Te fundit
Zhbëhet vendimi i Albin Kurtit, qeveria e Kosovës hap zyrtarisht kufirin me Shqipërinë: Hiqet kufizimi i lëvizjes për qytetarët
7 Qershor 2020, 13:45Rajoni
TEMA
Qeveria e Kosovës në mbledhjen e mbajtur sot ka marr vendim që të rihapet kufiri me Shqipërinë dhe heqjen e masave të lëvizjes për qytetarët e Kosovës.
Me propozimin e ministrit të Shëndetësisë, Armend Zemaj, të gjithë qytetarët që hyjnë në Kosovë nuk do të vetizolohen, porse për ta do të ketë kontrolle të detajuara mjekësore.
“Ministria e Shëndetësisë së bashku me IKSHP-në ka konstatuar situatë të qëndrueshme por me rritje të lehtë të rasteve me COVID-19. Duhet ta kemi të qartë se virusi është ende aktiv”, ka thënë Zemaj.
Ai ka shtuar se pas analizës së bërë IKSHPK-ja ka rekomanduar ndryshim të masave shtesë.
“Kontrollin e detajuar mjekësor të të gjithë qytetarëve që hyjnë në Kosovë.
Që nga dita e hënë propozoj që qytetarët që hyjnë në Kosovë nuk do t’i nënshtrohen vetëizolimit dhe në vend të testimit për ata që hyjnë do të jetë kontrolli i detajuar. Më lejoni të ju njoftoj që nga dita e hënë hiqet edhe kufizimi i lëvizjes nga ora 05:00 deri në ora 21:00. Kërkojmë që të zbatohen me përpikëri rekomandimet”, ka shtuar ai.
Po ashtu, ministri i Infrastrukturës, Arban Abrashi, ka propozuar që të fillohen konsultimet për hapjen e fluturimeve.
“Në këtë pjesë, mendoj se edhe hapja e fluturimeve është mjaftë e rëndësishme. Prandaj me lejen e juaj do të kisha filluar konsultimet me Autoritetin e Aviacionit Civil me MSH-në dhe kompanitë ajrore që të rifillojnë fluturimet duke zbatuar masat ndaj COVID-19 në mënyrë që të marrim një miratim”, tha ai.
Veç kësaj, nga dita e hënë largohen të gjitha masat tjera të vendosura më parë, duke përfshirë lirinë e qarkullimit dhe rikthimi në normalitet.
Më 14 mars ishte mbyllur kufiri Kosovë-Shqipëri shkaku i përhapjes së virusit COVID-19.
2 komente në “Zhbëhet vendimi i Albin Kurtit, qeveria e Kosovës hap zyrtarisht kufirin me Shqipërinë: Hiqet kufizimi i lëvizjes për qytetarët”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Sa turp. Albin Kurti tregoi që ishte politikani më i papjekur i Kosovës. Kalama, i llastuar, mburravec, mendjemadh, dhe me një talent të rrallë ne zgjedhjen e aleatëve të gabuar, ne berjen e gabimeve, dhe të qenit antipatik.
Sado te perpiqet tema,te shpelaje fytyren e mjeruar te qeverise serbe qe drejton kosoven ,mbas komplotit qe i bene qeverise shqiptare te kurtit, eshte e kote ( per ata qe nuk kane iq gomari).
Propaganda 3 lekshe se,gjasme kurti mbylli kufijte(nderkohe qe kerkon bashkim kombetar) dhe proserbet e mustafes, qe nuk duan asnje simbol kombetar,i hapen kufijte,nuk te lë veçse nje shije te hidhur. E gjithe kjo vjen era sorros,qe kontrollon gjithe partite shqiptare ne te dy anet e drinit