S’ka gjyqtarë të rinj për rigjykimin e Saimir Tahirit, rrezikohet procesi

Mbetet pa trupë gjykuese procesi që pritet të nisë nga e para në Shkallën e Parë për ish-ministrin e Brendshëm Saimir Tahiri.

Prej 2017-ës zvarritje në dyert e drejtësisë, Apeli vendosi rigjykimin nga e para duke rrëzuar vendimin e pafajësisë për drogë dhe të shpërdorimit të detyrës, por asnjë nga 10 gjyqtarët aktual tek GJKKO nuk mundet të jetë pjesë e rigjykimit.

Kjo për shkak se ata e kanë kaluar më herët këtë dosje në gjykim, ndërsa gjyqtarët e rinj kanë refuzuar thirrjen e KLGJ për t’u bërë anëtarë të Gjykatës së Posaçme.

Gjyqtarët refuzojnë të bëhen pjesë në Gjykatën e Posaçme duke mos iu përgjigjur dy ofertave të bëra nga këshilli i lartë gjyqësor, refuzim i cili fut në kolaps dhe procesin ndaj Saimir Tahirit.

Kjo situatë e cila aktualisht ka lënë me 10 gjyqtarë, Gjykatën e Posaçme automatikisht pamundëson dhe rigjykimin e ish-ministrit të brendshëm Saimir Tahiri, pasi gjyqtarët aktual e kanë gjykuar atë më herët.

Pak ditë më parë apeli i përbërë nga Dhimitar Lara, Albana Boksi dhe Nertina Kosova vendosën rigjykimin e procesit Tahiri por me një tjetër trup në gjykatën e Posaçme. Më 19 shtator 2019 gjyqtarët Ardit Mustafa, Irena Gjoka dhe Flora Haradinaj dënuan ish-ministrin me shërbim prove tre vite për shpërdorim detyre.

Nga procesi i Vettingut, Mustafa është shkarkuar, ndërsa Haradinaj e Gjoka janë sërish por s’mund të jenë pjesë e trupës së re. Gjyqtarja Liljana Baku po ashtu ka gjykuar më herët masën për pasaportën e ish-ministrit Tahiri çka automatikisht sjell përjashtimin e saj.

Gjashtë gjyqtarët e tjerë të mbetur po ashtu janë konsumuar në proceset ndaj Orest Sotës si e Moisi Habilaj dhe Armando Kocerrit, të cilët ishin në të njëjtin procedim të nisur në 2017-ën me numër 313 ndaj Tahirit dhe të dyshuarve si trafikant droge.

Report Tv mëson se pas marrjes së vendimit të arsyetuar nga apeli i gjykatës së Posaçme mbrojtja e ish-ministrit do të bëjë rekurs në Gjykatën e Lartë si dhe do të kërkojë pezullimin e këtij procesi.

Vendimin e arsyetuar të Apelit e ka kërkuar edhe këshilli i lartë gjyqësor i cili do të delegojë gjyqtarë nga gjykatat e rretheve për të vendosur fatin e ish-ministrit të brendshëm, i cili nga viti 2017 zvarritet në dyert e drejtësisë.

KPA lë në fuqi shkarkimin e kreut të Gjykatës së Kurbinit, Alfred Gjoni

20:00 Kronika

Plas sherri mes barinjve për kullotat, plagoset me armë 21-vjeçari

20:12 Kronika

Aksidentohet gazetarja shqiptare, makina e përplasi sapo doli nga televizioni

20:02 Kronika

Ekzekutohet në shtëpi 29 vjeçari grek, dëshmitar në vrasjet e bujshme në Qipro! ‘Lidhjet’ me shqiptarin e tmerrshëm Aleks Burreli dhe “kodi” i larjes së hesapeve

19:17 Kronika

Zbardhet vendimi për rigjykimin e Saimir Tahirit, ja dy arsyet e rikthimit të dosjes. Ku u gabua

15:46 Kronika

Saimir Tahiri: Po luajnë me jetën time. Kam kusuret e mia por kam punuar më shumë se sa të gjithë ministrat e tjerë të marrë së bashku. Ja pendesa ime e vetme

14:36 Kronika

Nuk ka "paqe" për Saimir Tahirin, Apeli kthen ish ministrin e Brendshëm në "pikën zero": Po luajnë me jetën time. Unë lashë dhe postin e deputetit, jo si vemjet e tjera

13:39 Kronika

Top Channel fiton gjyqin me portalin e familjes Berisha, Çlirim Peka: S’kam lekë të paguaj, jam OJF

13:45 Kronika

Ekzekutimi mafioz i Hekuran Billës, policia arreston edhe një vajzë 26-vjeçare si bashkëpunëtore

11:52 Kronika

Saimir Tahiri përgatitet për vendimin përfundimtar ditën e sotme

09:52 Kronika