Te fundit
ANALIZA: “Wuhani i ri i Europës”, si po i lë Vuçiç boshnjakët dhe shqiptarët e Sanxhakut të vdesin nga Covid-19
8 Korrik 2020, 16:51Rajoni
TEMA
Nga “European Western Balkans“
E quajnë Wuhani i ri i Europës. Prej më shumë se një muaji, qytetarët e Novi Pazarit kanë ngritur alarmin se situata e krijuar nga Covid-19 në Sanxhak po del jashtë kontrollit. Në ato pak media që u drejtojnë mikrofonin, boshnjakët, shqiptarët dhe turqit që jetojnë në Novi Pazar thonë se po lihen të vdesin nga shteti serb dhe se kapacitetet e institucioneve shëndetësore janë tejkaluar prej javësh. Pothuajse të gjithë kanë së dyshime se numri i vdekjeve nga koronavirusi në këto komuna është shumë mi e lartë ai që tregojnë statistikat zyrtare.
Pas publikimit të disa videove nga Spitali i Përgjithshëm në Novi Pazar në mediat sociale, të cilat tregonin pacientë të shtrirë në korridoret pasi shtretërit e spitalit ishin mbushur tashmë, në media shpërthyen edhe pretendimet se dhjetëra familje të tëra humbën jetën nga Covid-19. Sikur të mos mjaftonte kjo, portali i sponsorizuar nga BE, “European Western Balkans” shkruan sot se qeveria serbe ka porositur blerjen urgjente të qindra arkivoleve prej kallaji në Novi Pazar, duke ngritur shqetësimin se epidemia në Sanxhak ka marrë ritme të frikshme.
Kryeministrja serbe Ana Brnabić dhe Ministri i Shëndetësisë Zlatibor Lonçar vizituan Novi Pazarin me 30 qershor, ku u pritën nga një grup i qytetarëve të pakënaqur që i bërtisnin “të keni turp “, “hajdutë” dhe “largohuni”. Përkundër kësaj, Kryeministrja dhe Ministri iu drejtuan qytetarëve të mbledhur para Spitalit të Përgjithshëm në Novi Pazar në prani të drejtorit të spitalit, Meho Mahmutoviç, i cili u shtrua në spital një ditë pas kësaj vizite për shkak të Covid-19.
“Ju keni dëgjuar se po mbahen nga 30 funerale në ditë dhe se respiratorët nuk po funksionojnë. Të gjitha këto janë tregues se sa shpejt po përhapen lajmet e rreme dhe dezinformimi, “tha Brnabiç para qytetarëve të mbledhur.
Sidoqoftë, portali serb “Nova.rs” thekson se qytetarët e pakënaqur të Novi Pazarit konfirmuan për gazetarët se lajmërimet e vdekjeve u hoqën natën para ardhjes së zyrtarëve nga Beogradi. Ky portal raporton se vetëm atë ditë, me 29 qershor, kishte rreth 30 funeralë, dhe se qytetarët tregojnë se të paktën 100 njerëz vdiqën në një periudhë prej shtatë ditësh.
“Merçenarët e regjimit e i hoqën lajmërimet, për të treguar se gjithçka është në rregull, se gjithçka lulëzon. Por njerëzit po vdesin. Njëqind njerëz vdiqën, mund tua garantoj, në një periudhë prej shtatë ditësh” thotë Aladin Paučinaç për “Nova.rs”.
“A ishin zgjedhjet më të rëndësishme se jeta jonë?”
Serbia është vendi i parë që zhvilloi zgjedhjet në mes të pandemisë së koronavirusit. Dyshimet për manipulimin e statistikave zyrtare përpara zgjedhjeve të 21 qershorit u konfirmuan nga Rrjeti Ballkanik i Raportimit Hetimor (BIRN) një ditë pas zgjedhjeve duke publikuar një artikull që përmbante të dhëna nga sistemi zyrtar i informacionit shtetëror, sipas të cilit numri i vdekjeve dhe infeksioneve në Serbia nga koronavirus është shumë herë më e lartë se sa është shpallur publikisht.
BIRN gjithashtu shkruante se numri i personave të infektuar rishtas në javën që u mbajtën zgjedhjet parlamentare dhe lokale ishte disa herë më i lartë se sa ishte paralajmëruar, gjë që ka çuar në supozime se numrat janë fshehur në mënyrë që sa më shumë njerëz të merrin pjesë në zgjedhje.
“A ishin zgjedhjet më të rëndësishme se jeta jonë?” Kjo ishte pyetja e parë që qytetarët e Novi Pazarit i bënë kryeministres dhe ministrit. E para që foli ishte Senada Jašareviç, nëna e së cilës ndërroi jetë një natë para ardhjes së politikanëve, ndërsa në spital nuk ka vend për babanë e saj, i cili është në gjendje të rëndë.
“Unë duhet të them se është gjithçka gënjeshtër. Është gënjeshtër që kemi oksigjen, që kemi punonjës shëndetësie, që kemi kushte. Ne nuk kemi asgjë, njerëz! Ka një kolaps të përgjithshëm të sistemit shëndetësor. Nuk na duhen deklarata, zgjedhjet kanë mbaruar. A ishin zgjedhjet më të rëndësishme se jeta jonë? Se nënat, vëllezërit tanë? ”, i tha Jašareviç kryeministres.
Ajo shtoi se është e vërtetë që nuk ka asgjë në Novi Pazar, sepse nëna e saj vdiqa për shkak të mungesës së oksigjenit.
Duke folur në Radio Televizionin e Serbisë më 2 korrik, Presidenti serb Aleksandër Vuçiç tha se Spitali i Përgjithshëm në Novi Pazar ishte “më i miri i Serbisë”, duke iu përgjigjur pretendimeve se spitali nuk kishte më oksigjen dhe as respiratorë. “Sidoqoftë, nuk ka mjaft mjekë, infermierë dhe pajisje”, thonë punëtorët e Spitalit të Përgjithshëm në Novi Pazar për “Nova.rs.
“Ne jemi të dekurajuar dhe nuk kemi më forcë të luftojmë. 11 njerëz vdiqën dje” tha njëri nga mjekët.
“Një nga një, edhe infermierët gjithashtu po sëmuren. Ne nuk kemi oksigjen të mjaftueshëm, për 100 njerëz dhe po i kthejmë në shtëpi me pneumoni … Kapacitetet janë plot, dy persona po rrinë në një shtrat, ne bëjmë infuzione në korridor” tha një nga infermierët.
Një punonjës tjetër shëndetësor tregoi për “Nova.rs” se “ne nuk kemi pajisje, madje edhe as repiratorët që Presidenti Vuçiç na dorëzoi personalisht më 6 prill ishin vetëm një reklamë, por nuk ka as gjurmë prej tyre. Ne menaxhojmë dhe dhurojmë vetë, në mënyrë që të blejmë pajisjet mjekësore që shteti duhet të na kishte dhuruar, dhe më e keqja është se presidenti nuk përgjigjet, nuk ndihmon, thotë se gjithçka është nën kontroll, ndërsa dhjetëra njerëz vdesin këtu çdo ditë. “
Një grup mjekësh dhe infermierësh i kanë kthyer shpinën në shenjë proteste kryeministres Ana Brnabić dhe ministrit Zlatibor Lončar. Qytetarët protestuan gjithashtu të Dielën, 5 Korrik, kur disa qindra prej tyre shkruan “Ndihmë” me trupat e tyre si një mesazh në qendër të qytetit. Më parë, shumë qytetarë të Serbisë, si dhe figura publike, iu përgjigjën thirrjes për ndihmë.
Sidoqoftë, qytetarët e Novi Pazarit janë ende në qendër të epidemisë, dhe të dhënat zyrtare të fundit në dispozicion nga 7 korriku tregojnë se 15 persona vdiqën në 24 orët e fundit, se tetë persona janë në respirator, ndërsa 363 pacientë janë duke u trajtuar.(Gazeta “Si”)
3 komente në “ANALIZA: “Wuhani i ri i Europës”, si po i lë Vuçiç boshnjakët dhe shqiptarët e Sanxhakut të vdesin nga Covid-19”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
..edhe thone qe jane shqiptare
Po te ishte ky lajm diku nga fillimi i vitit edhe mund te flisnim per “faje” te qeverise, por te flasesh tani pasi edhe foshnja ne bark e di se cfare eshte Corna virusi, atehere mund te themi, qe mire iu behet dhe le te vdesin apo ze vuajne sepse nga injoranca e kane. Tipik anadollak, fajin e kane gjithnje te tjeret, por ai qe leviz pa maske dhe duke mos mbajtur distance nga njeri tjetri, nuk ka faj. Nuk mund t’ju themi injoranteve qe kane faj sepse aq e kane zvillimin intelektual. Keta njerez anadollake qe vazhdojne akoma te rrine si bagetia dhe te hane akoma ne dysheme dhe ne nje tepsi te madhe, duke ngjyer buken me dore bashke me pjestaret e tjere te familjes, nuk e kane te drejten qe te jetojne ne mes te qyteterimit.
Nuk ua ka fajin asnjeri ore shpellare te kohes moderne, por e keni ju qe jeni akoma ne epoken e gurit. E si mund t’ju ndihmoje qeveria kur akoma nuk kemi gjetur akoma antivirusin?
Mero, mos na sill lajme te tilla per shpellare, sepse nuk iu intereson dikujt.
Me rreth 350 vdekje nga pandemia deri ne keto momente dhe te quhet “Whuhan i ri i Europes”?!!! Serbia (sigurisht dhe Shqiperia) ka shifra te peraferta me ato te Norvegjise, Finlandes apo Izraelit, vende qe kane shendetesine ne nivelet me te zhvilluara ne bote. Atehere, cfare duhet te themi per SHBA-ne, Britanine, Brazilin, Belgjiken, Hollanden, Italine, Spanjen, Francen, Suedine e vende te tjera?
Ne media shkruhet se kushtet e shtepive te pleqve ne Belgjike jane si ne periudhen e Luftes II Boterore. Mangesira dhe probleme edhe ne shtepite e pleqve ne Suedi ku moshat mbi 70 vjec perfshijne mbi 90% te vdekjeve nga rreth 5500 vdekje ne total nga Covid-19 dhe nga kjo shifer, nje numer i madh personash jane me prejardhje nga Irani, Somalia, Iraku, etj. Megjithate nuk jane vetem shtepite e pleqve. Si Novi Pazar ka lagje te “preferuara” per te huajt, te ashtequajtua geto ku sapo futesh ne to mendon se je ne ndonje vend afrikan apo te Lindjes se Mesme dhe jo ne Skandinavi. Cuditerisht edhe ne “Novi Pazar-et” e Skandinavise gjendja eshte alarmante per arsye te korones, por me nje ndryshim, ketu nuk akuzojne Löfven, kryeministrin suedez, se myslimanet e lagjeve te varfera dhe popullsine me ngjyre ne to po i le te vdesin nga Covid-19.
Pa perjashtuar dobesite e shtetit per te bere kete grup te shoqerise, pjese te shoqerise dhe e civilizimit ku jetojne, pergjegjesia kryesore eshte tek mentaliteti i tyre, “frika” ndaj civilizimit perendimor, menyra e jeteses shumebrezash ne nje banese, niveli i ulet arsimor si dhe kultura e traditat e tyre te trasheguara.