"Zgjedhorja", opozita letër ambasadorëve: Nuk votojmë reformën pa plotësuar kushtet

Opozita parlamentare i është drejtuar me një letër ambasadores së SHBA në vendin tonë Yuri Kim dhe atij të BE-së Luigi Soreca,  ku kërkojnë përfshirje dhe dialog në hartimin e Reformën Zgjedhore, në të kundërt nuk do ta votojnë atë.

Në letrën e bërë publike nga deputeti Arlind Çaçani, thuhet se ndjehen të fyer që janë përjashtuar nga negociatat për përjashtimin e sistemit.

Ata po ashtu shprehen të gatshëm të japin konsensusin e tyre që të arrihet marrëveshja për Reformën Zgjedhore, ndërsa shtojnë se po u vijua me përjashtim nuk do të bëhen kartona për shumicën.

Letra e plote:

REPUBLIKA E SHQIPËRISË

KUVENDI

GRUPET PARLAMNTARE TË OPOZITËS

 Tiranë, më 4 Qershor 2020

Drejtuar:          Sh.T.Znj. Yuri Kim, Ambasadore e SHBA në Tiranë

Sh. T. Z. Luigi Soreca, Ambasador, Drejtues i Delegacionit të BE në Tiranë

E nderuar zonja Ambasadore Kim,

I nderuar zoti Ambasador Soreca,

Na lejoni që t’ju shprehim vlerësimet për konsideratën më të lartë për vendet dhe institucionet që ju keni nderin e madh të përfaqësoni në Tiranë. Ne shprehim gjithashtu konsideratën më të lartë për SHBA-në dhe BE-në, në përpjekjet e vazhdueshme që kanë synuar lehtësimin e konsensusit të nevojshëm për një reformë zgjedhore të plotë dhe gjithëpërfshirëse.

Lidhur me këtë proces ku ju jeni përfshirë, na lejoni t’ju shprehim përmes kësaj letre zyrtare dhe njëkohësisht publike, disa vlerësime dhe qëndrimet tona.

Së pari, një mësim i vjetër shqiptar na kujton gjithmonë se asnjëherë “nuk bëhen hesapet pa hanxhinë”. Ne vlerësojmë se përjashtimi i plotë i opinioneve të larmishme të opozitës parlamentare është fyes për të gjithë ne.

Ne jemi deputetë të ardhur në Kuvendin e Shqipërisë me pëlqimin dhe propozimin zyrtar të udhëheqësve të partive, që kanë braktisur sot Kuvendin.

Zgjedhja jonë ka qenë e qartë: mes luftës së verbër të revanshit politik të ish-udhëheqësve tanë dhe rrugës së respektit për zgjedhësit bashkë me respektin për frymën e Kushtetutës dhe të ligjit, ne vendosëm të zgjedhim Kushtetutën dhe Ligjin, aspak Luli Bashën dhe Monika Kryemadhin.

Ne zgjodhëm të ngremë zërin për njerëzit e thjeshtë, por kurrësesi luftën për pushtet apo zhurmën e protestave me molotov, që shkuan deri aty sa tentuan të djegin tempullin e demokracisë Kuvendin.

Në këto kushte ne jemi të vendosur së pari, të kërkojmë minimalisht trajtimin e barabartë me ata që janë jashtë Parlamentit, por nuk do të pranojmë aspak diskriminimin dhe fyerjen ndaj nesh.

Së dyti, ne kemi mendime të ndryshme dhe nuk i shërbejmë asnjë kryetari partie, por fatmirësisht SOT kemi një mendim të unifikuar për dy çështje themelore.

Të nderuar miq të Shqipërisë, deputetët e opozitës parlamentare, propozojnë:

Kodi i Ri Zgjedhor duhet të jetë pasqyrë e pastër e reflektimit të plotë, jo copa-copa, të të gjitha rekomandimeve të raporteve të njepasnjëshme të OSBE/ODIHR dhe aspak pazari i radhës së dy partive të mëdha, ose më mirë ish “të mëdha”, dhe të patericës së tyre presidenciale për komisionerët e tyre partiakë, që kanë qenë dhe mbeten kanceri i zgjedhjeve prej 30 vitesh. Ne jemi të gjithë në një mendje: NJË PAZAR TË TILLË, QË MUND TË DUKET SI MARRËVESHJE POR QË KA SHKATËRRUAR REKOMANDIMET E VYERA TË ESKPERTËVE TË ODIHIRIT, NE NUK DO TA VOTOJMË.

Ne jemi po ashtu të një mendjeje, që Kodin e ri Zgjedhor, nuk do ta votojmë, në rast se shumica në Kuvendin e Shqipërisë nuk do të na krijojë kushtet dhe garancitë për një dialog serioz, transparent dhe të hapur me ne, PËR KALIMIN NGA LISTAT E MBYLLURA TEK LISTAT E HAPURA.

E nderuar zonja Ambasadore Kim,

 I nderuar zoti Ambasador Soreca,

Ne nuk jemi vipa të politikës shqiptare, sepse jemi njerëz të thjeshtë,

Ne nuk jemi miqtë e preferuar të ambasadave në Tiranë, të drekave dhe darkave aristokrate, megjithëse miqësia jonë për ju dhe shtetet (institucionet) tuaja lidhet vetëm me interesat e Shqipërisë, aspak me karrierat tona personale.

Por ne jemi shqiptarë pasardhës të Ismail Qemalit, që nuk pranojmë të konsiderohemi në këtë proces si qytetarë të dorës së dytë, apo si kartona në dizpozicion të shumicës apo marrëveshjeve mes kundërshtarëve tanë politik, të dyja palët fajtorë të kësaj situate në Shqipëri.

Kultura jonë qytetare dhe politike nuk është as kultura e diktatit të Kryeministrit Rama, as kultura e bllokimit dhe e frikës nga zgjedhjet të Kryetarit aktual të Partisë Demokratike.

Dy pikat tona janë parimore dhe meritojnë të gjithë vëmendjen dhe respektin tuaj.

Ne kemi besim dhe duke shpresuar në mirëkuptimin tuaj, ju urojmë suksese në misionin tuaj fisnik. Ne ju garantojmë gatishmërinë tonë për të dhënë konsensusin tonë të pazëvendësueshëm për të votuar Kodin e ri Zgjedhor, mbi bazën e respektit reciprok pa kompromise në formë pazari për pikën e parë, apo nëëformë listash të mbyllura në pikën e dytë.

Duke ju garantuar konsideratën tonë më të lartë, ne kemi autorizuar kryetarët e grupeve tona parlamentare, për te vijuar komunikimin me ju.

Me respekt,

FOTOT: Basha vijon të paguajë për më shumë "like" dhe "share" në Facebook, mijëra dollarë sponsorizime për Zuckenberg

16:05 Politika

DETAJET/ Gjiknuri zbardh takimet me ambasadorët: Ja cilat janë kërkesat e opozitës që i kemi pranuar

15:17 Politika

Përdhunimi i minorenes, deputetja socialiste: Ngjarje barbare e denjë veç për filma horror, s'ka më vend për fjalë por për veprime konkrete

15:00 Politika

Përdhunimi i 15-vjeçares nga roja i shkollës, Rama akuza opozitës: Hienat, mostrat e çakejt e përdorën të miturën për t'i rënë të tjerëve, e keni ridhunuar

14:32 Politika

"Topin e ka Luli Basha", Rama: Po presim ku do ta çojë, do e nxjerri nga stadiumi apo do ta mbajë poshtë fanellës

14:07 Politika

Reforma Zgjedhore, Rama tregon ofertën që i ka bërë opozitës: Që mos thonë pastaj jo Ogerta, jo Lindita andej, jo Qafiri këtej

14:00 Politika

Zgjedhorja, Rama: Reformën mund ta bënim pa pritur asnjë lloj konsensusi nga ata që e braktisën Kuvendin. U jam mirënjohës ambasadorëve që bëjnë arbitrin

13:35 Politika

"Shpërthen" Lefter Maliqi, thirrje për mosbindje civile: Mos iu hapni dyert policëve, deputetët janë nëpunës të beut të Surrelit. Mos dëgjoni ndërkombëtarët se Shqipërinë do e mbrojmë vetë

12:42 Politika

Meta-Berisha, presion Bashës: Do zgjedhësh SHBA-në, apo ne? Zgjidh e merr, por kujdes se njëherë të falëm

12:13 Politika

Negociatat: Cila është pika e PD, që po mban pezull marrëveshjen?

12:02 Politika