Arrestohet në Tiranë gruaja që kryente martesa mes të rinjve dhe i çonte luftëtarë për ISIS-in

Policia ka ndërmarrë një aksion gjatë mbrëmjes, ku ka shoqëruar një grua, e cila rezultonte e shpallur në kërkim nga autoritetet italiane për terrorizëm.

Drejtoria e Antiterrorit në Policinë e Shtetit në bashkëpunim me Interpolin kanë bërë shoqërimin e 43-vjeçares Lubjana Gjeçaj, banuese në Unazën e Madhe në Tiranë.

Masa e arrestit i është komunikuar sot ndërsa pritet ekstradimi i saj drejt Italisë, ku është dënuar me 3 vjet burg.

Gjeçajt mësohet se ka qenë emigrante në Itali dhe ka dyshime se aty ka qenë pjesë e një grupi radikal. Është identifikuar nga policia italiane se ajo ka qenë pjesë e këtij grupi.

Gjykata e Hetimeve Paraprake Milano, Itali, e ka dënuar me 3 vjet burg, për veprën penale ”Organizatë me qëllime Terroriste”.

Po kush është  Lubjana Gjeçaj dhe si funksiononte grupi ku ajo bënte pjesë? Ky grup i strukturuar kriminal, kryente martesa mes të rinjve dhe i dërgonte ata në Turqi, dhe më pas në Siri për të luftuar për të ashtuquajturin Shteti Islamik.

Një krushqi e lidhur me familjes së një vajze të re italiane dhe një shqiptari me origjinë nga Laçi në 2014, zbuloi celulën terroriste që rekrutonte luftëtarë për ISIS-in (shtetin islamik).

Pas 8 muajve hetime, në një operacion të gjerë të shtrirë në disa qytete në Itali dhe në Lushnjë të Shqipërisë, 10 persona ranë në pranga, 4 italianë,1 kanadez dhe 5 shqiptarë.

Përveç Lubjana Gjeçajt, pjesë e grupit ishte dhe Dritan Gjeçaj bashkëshorti i 43-vjeçares, Baki Çoku, Aldo Kobuzi dhe Arta Kakabuni.

Prona me shumicë, mungesa të mëdha: Gjyqtari Artur Gaxha përballet me probleme në veting

21:57 Kronika

Gjykata rikthen “Babalen”: Rrëzohet vendimi i Prokurorisë për mbylljen e hetimeve

18:34 Kronika

Zbardhet krimi i rëndë në Tiranë, babai dhe vëllai vranë 23-vjeçaren pse shkoi të bashkëjetonte me të dashurin. Trupin e groposën në "Malin me Gropa"

17:37 Kronika

Bëri sherr me policët bashkiakë për makinën e parkuar gabim që nuk ishte as e tij

15:12 Kronika

KPK konfirmon në detyrë gjyqtaren Vojsava Osmanaj

11:30 Kronika

“Mafia dhe korrupsioni kanë shkuar në majë, tek kryeministri dhe djali i tij”: Berishëve iu “ngarkojnë” dhe vrasjen e Trebickës në SHBA

09:36 Kronika

U mbyt një ditë më parë në rezervuarin e Novosejës-Kukës, polumbarët nxjerrin nga uji trupin e pajetë të 19-vjeçarit

09:13 Kronika

Dasma kundër rregullave të Covid, ‘valon’ gjoba për 3 lokale në Shkodër

09:09 Kronika

Krijohet njësia ‘K’, Lleshaj: Të gjithë ata që i janë shmangur drejtësisë prej 30 vitesh dhe struken në Amerikë, duhet të ‘dridhen’

22:07 Kronika

Nis faza e dytë e aplikimeve për studime në Akademinë e FA, Xhaçka: Zgjidhje e sigurt punësimi

18:12 Kronika