Ka patur një ekzaltim të ri në ambjentin opozitar shqiptar, për votimin në Parlamentin Europian, për ato që ata i quajnë “15 kushte të caktuara nga Këshilli i BE që Shqipëria duhet të përmbushë para thirrjes së të parës Konferencë Ndërqeveritare me shtetet anëtare”. Është ekzaltimi i të gjithë atyre që çdo lajme të keq për shqiptarët dhe çdo pengesë të re për Shqipërinë, e konsiderojnë si fitoren e tyre kundër Edi Ramës.

Shumë prej tyre, në selitë e partive kryesore opozitare, kanë vite që punojnë kundër procesit të integrimit të vendit. Nuk lenë gjë pa shpifur, pa thënë, pa shkruar e pa nxirë në anglisht në Bruksel dhe kancelaritë e vendeve anëtare të BE, vetëm e vetëm që Shqipëria të mos përparojë asnjë hap në drejtim të anëtarësimit. Për fatin e mirë të vendit dhe fatin e tyre të keq, edhe këtë radhë, “lajmi” i tyre është sërisht fake. Ndaj edhe gëzimi i tyre i papërmbajtur është fake, gjithashtu.

E vërteta është sqaruar shpejt nga Ana Pisonero, zëdhënësja e Komisionit Europian për Parnteritet Ndërkombëtar, Fqinjësi dhe Zgjerim. “Këto nuk janë 15 kushte”, tha ajo e intervistuar nga “Euronews Albania”. Pra ja që “nuk janë 15 kushte”! Edhe Kryeministri Edi Rama e sqaroi më herët përmes një postimi në twitter, kur ironizoi Partinë Demokratike duke thënë se “nuk ka 15 kushte për uljen në tryezë me BE”. Duke përfunduar se “këta që kapen pas kësaj 15-ës, do mbeten në opozitë”.

Po për çfarë bëhet fjalë konkretisht dhe përse opozitarët tanë luten kaq shumë, që Shqipërisë ti vendosen pengesa pas pengesash? Në përfundim të mbledhjes së 24 marsit të Këshillit Europian, ku u miratua hapja e negociatave të anëtarësimit në BE të Shqipërisë dhe Maqedonisë së Veriut, është përcaktuar edhe se çfarë duhet bërë para konferencës së parë ndërqeveritare.

Nuk bëhet fjalë për “15 kushte”, pengesa, barriera, barrikada a gjithçka tjetër që ekzalton opozitarët tanë. Por për një proces negociues vijues, nëpër të cilat kanë kaluar më parë dhe do të kalojnë më pas, të gjitha vendet aspirante për anëtarësim në Bashkimin Europian.

Është e dukshme që opozitarët tanë procesin e integrimit europian të vendit, nuk e shohin si një ëndërr, aspiratë dhe një përgjegjësi e përbashkët kombëtare, përpara së cilës duhet të jemi një, përtej flamujve politikë. Por fatkeqësisht e shohin tashmë, si një çështje të lojës së brendshme, të politikës së ditës. Ndaj çdo pengesë ndaj Shqipërisë drejt Bashkimit Europian, e shohin si një dështim të “armikut”. Të kundërshtarit. Të mazhorancës. Të qeverisë. Të kryeministrit Edi Rama. Dhe jo si një pengesë të Shqipërisë, në dëm të aspiratës kombëtare të shqiptarëve.

Deri pak vite më parë, kjo ka qenë një vijë e kuqe që nuk është kaluar kurrë, nga partitë politike në mazhorancë dhe opozitë në Tiranë. Sepse para zgjidhjes së çështjes shqiptare në Ballkan dhe realizimit të projektit strategjik të integrimit euro-atlantik të vendit, kemi qenë një. Ato kanë qenë “dy shinat” nëpër të cilat ka lëvizur “lokomotiva” e trenit tonë kombëtar, pavarësisht se çfarë kanë bërë partitë politike, brenda “vagonëve” të tij.

Fatkeqësisht përgjatë 7 viteve të fundit, opozitarët po bëjnë gjithçka për ta nxjerrë trenin nga shinat. Duke nxjerrë edhe veten nga sistemi politik, parlamentar e demokratik i vendit. Vetëm e vetëm, që lokomotiva të mos mbërrinte në kohë në destinacion. Edhe tani që po tentojnë të rikthehen në sistem, përmes marrëveshjes për reformën e re zgjedhore, sërisht nuk reshtin e nuk reshtin!

Fakti është se Kuadri Negociues do të reflektojë një numër çështjesh që Shqipëria do ti adresojë në të ardhmen si pjesë e procesit të negociatave me BE. Puna në këto fusha vijon sikundër Komisioni do monitorojë përparimin e vendit dhe të mbështesë përpjekjet e Shqipërisë në këtë drejtim. Ky është edhe sqarimi i bërë nga Komisioni Europian për të gjithë të ekzaltuarit e opozitës sonë. Është thjeshtë një shuplakë e re ndaj opozitarëve tanë, si çdo herë tjetër pas ekzaltimeve të tyre fake, kundër Shqipërisë.

6 komente në “Pse ekzaltohet opozita nga çdo pengesë kundër Shqipërisë!”

agimk says:

19 Qershor, 2020 21:39 te 9:39 pm

Bravo Peza. Brilant

Përgjigjjuni
rozi says:

19 Qershor, 2020 23:37 te 11:37 pm

Fakti që me kërkesa të tilla kanë ardhur PP-të, janë miqtë dhe aleatët e kësaj PD-je që ka ikur nga fiqiri, që gëzohet për shkopinjtë nën rrota që i futen Shqipërisë nga shpifjet e demokratikasve pa din e iman, pa asnjë vrasje ndërgjegje për shkatërrimin që i bënë Shqipërisë. Kur ky parlamenti europian bën kështu ndaj nesh, në këtë kohë që hyn e del kush të mundet e mund ta kontrollojë si të dojë, imagjinoni c’bënin në kohën kur askush s’hynte dot në Shqipëri, e i vihej kufiri tek thana. Janë vetëm njerëz të paguar që nuk duan aspak që Shqipëria të ketë vëndin që meriton. Në djall vafshin ata dhe këta egoistët e ndyrë të të ashtuquajturës opozitë.

Përgjigjjuni
Coli says:

20 Qershor, 2020 00:53 te 12:53 am

Alfred,Rames dhe Rilindjes i rane poturet nuk mund te beje me asgje.Shqiperia dhe shqiptaret ja pine lengun e shohin si nje plak qe pret te marre pensionin dhe te numuroje tespiet ne Surel.

Përgjigjjuni
Raul says:

20 Qershor, 2020 06:23 te 6:23 am

Po funderrina e Beratit Lefter hunderr Maliqi dje ishte ne ekstaze. Bente dhe garipin me kercenime, kujton se do e fusin ne listen e deputeteve fytyren me te shpifur te planetit, hijenen e deputeteve

Përgjigjjuni
Fred says:

20 Qershor, 2020 08:06 te 8:06 am

Opozita e sotme eshte ajo qe kerkon t’i beje gropen vendit, por po e thellon akoma me shume gropen e vet.

Përgjigjjuni
M....mecit says:

21 Qershor, 2020 17:09 te 5:09 pm

Opozita e BABALEVE ka qen gjithmon anti shqipri, anti kombetare.. PD,ja esht nje parti HORRASH LEGENASH, kur kan qen ne pushtete nuk kan menduar kurre per shqiptaret, por vetem per tu pasuruar deri te brezi 7.. Keta ndyresira nuk duhet te vine me ne pushtete se po erdhen do c’bejne te gjitha reformat qe jan mbeshtetur me force nga NDERKOMBETARET..

Përgjigjjuni