Te fundit
Sulmoi dhe bëri për spital gardianin, merret vendimi i ashpër për Mikel Thanin
13 Korrik 2020, 14:08Kronika
TEMA
Mikel Thani është vendosur në regjimin e mbikëqyrjes së veçantë, pasi disa ditë më parë ka sulmuar fizikisht gardianin e burgut në Shkodër.
Në vendimin e Gjykatës së Shkodrës, që Descript.al e disponon thuhet se i burgosuri Mikel Thani, pasi ka monitoruar lëvizjet e gardianit, Gëzim Rahi, dhe sapo ai është afruar ka filluar që ta godasë me grushte.
Kanë qenë forcat e tjera të sigurisë, të cilët kanë ndërhyrë duke bërë të mundur që Mikel Thani të neutralizohej, ndërsa gardiani është dërguar për të marrë ndihmën e parë mjekësore.
Si pasojë e goditjeve të shumta që ka marrë gardiani, ai ka pësuar dëmtime të rënda në pjesën e ballit, syve si dhe të pjesën e buzës.
Për këtë, Drejtori i Përgjithshëm i Burgjeve, Agim Ismaili, ka vendosur që Thani të qëndrojë për 3 muaj në regjimin e mbikëqyrjes së veçantë.
Vendimi Drejtorit të Burgut, Ismailit, është vlerësuar si i ligjshëm nga Gjykata e Shkodrës, duke bërë që tashmë Thani të vendoset në regjimin e mbikëqyrjes së veçantë për tre muaj.
Kush është Mikel Thani?
Policia bën të ditur se Mikel Thani ka qenë një vit i fejuar me vajzën e familjes Guri, fejesë e cila më pas është prishur. Babai i vajzës në atë kohë, nuk ka pranuar që vajza e tij të vijojë marrëdhënien me Thanin, i cili është edhe person me precedent penal, i dënuar më parë për plagosje.
Thani ka shkuar në shtëpinë e familjes Guri dhe ka debatuar me të zotin e shtëpisë, ngjarje kjo e ndodhur më datë 30.12.2014, rreth orës 21.00, në lagjen Guerile.
Sipas policisë pas debatit mes tyre autori ka nxjerrë automatikun dhe ka qëlluar duke lënë të plagosur Vat Gurin, bashkëshorten e tij Gjyste Gjura 45 vjeç dhe mbesën e tyre 12 vjeç.
Pas ngjarjes Mikel Thani është larguar nga banesa pa mundur të kapet nga policia. Mikel Thani është vënë në pranga në Janar të 2015. /Descript.al/
Lini një Përgjigje
Më të lexuarat
24 oret e fundit
Javen e fundit
Blog Tema
