Te fundit
Investigimi për trafikimin e arabëve në Shqipëri: Pezullohen nga puna zyrtarët e lartë të policisë
3 Qershor 2020, 18:20Kronika
TEMA
Ka qenë i menjëhershëm reagimi i Policisë së Shtetit ndaj skandaleve që u publikuan mbi trafikun e arabëve në Shqipëri.
Burime nga brenda policisë bënë të ditur se sot është marrë masë me pezullim nga detyra për të gjithë zyrtarët e Policisë Kufitare.
Të pezulluarit janë: Enekeleda Toska, drejtoreshë e kufirit dhe emigracionit, Tiranë. Altin Hasani, Shefi i sektorit Besnik Zela, Shefi i sektorit, Albana Metko, Shefe e Seksionit, Adelina Lita, Specialiste.
Të martën në mbrëmje “Top Story” denoncoi me fakte se si këta zyrtarë të policisë dhe familjarë të tyre ishin bërë pjesë e rrjetit të paligjshëm të trafikut me arabët.
Ivestigimi i plotë i Top Story:
Emisioni investigativ Top Story në Top Channel ka publikuar fakte për lidhjet mes zyrtare të policisë me një rrjet të organizuar të trafikut ndërkombëtar të qenieve njerëzore. I përfshirë në këtë rrjet rezulton shtetasi Sami hoxha, bashkëshortja e të cilit Enkelejda Toska është drejtoreshë në “Drejtorinë Raionale të Kufirit dhe Migracionit, detyrë që e mban nga Shkurti i vitit 2018.
Emri i Sami Hoxhës dhe përfshirja e tij në trafik doli gjatë investigimit të emisionit dhe ku emigranti Salem Shehabeldin, tregoi se Samiu i kishte propozuar të bashkëpunojë për të sjellë shtetas nga vendet arabe për t’i çuar në Itali ose Rumani.
Sami hoxha dikur aksioner në kompani të vogla, ka si biznes të vetin kompaninë “FRENKI” ku i ndan aksionet me Shtetasin Arab me emrin Adel Thabi. Një kompani që shumë herë i janë bllokuar aksionet me vendim gjykatë për mos shlyerje detyrimi. Kompania tjetër që zotëron Sami Hoxha quhet “Global Fjuçër Uon”dhe është hapur në vitin 2019.
Ndër të tjera, objekti i saj i veprimit lidhet direkt me emigrantët, pasi ndihmon në plotësimin e dokumentacionit të nevojshëm për pajisjen me vizë, leje qëndrimi si dhe ndjek ecurinë e këtij dokumentacioni deri në përfundim.
Shërbime në zyrën e punës, emigracionit, institucioneve të ndryshme shtetërore në bazë të marrëveshjeve me bizneset e individë të veçantë. Ashtu siç shihet Sami Hoxha ka ngritur një biznes që ka për objekt shërbimet e emigracionit, atje ku gruaja e vet është drejtoreshë. Ndërkohe shtetasit arabë që kanë bashkëpunuar me emisionin kanë pohuar se e njihnin bashkëshorten e tij kur panë foton e saj, pasi e kishin parë në zyrën e Samiut.
Gjatë investigimit del në pah se emigrantët që nuk rinovojnë dot lejet e qëndrimit i drejtohen zyrës së Samiut për të mbaruar punë. Një nga emigrantet i thotë në telefon Samiut se ka për të sjellë në Shqipëri disa Egjiptianë të tjerë. Samiu pranon dhe lë një takim. Zyra e Sami Hoxhës ndodhet në rrugën Abdulla Keta, përballë me shkollën Servete Maçi në Tiranë. Ajo nuk ka asnjë logo dhe asnjë tabelë treguese nga jashtë. Nga biseda që zhvillohet në zyrën e Samiut ai pranon të sjellë një familje nga Egjipti në Tiranë me qëllim kalimin më pas drejt Italisë, për 13 mijë euro, ku ai do fitonte 10 000, ndërsa ndërmjetësuesi emigrant 3 000.
Në këmbim, Samiu do tu dërgojë atyre një ftesë, do ju hap një kompani fantazmë, do t’u marrë lejen e punës dhe në fund lejen e qëndrimit tek gruaja e vet. Kjo është një metodë mjaft e zgjuar që bën hile me procedurat ligjore, pasi në vetvete kompania që do hapi Samiu është totalisht brenda ligjeve.
Por qëllimi pse po hapet nuk është për investim në Shqipëri, por për emigracion të paligjshëm. Sipas drejtorit të policisë kufitare Pëllumb Nako, këta njerëz që garantojnë nxjerrjen e dokumenteve të emigracionit në formë legale duke anashkaluar, ose mashtruar Shërbimin Informativ Kombëtar, Ministria e Brendshme dhe Ministria e Jashtme.
Në rastin konkret të 3 këto institucione janë mashtruar dhe janë nxjerrë jashtë loje duke organizuar nën hundën e tyre një trafik ilegal.
8 komente në “Investigimi për trafikimin e arabëve në Shqipëri: Pezullohen nga puna zyrtarët e lartë të policisë”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
pse s u ndje per kete opozita por doli per doreheqjn e besa shahinit. kjo ngjarje eshte vertet nje turp por sigurisht mund te kete prishje te pazareve
Keta jane shqiptaret, cfaredoqofshin ata zyrtar, polic, ministra apo gjykates, jane trafikant e hajdut. Kur gjejne nje pune shteti rroga u duket asgje dhe mendojne si te zhvatin. Kurse puna e ndershme eshte e fundit qe u shkon ne mendje. Policia ka shume gjynahe, merrte leke rrugeve, mbolli e trafikoi kanapis etj. Keta police legena te rrasen brenda dhe tu merret pasuria.
Keta derra kalojne dhe terrorista ne kete forme.
Nuk jane mashtruar institucionet por nga 10000 euro qe perfiton mafiozi,i shoqi i saj keto para jane shperndare tek keto trafikante te strehuar neper institucione qe sot bejne te paditurin. Duhet nje hetim i thelluar qe te perfundojne pas hekururave edhe keto mashtrues qe bejne te paditurin. Po kush te hetoje kur i pari i policise eshte komplet ne tave. Zoti minister i mbrendshem,tregohuni ne lartesine e detyres dhe ruani integritetin moral para ketyre mafiozeve
Policia Kufitare e Republikes se Shqiperise eshte nje organizate kriminale nga Vermoshi deri ne Konispol dhe ky etiketim vlen edhe per periudhen kur e ka drejtuar Pellumb Nako, tashme ish-drejtor i kufirit. Kjo linje trafikimi,mbase edhe urekalimi per anetaret e organizatave terroriste, nuk do te zbulohej nese Enkelejda Toska do te ndante me qendren ate 10 mije euroshin qe kapte Sami Hoxha, burri i saj legjitim.
Rrijme dhe shajme Ramen pastaj. Ja pra cfare jemi ne. SHQIPTARE BUKESHKALE!!Te gjithe duam poste qe te vjedhim. Prandaj nuk dua te punoj ne shtet se edhe po nuk vodhe do te detyrojne.
Duhet te jesh idjot te besosh se ky vend do behet ndonjehere!Nuk kemi te bejme me fenomene por me nje shoqeri shqiptare komplet te degraduar!Sundon vetem hajduteria dhe askush nuk turperohet per kete perkundrazi eshte bere “normalitet”.
Si ka mundesi qe kini nje Drejtori qe merret me investigime dhe nuk kane asnje fakt Informacinet I merni nga media Pse nuk e shkrini ate sektor SHCB a cfar e quani Ju Turp.