Zbardhet krimi i rëndë në Tiranë, babai dhe vëllai vranë 23-vjeçaren pse shkoi të bashkëjetonte me të dashurin. Trupin e groposën në "Malin me Gropa"

Largimi nga banesa për të bashkëjetuar me partnerin e saj i kushtoi jetën Eglantina Bucit. Ajo ishte vetëm 23-vjeçe kur u vra nga babai e vëllai i saj, të cilët trupin e groposën në “Malin me Gropa” në Tiranë.

Zbardhja e ngjarjes së rëndë e ndodhur në vitin 2012, u njoftua këtë të premte nga policia e Tiranës. Autorët e këtij krimi janë Faik Buci, 66-vjeç dhe Shkëlzen Buci 37-vjeç, me origjinë nga Dibra dhe banues në Babrru të Tiranës.

Njoftimi i plotë i Policisë

Finalizohet me sukses operacioni policor i koduar “HESHTJA”, për zbardhjen e një vrasjeje të ndodhur në vitin 2012.

Operacioni nga Sektori për Hetimin e Krimeve të Rënda Ndaj Jetës dhe Pronës në Drejtorinë Vendore të Policisë Tiranë, Instituti i Policisë Shkencore, Agjencia e Kosovës për Forenzikë, në koordinim nga Departamenti i Policisë Kriminale, nën drejtimin e Prokurorisë së Rrethit Gjyqësor Tiranë.

Nga Seksioni i Hetimit të Krimeve Ndaj Jetës në Sektorin e Krimeve të Rënda Ndaj Jetës dhe Pronës në Drejtorinë Vendore të Policisë Tiranë është bërë i mundur dokumentimi dhe zbardhja e një vrasjeje të ndodhur në vitin 2012, në vendin e qujtur “Mali me Gropa”, Tiranë.

Vihet në pranga njëri prej autorëve, ndërsa autorit tjetër i është komunikuar masa në IEVP ku vuan dënimin.

Në vijim të punës për zbardhjen e ngjarjeve të rënda kriminale të ndodhura më parë, pas një pune hetimore dhe procedurale të mirorganizuar dhe të pandërprerë, nga Sektori i Krimeve të Rënda Ndaj Jetës dhe Pronës në Drejtorinë Vendore të Policisë Tiranë, në bashkëpunim me Institutin e Policisë Shkencore Tiranë, Agjencinë e Kosovës për Forenzikë, në koordinim nga Departamenti i Policisë Kriminale, nën drejtimin e Prokurorisë së Rrethit Gjyqësor Tiranë, u bë i mundur finalizimi me sukses i operacionit policor të koduar “HESHTJA”.

Në kuadër të hetimeve u bë e mundur gjetja e disa pjesëve të një skeleti (eshtra) të një kufome të paidentifikuar të gjetur në datë 14.09.2012, në vendin e quajtur ”Mali me Gropa”, Tiranë.

Pas një pune hetimore të pandërprerë që prej vitit 2017, pas informacioneve të siguruara në rrugë operative nga Sektori për Hetimin e Krimeve të Rënda ndaj Jetës dhe Pronës në Drejtorinë Vendore të Policisë Tiranë, janë rifilluar hetimet në lidhje me këtë çështje dhe mbi veprimet hetimore dhe procedurale, është bërë i mundur identifikimi shkencor eshtrave, të cilat i përkasin shtetases Eglantina Buci, e datelindjes 1989, lindur në Dibër dhe banuese në Babrru, Tiranë.

Nga grupi hetimor i ngritur posaçërisht për këtë çështje, u bë zbardhja dhe dokumentimi i plotë ligjor me prova shkencore i kësaj ngjarjeje.

Në datën 04.09.2020, Gjykata e Rrethit Gjyqësor Tiranë ka vendosur masat e sigurisë “Arrest në burg” për autorët e dyshuar të kësaj ngjarje, konkretisht shtetasit:

Faik Buci, 66 vjeç, lindur në Dibër dhe banues në Babrru, Tiranë;

Shkëlzen Buci 37 vjeç, lindur në Peshkopi dhe banues në Babrru, Tiranë.

Në bashkëpunim me njëri-tjetrin, kanë vrarë më armë zjarri pistoletë shtetasen Eglantina Buci dhe më pas e kanë fshehur (groposur) kufomën, në Malin me Gropa, Tiranë.

Motivi i vrasjes së bërë nga babi dhe vëllai i saj është pasi shtetasja E. B. është larguar nga banesa për të bashkëjetuar me një shtetas tjetër, pa dëshirën e personave të lartëpërmendur F.B dhe Sh.B (familjarë të saj).

Theksojmë se shtetasit Shkëlzen Buci iu komunikua masa e sigurisë në ambientet e IEVP-së ku vuan dënimin, pasi është arrestuar më parë po nga Sektori Krimeve të Rënda Ndaj Jetës dhe Pronës në Drejtorinë Vendore të Policisë Tiranë, për një ngjarje tjetër, për “Vrasje me paramendim” të ngelur në tentativë, të ndodhur në Tiranë, në vitin 2017. Ky shtetas aktualisht është duke vuajtur dënimin me 13 vite burgim.

Ndërsa pas daljes së masës së sigurisë për shtetasin Faik Buci, Sektori i Krimeve të Rënda Ndaj Jetës dhe Pronës në Drejtorinë Vendore të Policisë Tiranë, pas marrjes së informacioneve të shpejta në rrugë operative nga ana e specialistëve dhe ndihmësspecialistëve bëri të mundur lokalizimin dhe kapjen e tij.

Në momentin e kapjes këtij shtetasi i është gjendur dhe sekuestruar në cilësinë e provës materiale një armë e ftohtë thikë.

Në kuadër të operacionit Policia e Shtetit falënderon Agjencinë e Kosovës për Forezikë në Ministrinë e Punëve të Brendshme të Republikës së Kosovës, për ndihmën dhe mbështetjen e dhënë në lidhje me identifikimin e kufomës dhe zbardhjen e plotë ligjore të kësaj çështjeje.

Materialet në ngarkim të shtetasve Faik Buci dhe Shkelzen Buci i kaluan Prokurorisë së Rrethit Gjyqësore Tiranë, për veprat penale ”Vrasja me paramendim”, e kryer në bashkëpunim, ”Mbajtja pa leje të armëve dhe municioneve luftarake” dhe ”Prodhimi, mbajtja, blerja apo shitja pa leje e armëve të ftohta” .

Bëri sherr me policët bashkiakë për makinën e parkuar gabim që nuk ishte as e tij

15:12 Kronika

KPK konfirmon në detyrë gjyqtaren Vojsava Osmanaj

11:30 Kronika

“Mafia dhe korrupsioni kanë shkuar në majë, tek kryeministri dhe djali i tij”: Berishëve iu “ngarkojnë” dhe vrasjen e Trebickës në SHBA

09:36 Kronika

U mbyt një ditë më parë në rezervuarin e Novosejës-Kukës, polumbarët nxjerrin nga uji trupin e pajetë të 19-vjeçarit

09:13 Kronika

Dasma kundër rregullave të Covid, ‘valon’ gjoba për 3 lokale në Shkodër

09:09 Kronika

Krijohet njësia ‘K’, Lleshaj: Të gjithë ata që i janë shmangur drejtësisë prej 30 vitesh dhe struken në Amerikë, duhet të ‘dridhen’

22:07 Kronika

Nis faza e dytë e aplikimeve për studime në Akademinë e FA, Xhaçka: Zgjidhje e sigurt punësimi

18:12 Kronika

Bëri libër dhe film për tragjedinë e Gërdecit: Ja çfarë thoshte Guy Lawson kur fitoi gjyqin në shkallën e parë, me Shkëlzen Berishën!

17:26 Kronika

Komisioneri Publik akuzon Donika Prelën se tentoi zvarritjen e procesit në Apel

17:15 Kronika

"S'ka sajesa për Gërdecin", Shkëlzen Berisha kundërshton vendimin e drejtësisë amerikane: Avokatët e mi po e studiojnë me kujdes për të vendosur mbi hapat e mëtejshme, po shpifin përsëri për mua se s'kam lidhje

13:28 Kronika