Deklaratat pas marrëveshjes, befasojnë Myslim Murrizi dhe Ralf Gjoni: Jemi kundër “5 Qershorit”

Takimi mes kryeministrit Edi Rama dhe kryetarëve të grupeve parlamentare të opozitës ka përfunduar me nënshkrimin e një marrëveshjeje politike mes palëve.

Kreu i grupit Parlamentar të PS, Taulant Balla, ka njoftuar se palët kanë rënë dakord që në seancën e 23 korrikut do të votohen ndryshimet kushtuese të dakordësuara më 5 qershor me opozitën jashtëparlamentare, si dhe për ndryshimet kushtetuese për hapjen e listave të kandidatëve.

Por në deklaratat e dhëna për mediat pas kësaj marrëveshjeje, Myslim Murrizi ka befasuar gazetarët të cilëve u tha se nuk e kanë lexuar marrëveshjen, e se në të, ai nuk ka firmosur për “5 Qershorin”.

Murrizi tha se do të votojë kundër kësaj marrëveshjeje.

“Kam firmosur që jam kundër një kësaj marrëveshje dhe nuk do votojmë atë  marrëveshje. Kemi firmosur për dy pika. Do t’jua vë në dispozicion marrëveshjen që kam firmosur unë. Nëse ju keni marrëveshje tjetër, nuk e di se të kujt, të ferrave apo të bunkerave. Jam dakord me marrëveshjen dhe jam kundër pikës 1 dhe Grupi Demokrat do të votojë kundër. Kam përcjellë vendimin unanim të grupit parlamentar demokrat“, tha Murrizi.

Po ashtu edhe deputeti Ralf Gjoni deklaroi se as ai nuk do të votojë pro kësaj marrëveshje, por vetëm hapjen e listave.

“Votimi është individual dhe secili deputet do të votojë sipas koshiencës së tij. Unë deklaroj që jam për këtë ndryshim, kurse vota për marrëveshjen do të jetë individuale. Unë votoj hapjen e listave. Unë Këshillin Politik nuk e kam njohur dhe kam qenë kundër marrëveshjes së 5 qershorit. Unë nuk votoj pro marrëveshjes së 5 qershorit, votoj hapjen e listave”, deklaroi Gjoni.

Ndërkohë, nga ana tjetër dy përfaqësuesit e tjerë të opozitës, Nimet Musai dhe Edmond Stojku thanë se janë dakordësuar me të gjitha pikat e marrëveshjes politike me PS.

“Ky është fundi i një procesi të gjatë. Ne kemi konsensus dhe gjithëpërfshirje. Më 23 korrik do arrihen 84 votat e nevojshme për 5 qershorin, ndërsa më 30 korrik do të votojnë listat e hapura. Vota nuk është kolektive dhe ne nuk detyrojmë, nuk jemi menaxherë të grupeve që përfaqësojmë. 

Por me shumicë votash kemi rënë dakord të votojmë marrëveshjen e 5 qershorit. Ne si opozitë parlamentare kemi firmosur vetëm marrëveshjen e sotme. Brenda grupit tonë parlamentarë, nuk është çudi që disa mos e japin votën, por besojmë se 84 vota do të jenë“, u shpreh Stojku.

Rama: Tashmë PD e ka një datë! “5 Qershori” votohet të enjten, nesër të mblidhet Këshilli Politik

20:53 Politika

Rudina Hajdari pas firmosjes së marrëveshjes: Fitore e madhe e opozitës, unë i mbaj premtimet

20:36 Politika

E ëma e Kaçifas: Mallkuar qoftë italiani, që e vendosi kufirin aty ku është sot! Fëmija im e donte flamurin dhe kombin grek

20:33 Politika

VIDEO/ Ndryshimet kushtetuese, mazhoranca nënshkruan marrëveshjen me opozitën parlamentare: “5 qershori” votohet të enjten

20:20 Politika

Agron Duka: Nuk futemi në zgjedhje nëse nuk garojmë si opozitë e bashkuar, vetëm ashtu e mundim Ramën

19:29 Politika

Draft-marrëveshja politike mes PS dhe opozitës parlamentare, këto janë 4 pikat e dakordësuara

19:14 Politika

“Rikthim” në vendin e krimit?! Pse Basha s’vizitoi Krushën në Kosovë ku u masakruan nga serbët 240 shqiptarë, filmimet e të cilave i mori nga kameramani Bellanica

19:05 Politika

Pas organit zyrtar të LSI, Aleanca për Teatrin i kërkon llogari Yuri Kim dhe Luigi Sorecës. Budina: Çfarë po bëhet me kallzimet në SPAK e "Drejtësinë". Kemi humbur besimin te ju

18:37 Politika

Zgjidhet çështja e tunelit “Kardhiq-Delvinë”

18:11 Politika

Rama “dublon” Bashën në Kosovë me Taulant Ballën

17:53 Politika