Te fundit
REAGIMI/ Donald Trump: Ditë historike në një pjesë tepër të bukur të botës, mezi po pres të vizitoj Kosovën e Serbinë
4 Shtator 2020, 18:50Rajoni
TEMA
Presidenti amerikan Donald Trump, përshëndeti marrëveshjet e arritura me ndërmjetësimin e tij mes Serbisë dhe Kosovës, të cilat përkushtohen për normalizimin ekonomik.
“Kjo është një ditë vërtet historike, vërtet e rëndësishme, sidomos në një pjesë tepër të bukur të botës. Jam i lumtur të deklaroj se Serbia dhe Kosova janë përkushtuar për normalizim ekonomik.
Ata kanë punuar në këtë drejtim për shumë vite, aktualisht dekada, pas historisë me incidente tragjike e të dhunshme dhe vite negociatash të dështuara.
Administrata ime propozoi mënyra të reja për të ngushtuar diferencat duke u fokusuar në krijimin e vendeve të punës dhe rritjen ekonomike.
Të dyja shënuan një arritje të madhe, diçka të cilën askush nuk e mendonte të mundur. Mendoj se do të funksionojë shumë mirë”, tha Trump.
“Të dy shtetet patën mundësi të arrijnë një marrëveshje madhore për bashkëpunim ekonomik. Mund të them se Serbia dhe Kosova kanë shumë njerëz në SHBA, ata e duan vendin e tyre vërtet shumë.
Ka pasur shumë vdekje për një periudhë tepër të gjatë kohe dhe tani kjo merr fund”, tha ai.
Trump shtoi se Ballkani dhe e gjithë bota, tani është më e sigurt pas këtyre marrëveshjeve.
“Mezi po pres të shkoj në të dy shtetet, shpresoj në të ardhmen e afërt.
Kemi fushatën tani dhe mendoj se mund t’i kushtojmë pak kohë saj”, shtoi presidenti.
1 komente në “REAGIMI/ Donald Trump: Ditë historike në një pjesë tepër të bukur të botës, mezi po pres të vizitoj Kosovën e Serbinë”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Biden do kishte favorizuar Serbin, po ti jepej mundesia ndermjetsuese, kurse Rusia ësht më shpirtërore ne raste te tilla, do kishte bër të njihej nga Serbia ne marrveshje te tilla, pasi takime te tilla s’bëhen qdo ditë.