PIRUETA/ Si legjitimohet e delegjitimohet Parlamenti në Presidencë: Kjo është kontradikta e fundit e Metës

Një ndryshim kushtetues i ndërmarrë nga mazhoranca në funksion të listave të hapura, ka rikthyer Ilir Metën e para një viti, ose dhe të para disa muajve: i ashpër, egërshan, kontravers. Pra, ndaj mazhorancës. Por dhe kontradiktor në kulm.

Më i freskët në këtë të fundit, është një deklaratë dje shpërndarë nga zëdhënësi i tij Tedi Blushi. Duke dalë kundër dy ndryshimeve kushtetuese, por pa u shprehur fare për qëllimin e tyre -pra, nuk dihet ende nëse presidenti është apo jo për listat e hapura – ai sërish theksoi, sipas tij, ilegjitimitet te parlamenti – ai që pritet të miratojë ndryshimet. Por e bëri këtë pasi pak javë më parë i dha legjitimitet duke kërkuar nga parlamenti miratimin e marrëveshjes së 5 qershorit për Zgjedhoren.

Por si e përligji këtë ndryshim kursi, këtë kundërthënie, këtë kontraditë të ububushme? Duke mos quajtur parlamentin në tërësi ilegjitim por vetëm deputetët e ardhur nga listat e partive pas aktit të dorëzimit të mandateve.

“Ilir Meta thekson se Kuvendi aktual ka vetëm 82 deputetë legjitimë, ku përfshihen edhe tre deputetët të cilët nuk pranuan të dorëhiqeshin pas vendimit të Opozitës së Bashkuar”, thoshte deklarata.

“Kuvendi ka formalisht vetëm 122 deputetë nga 140 deputetë që është detyrimi kushtetues”, vijon mëtej deklarata, që në fakt, në ka gjë të diskutueshme në legjitimitet, mund të jetë pikërisht ky; pra, mungesa e numrit të plotë të deputetëve.

Por jo, Meta quan ilegjitim dhe hyrjen emrave të listës në parlament, që duhet kujtuar, u mbështet dhe u përshëndet nga SHBA dhe BE në kohën kur ndodhi.

“Procesi i zëvendësimit ka qenë haptas antikushtetues dhe antiligjor”, vijon deklarata.

Logjika konstitucionale, por dhe politike: Nëse ky parlament paska kaq ilegjitimitet, kjo s’ka si ta lërë atë legjitim, qoftë dhe me një detaj të vogël të diskutueshëm.

Së këndejmi, çdo vendimmarrje e këtij parlamenti buron ilegjitimitet. Por kur Meta e legjitimon me kërkesën për votimin e marrëveshjes së 5 qershorit, kjo vlen më pas dhe për çdo votim tjetër. Pra, edhe atë për dy ndërhyrjet e fundit në fundit në Kushtetutë.

Ndësa pala që bërtet se është ajo opozita e vërtetë, PD dhe LSI të vetëdalë nga sistemi, duhet ta kuptojnë se po marrin ndëshkimin politik të goditjes së sistemit.

Me rregulla loje duhej të ishte më e rëndë. Si në futboll: ai që bojkoton një takim, jo vetëm humb ndeshjen në tavolinë, por dhe ndëshkohet me masa të tjera pasuese. PD dhe LSI nuk janë në ndëshkim por në vetëndëshkim. (Tesheshi)

Gazmend Bardhi: Ndryshimet kushtetuese shkelin marrëveshjen e 5 qershorit, Rama gënjeu shqiptarët dhe partnerët strategjikë

16:37 Politika

Monika Kryemadhi parashikon fatin politik të liderëve: Rudina Hajdari ka për të dalë forcë e tretë, Edi Rama forcë e katërt

16:25 Politika

Ndryshimet kushtetuese, zëdhënësi i presidentit: Metën pyeteni nesër, se sot ka punë, po lexon një raport zhgënjyes

15:00 Politika

“Legjitim vetëm 82 deputetë”, Rama: Nuk mendoj se Meta është ‘Nastradini’, Presidenca është seli e opozitës

14:16 Politika

“Përballemi në mejdan”, Rama: Bashën nuk e ndalon njeri të jetë me SHPK-në e Monikës, me Nard Ndokën dhe Fate Mediun. Populli më i mërzitur me opozitën se me qeverinë

14:00 Politika

Zgjedhorja, Rama: BE nuk i ka vënë kusht Shqipërisë të bëjë të lumtur Bashën, lëshimi më i madh është bërë nga PS

13:47 Politika

Rama i përgjigjet zyrtarit të CDU-së: Ishte zhgënjyes, s’mund të flitet me të dëgjuar. Koalicionet nuk do të ndalohen, do ta bëjmë si si në çdo vend të Europës

13:31 Politika

Listat e hapura, Rama: Reagimi i opozitës jashtë parlamentare dhe presidenciale ndaj kësaj nisme kushtetuese është i papranueshëm

13:18 Politika

LIVE. Edi Rama në konferencë shtypi për reformen zgjedhore

13:12 Politika

Soreca: Të votohet marrëveshja e 5 Qershorit, kyçe për negociatat. Palët të vazhdojnë dialogun

13:06 Politika