Te fundit
PD: Nuk kemi dijeni për propozimin e ambasadores amerikane për sistemin zgjedhor
30 Maj 2020, 13:53Politika
TEMA
Partia Demokratike nuk është e gatshme të shtrojë si kusht të vetin ndryshimin e sistemit zgjedhor.
Në një intervistë për TvT, Sekretari për Çështjet Zgjedhore Ivi Kaso, shprehet në mënyrë evazive për këtë çështje duke cilësuar se debati për sistemin është kompleks.
“Debati mbi sitemin është një debat kompleks dhe joshterues për sa kohë do të konsumohet vetëm nga një aktor politik ose jo.
Nuk ka në asnjë standard ndërkombëtar të gjithëpranuar lidhur me supremacinë e një sistemi mbi një tjetër.
Në këtë kontekst mund të them se të gjithë sistemet zgjedhore janë demokratikë dhe adresojnë nevoja të shoqërive në faza të ndryshme të zhvillimit demokratik të tyre si dhe të pjekurisë institucionale të këtyre të fundit.
E rëndësishme është që ai, i cili përzgjidhet si i duhuri të ketë një konsensus të lartë publik çka do të garantonte që të aktorët e një gare zgjedhore, si dhe të gjithë zgjedhësit, t’i afroheshim procesit zgjedhor me besim dhe me vullnet për të bërë diferencën”, thotë Kaso.
Lidhur me një propozim të ambasadës amerikane, Kaso deklaron se nuk ka dijeni për një ide të tillë.
“Nuk kam dijeni të ketë ndonjë propozim të kësaj natyre, për sa kohë që ende nuk kam parë një propozim të tillë të formalizuar zyrtarisht dhe asnjë përfaqësi të marrë ende autorësinë e propozimit.
Si rrjedhojë çdo debat në këtë drejtim, atë të vlerësimit të prevalencës së një sistemi mbi një tjetër, më duket i parakohshëm”, vijon ai.
Kjo çështje ngjan përfundimisht e mbyllur nga të tri partitë kryesore ndonëse në parim kreu i PD-së, është shprehur për sistem mazhoritar.
Dakordësia për sistemin e tanishëm është në një farë mase dakordësi për të mbyllur rrugët e penetrimit të subjekteve të tjera që mund të shfaqen në një kohë kur vlera e përfaqësimit të politikës aktuale ngjan të jetë në minimumin historik.
2 komente në “PD: Nuk kemi dijeni për propozimin e ambasadores amerikane për sistemin zgjedhor”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Jeni me fat qe eshte Rama kryetar qeverie une do ju varja ne mes Tirones .
Ajo dihet.Ne qe jetojme jashte Shqiperis e dime propozimin e diplomates amerikane per systemin danez si pjese e reformes zgjedhore.Si zakonisht PD nuk din dhe as nuk ka ndigju nje gje te tille.E shkreta Shqiperi .Nje parti pa asnje vlere e ideollogji ku baze e saj eshte strategjia e rrenes,mashtrimit,manipulimit,kercenimit e jashte skemave politike,ne asnje mendyre nuk duhet te trajtohet si parti Brenda sistemit e aq me teper ne komisjone te reformave te ndryshme se nuk eshte pjese e sistemit politik.Kjo loje e metes per futjen e PD e LSI ne komisjone apo komitete te reformave eshte pjese sabotimi I cdo perpjekje te qeveris qofte per reformen ne drejtesib w qofte nw at zgjedhore.Me qarte nuk ka.