PS e vendosur, Manja: Presidenti rrezikoi stabilitetin e vendit, votimi në Parlament do jetë politik

Kryetari i Komisionit të Ligjeve, Ulsi Manja pavarësisht ngecjes së procesit të vetingut, shprehet i bindur se reforma në drejtësi do të japë shumë shpejt rezultatet e pritura, ndërsa për hetimin parlamentar ndaj Presidentit thotë se shumë shpejt do të arrihet në përfundime.

Deputeti socialist e cilësoi aktin e shtyrjes së zgjedhjeve lokale nga Ilir Meta si cenim serioz të stabilitetit në Shqipëri, kurse për opinionin e Komisionit të Venecias thotë se janë institucionet shqiptare ato që vlerësojnë se për shkallën e shkeljes së Kushtetutës.

“Komisioni nuk do të ketë shtyrje afati, do të ketë një produkt në mesin e muajit korrik. Duket si gjë e kaluar por anulimi i zgjedhjeve rrezikonte seriozisht stabilitetin në Shqipëri. Uzurpoi kompetencën kushtetuese. Venecia për zgjedhje e qershorit ka thënë se Presidenti nuk e ka kompetencë të shprehet në kushtet dekretimit të shtyrjes së zgjedhjeve. Nëse është e lehtë apo e rëndë ngelet të vlerësohet nga institucionet shqiptare”, tha Manja.

Ai shtoi se, Komisionit parlamentar Hetimor do të japë një vlerësim juridik dhe kushtetues të çështjes, ndërsa votimi i Parlamentit më pas tha Manja është politik. Por, deputeti socialist shtoi më tej se, edhe nëse Parlamenti do të votojë shkarkimin e Metës, është gjykata Kushtetuese që e vlerëson nëse shkelja që ka kryer është e rëndë për ta shkarkuar.

Kur kanë kaluar 4 vite nga miratimi i reformës në drejtësi në Parlament, Manja tha se tashmë ka përfunduar ngritja e arkitekturës së institucioneve të reja në drejtësi. Ai tha se pavarësisht se Gjykata Kushtetuese dhe ajo e Lartë janë jashtë funksioni, sistemi gjyqësor në shkallet e tjera është funksional.

“Nuk mendoj se vetingu ka krijuar thatësisë, ai për këtë u ndërtuar për të nxjerr nga sistemi pjesën e kalbur. Kam dhe  unë merakun tim për vetingut, që është shpejtësia. Do të duhet ta përmbyllin misionin brenda afatit që është caktuar”, u shpreh kreu i Komisionit të Ligjeve.

Sipas Ulsi Manja reforma ka rikthyer besimin e publikut tek sistemi i drejtësisë dhe u shpreh i bindur se shumë shpejt do të vijnë dhe rezultatet e prekshme, madje dhe nivel të lartë.

“Reforma është konceptuar që politika ti ketë duart larg nga sistemi i drejtësisë. Opozita nuk ka dhënë asnjë kontribut për zbatimin e reformës në drejtësi. Ka  brenda opozitës mjaftueshëm kolegë juristë që e dinë shumë mirë se reforma në sistemin e drejtësisë garanton pavarësinë nga politika”, përfundoi socialisti.

Raporti i DASH, ambasadorja Yuri Kim vlerëson Shqipërinë: Kontribuoi në luftën kundër ISIS

08:20 Politika

"PD mbahet peng nga disa individë", Hajdari akuzon Bashën: Hapja ka vite që diskutohet, s'ka ndodhur kurrë. Kur s'je i besueshën s'të afrohet kush

00:03 Politika

Alfred Lela kërkon maksimumin: Lulzim Basha duhet të hapet tamam në PD përballë Edi Ramës, iu ka dhënë “veteranëve” poste honorifike

22:14 Politika

Bashës i "firuan" 240 mijë votues më 2017, Fahri Balliu "rikthen" optimizmin: PD ka qenë gjithmonë e hapur, s’i ka ikur elektorati

22:08 Politika

Gjiknuri, detaje nga mbledhja e Këshillit Politik: Plotësuam të gjitha kërkesat e opozitës, u lodhëm por arritëm marrëveshje. Dakord për votën e emigrantëve

21:49 Politika

Përfundon mbledhja e Këshillit Politik, Rudina Hajdari: Do t’i qëndrojmë deri në fund ndryshimit të sistemit. Kemi 39 vota

21:38 Politika

Arrihet marrëveshja për KQZ, Këshilli Politik bie dakord me propozimin e PD-së

20:52 Politika

FOTOT: Vladimir Putin tregon forcën ushtarake të Rusisë, në mes të pandemisë

20:42 Politika

Lulzim Basha: Nesër do marr një vendim të rëndësishëm për politikën dhe shoqërinë!

20:09 Politika

Basha nuk deklarohet për Thaçin e Veselin, e rëndojnë akuzat si autori i dosjes për krime lufte kundër ish komandantëve të UÇK?!

19:11 Politika