate peridhes para Luftes se dyte Boterore gjate edhe pas saj deri ne fundin e viteve 60 sherbime te ndryshme sekrete dhe vecanerisht ato ruse dhe gjermane e perdornin si oraktike qe te zevendesonin nje individ me nje tjeter. Normalisht qe ky zevendesim personi behej ne menyre te studiuar. Nuk ka arsye te habitemi. Megjithate ajo qe mund ta gedhi poshte kete teori eshte fakti qe TITO u dha apo njohu disa te drejta KOSOVES ne kuadrin e nje autonomie. Nje Rys nuk mund ta lejonte kete.
Tito u detyrua ti njihte ca te drejta shqiptareve sepse shqiptaret ishin faktor etnik shteteformues pra nuk ishte bamiresi or mik, thjeshte beri me te pakten e mundshme.
Historia e gishtave te Titos ka vite qe qarkullon nuk doli sot dhe praktika te tilla ndodhin per lider politik dh fetar porse ralle ne nivele te presidenteve.
Te mendonin Jugosllavet keshtu Kisova do te kish qene Republike, prandaj argumentimi juaj nuk ka llogjike. Per sa di dhe kam lexuar ato oak te drejta Kosoves ju dhane me shume per inat te serbeve sesa te elementit shtet firmues ne jugosllavi. Kosova ne ate periudhe e deri ne clirimin e saj nga Jugoslkavet eshte konsuderuar si nje krahine apo njesi administrative.