Shqiptari që ka në dorë fatin e Qeverisë në Malin e Zi

Rezultati i zgjedhjeve parlamentare në Mal të Zi tregon se as partia pro-perëndimore në pushtet dhe as aleanca rivale pro-serbe dhe pro-ruse në opozitë nuk kanë shumicën për të formuar qeverinë e re në Podgoricë.

Diferenca është shumë e ngushtë  mes partisë së Gjukanoviç që qeveris vendin prej 30 vitesh dhe opozitës.

Parlamenti i Malit të Zi ka 81 deputetë. Shqiptarët pritet të kenë dy vende, nga një për secilën listë me të cilën hynë në garë.

Por duket se për fatin e qeverisë së re do të vendosë po një shqiptar, por ai nuk është në asnjë prej listave që u përfaqësuan shqiptarët në këto zgjedhje.

Lëvizjen “Ura” duket se ka në dorë fatin e qeverisë në Malin e Zi, e cila ka 4 deputetë. Ajo drejtohet nga një shqiptar Dritan Abazoviç, dhe është një parti multietnike. Në një prononcim për ABC News, Abazoviç tha se votat e tij do të bëjnë diferencën, ndërsa e cilësoi veten si “Game changer”, personi që do të bëjë edhe ndryshimin e lojës.

“Çelësi i qeverisë ka për tu varur prej koalicionit tonë. Ne s’kemi për të lejuar që të krijojnë kushte që nuk janë të mira për qyterët.

Më ka takuar si shqiptar që pas 30 vitesh të mbaj çelësin. Kam pasur shumë sulme, edhe prej partive nacionale shqiptare. Që nuk duan të pranojnë që një shqiptar mund të përfaqësojë në Malin e Zi në një nivel më të lartë.

Çelësi i qeverisë është që të krijohet qeveria eksperte, nuk ka pasur ndryshime të politikave të jashtme. Nuk ka nevojë për të pasur frikë”, u shpreh ai.

I pyetur se me kë do të negociojë për t’i dhënë kështu Malit të Zi qeverinë e re, ai tha: “Negociatat  mund të bëhen vetëm ata që janë të gatshëm të bëjnë sistemin e qeverisë së ekspertëve”.

Në këto votime vendoset edhe e ardhmja politike e Presidentit Milo Gjukanoviç. Ai udhëhoqi Partinë Demokrate të Socialistëve (DPS), e cila ka qeverisur Malin e Zi që nga fillimi i shpërbërjes së Jugosllavisë federale në vitin 1990, si dhe përgjatë shpërbërjes së unionit me Serbinë në vitin 2006.

Zoti Gjukanoviç, një pro-perëndimor i vendosur, ka drejtuar përpjekjet ende në vazhdim të Malit të Zi për t’u anëtarësuar në Bashkimin Europian, si dhe luajti rol të rëndësishëm për anëtarësimin në NATO në vitin 2017.

DPS-ja përballej në këto zgjedhje me aleancën “Për të Ardhmen e Malit të Zi”, të përbërë kryesisht nga parti nacionaliste serbe që dëshirojnë marrëdhënie më të afërta me Serbinë dhe Rusinë.

E udhëhequr nga profesori Zdravko Krivokapic, aleanca mbështetet nga Kisha Ortodokse Serbe me influencë, e cila organizon protesta të përditshme kundër një ligji të miratuar dhjetorin e kaluar që i lejon shtetit të konfiskojë pronat fetare, për të cilat nuk mund të provohet pronësia historike.

Erdogan godet fort grekët dhe francezët: Ju sfidojmë në tokë, ajër dhe det. Jemi të vendosur, s'kemi qënë kurrë shtet kolonial

09:28 Rajoni

DW: Humbje e ndjeshme për partinë e Gjukanoviçit, pse formimi i qeverisë do jetë shumë i vështirë

08:30 Rajoni

Formohet qeveria e re në Maqedoninë e Veriut, pjesë e rëndësishme edhe shqiptarët

08:10 Rajoni

Zgjedhjet në Malin e Zi, kush është shqiptari që ka në dorë formimin e qeverisë së re

23:42 Rajoni

Nis festa kuq e zi në Mal të Zi, shqiptarët fitojnë dy deputetë, Gjeloshi: Do vazhdojmë projektin tonë!

23:38 Rajoni

Numërimi drejt fundit në Mal të zi, shqiptarët fitojnë dy deputetë, rezultat i ngushtë mes Gjukanoviç dhe opozitës proruse

23:06 Rajoni

Numërohen mbi 70% e votave në Mal të Zi, kryeson partia e Milo Gjukanoviç

22:33 Rajoni

Mbyllet zyrtarisht votimi në Malin e Zi: Ja sa përqind e votuesve morën pjesë

20:34 Rajoni

“Shqipen s’mund të na e heqin prej shpirti”! Emina Cunmulaj mesazh prekës shqiptarëve në Mal të Zi: Të votojmë për gjuhën tonë!

18:25 Rajoni

Zgjedhjet në Mal të Zi: Deri në orën 17:00 kanë votuar 68% e popullsisë

18:21 Rajoni