Manja: Meta ka menduar se do ta ndihmonte Zoti. Shkeljet e Presidentit nuk çojnë në shkarkimin e tij

Seanca e sotme e Kuvendit ka vetëm një pikë “të nxehtë”. Bëhet fjalë për raportin përfundimtar të Komisionit Hetimor për shkarkimin e Presidentit Ilir Meta.

Ulsi Manja, ne cilësinë e Kreut të Komisionit Hetimor për Shkarkimin e Presidentit njoftoi deputetët për konkluzionet e raportit me 44 faqe.

Ai tha se presidenti e ka shkelur dy herë Kushtetutën si në rastin e zhdekretimit të zgjedhjeve, ashtu edhe në rastin e emërimit të Marsida Xhaferllarit në Kushtetuese.

Megjithatë, Manja tha se shkeljet e tij nuk çojnë detyrimisht në shkarkimin e Kreut të Shtetit.

“Për herë të parë në 30 vjet diskutohet raporti i ngritur me kërkesën e 55 deputetëve që kanë vënë në lëvizje mekanizmin kushetues e ligjor për shkarkimin e një presidenti për shkelje të rëndë të Kushtetutës bazuar në nenin 90 të saj. Natyra delikate e objektit të komisionit e justifikon kohëzgjatjen e tij.

Raporti përfundimtar i miratuar më 20 korrik të mbledhjes së Komisionit Hetimor ka 40 faqe, është plani i hetimit, vendimmarrjet përkatëse dhe të gjitha aktet. 44 faqet janë votuar nga 48 kolegë, ndërsa 5 faqe janë mendim i pakicës: Halit Valteri dhe Alban Zeneli.

Dua mirëkuptimin tuaj se raporti që do të mbaj sot është tërësisht ligjor dhe kushtetues, nuk do të jetë raport i themeluar në konsiderata politike, se Kushtetuta dhe rregulloja kanë parashikuar mekanizma të posacme kur kemi të bëjmë me shkarkim të Presidentit, kalon në tre faza: Komisioni hetimor, Kuvendi dhe Gjykata Kushtetuese. Është seanca plenare ajo që përmes fakteve i jep edhe një vlerësim politik të kërkesës për shkarkim.

Për të qënë të qartë për publikun se edhe nëse Kuvendi e voton për shkarkim është Gjykata Kushtetuese ajo që jep verdiktin final për shkarkimin e Presidentit.

Kemi vërejtur disa shkelje, veprime dhe mosveprime në kundërshtim me Kushtetutën si në rastin e zgjedhjeve vendore ashtu edhe me emërimet në Gjykatën Kushtetuese.

Arrijmë në përfundim se dekrekti i Metës 10/6/2011 për shfuqizimin e dekretit për caktimin e datës së zgjedhjeve vendore si dhe dekreti në 13/12/2011 për emërimin e Marsida Xhaferllarit në Kushtetuese janë akte dhe vendime antikushtetuese.

Shkeljet e Presidentit dhe pasojat që ato kanë sjellë, duke mbajtur në konsideratë rolin e tij janë shkelje që nuk cojnë në domosdoshmërisht në shkarkim por diktojnë marrjen e masave të menjëhershme për plotësimin e kuadrit ligjor me mekanizma të qartë për të evituar situata bllokuese në të ardhmen”,- tha Manja.

Ndër të tjera Manja u shpreh se gjatë veprimeve të tij, Presidenti me siguri ka ecur me mendimin se e ndihmon Zoti, “se kështu tha edhe në fjalimin e tij kur u betua si President në Parlament: Zoti më Ndihmoftë!

Sipas Manjës, shtyrja e datës së zgjedhjeve nuk është kompetencë e Presidentit, por vetëm dekretimi i tyre.

“Profeti i Kokoshkave”, Edmond Budina kërkesë Ramës: Dua të bëj shfaqje në truallin e teatrit, je i ftuar

11:31 Politika

Hapja e listave 100 % dhe amendamentet kushtetuese për koalicionet, Gjiknuri kërkon mbledhjen e Këshillit Politik: Takohemi ditën e martë

11:28 Politika

Alarmi i Metës për cënimin e sigurisë kombëtare, Manja: E kemi diskutuar dokumentin e klasifikuar me dyer të mbyllura, është raport i zakonshëm

11:17 Politika

Situata politike: Ambasadorja e SHBA dhe BE i shkojnë Ramës në zyrë

11:00 Politika

Manja: Meta bëri 2 shkelje, por nuk mjaftojnë për ta shkarkuar

10:47 Politika

ANALIZA: Vladimir Putini po planifikon vetë-shkatërrimin e Perëndimit

10:28 Politika

Gjuzi: Isha mbrëmë në Qafë Shtamë dhe gjeta kanabis. Ruçi: Boll, ulu!

10:19 Politika

Meta uron aktorin e humorit Zef Deda, mesazh të “koduar” ditën e “shpëtimit” nga shkarkimi: Dita e mirë shifet nadje, e ti ke le bash n'ditë t'qejfit

09:55 Politika

Genci dhe Besniku

09:03 Politika

Ç’ndodh me politikën e jashtme të SHBA nëse zgjidhet president i ri? Ministri gjerman: Kush pret tani në Europë ndryshimin në Shtëpinë e Bardhë, duhet të përgatitet

08:10 Politika