Te fundit
Vendimi për Tahirin, Spiropali: Ndiej keqardhje, është zgjatur mjaftueshëm. Nuk mund të mohojmë punën e tij
27 Qershor 2020, 18:11Politika
TEMA
Ministrja për marrëdhëniet me Parlamentin, Elisa Spiropali ka komentuar vendimin që dha dje gjykata për ish-ministrin e Brendshëm, Saimir Tahiri, duke rikthyer nga e para çështjen.
Në një intervistë në News 24, Spiropali u shpreh se ndjen keqardhje njerëzore për Tahirin, teksa kjo çështje është zgjatur mjaftueshëm. Ndërsa vendosi dhe njëherë theksin tek puna e bërë nga Tahiri gjatë kohës që ishte aktiv në politikë.
3 vite përpjekje dhe përballje me drejtësinë për ish-ministrin Tahiri, dhe kthehemi në pikën zero. Si e patë këtë vendim?
Nuk mund të komentoj një vendim gjykatë, por ndjej një keqardhje të madhe njerëzore për Saimir Tahirin. kaq mund të thuhet në këtë pikë. S’jam e njohur me detajet e vendimit dhe çështjen në brendësi. Mund të them se është zgjatur mjaftueshëm, sa për të ndjerë këtë keqardhje për njeriun, Saimir Tahiri.
A duhet patur besim tek drejtësia e re në këtë rast, duke qenë me këtë situatë ku prisnim një vendim?
Nuk mund të nisesh nga çështje individuale për të gjykur mbi një reformë kaq të madhe. Reforma është e gjerë. Ka përfshirë shumë aktorë, ka kushtuar shumë, si financiarisht dhe në kontributin njerëzor. Është investuar shumë kjo maxhorancë. Ka shtuar besimin e qytetarëve në një drejtësi të re.
Vet ish-ministri Tahiri teksa flitë në media, pati nota emocionale dhe shprehej se i vinte ndot nga pozicionet që ka mbajtur nëse ekzistonte një njeri tjetër që zvarritej si ai në këtë formë. Si e keni kuptuar këtë deklaratë?
Është e kuptueshme nga ana e tij. Deri diku është lehtësisht e lexueshme ajo që Saimiri po thotë. S’na takon ne që të gjykojmë mbi ndjesitë. Uroj që Saimir Tahiri të gjejë të drejtën e tij.
Kur shprehet se për një kosto politike dhe se nuk ka faj. Në të vërtetë a ka kosto politike për Saimir Tahirin?
Është një pozicion i vështirë për të së pari dhe ne e ndajmë qartazi politikën nga drejtësia. S’jemi përzierë në punë të drejtësisë ashtu sikur urojmë që kolegët tanë, që kanë pasur pozicione të caktuara të larta, të gjejnë drejtësi.
Ai ka shprehur gjithmonë se ka qenë dhe mbetet ‘ministri kampion’. A është ministër kampion?
Askush s’mund t’ja mohojë Tahirit, punën e tij, energjinë në PS, si kryetar i Tiranës, apo ministër i Brendshëm. Nuk mund t’i gjykojmë bardhë e zi Njerëzit. Të gjithë njerëzit kanë dritëhijet e tyre. Saimir Tahiri, duke qenë një njeri energjik dhe produktiv, padyshim ka të tijën. S’mund të mohojmë atë që ka qenë dhe ka bërë Tahiri vetëm për këtë rast apo për këtë çështje.
3 komente në “Vendimi për Tahirin, Spiropali: Ndiej keqardhje, është zgjatur mjaftueshëm. Nuk mund të mohojmë punën e tij”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Shume bukur e ke thene ne fund ti sorra e PS:
“S’mund të mohojmë atë që ka qenë dhe ka bërë Tahiri vetëm për këtë rast apo për këtë çështje.”
Ta merr mendja qe s’ke si i mohon pislliqet qe ka bere Tahiri. Do te vije koha qe edhe pislliqet e tua nuk do te mind ti mohosh dot, ti o sh#rreuthull.
Pergjigje tipike e surreterve te korruptuar si Liza ne boten e cudirave. Ai nuk po gjykohet per punen, po gjykohet per pislliqet qe beri jashte pune, ose me sakte gjate orarit te punes per hesap te vet.
Kurajo per Tahirin eshte djale me karakter dhe trim jo si keta spurdhjaket ne qeveri e parlament qe i kane vene perpara hajdutet e kriminelet e PD.
Po mbaron dhe mandati i dyte dhe asnje politikan hajdut e vrases i PD nuk ju pregatiten dosje te reja ne SPAK.
Por me kete qendrim qe po mbajne kur te vije PD do ti plase mbrenda dhe elektorati i majte nuk ka per ti mbrojtur.