Basha nxjerr Genc Pollon: Mini-Shengeni Ballkanik projekt i padobishëm që po shkon në varreza, i qëndojmë sulmeve ndaj Ramës dhe se ai nuk është patriot

Nënshkrimi i marrëveshjes për “Minishengen Ballkanik”, në zyrën e presidentit amerikan Donald Trump, ka ngjallur reagime të shumta.

Edhe pse ky projekt u sulmua masivisht nga politikanë në Tiranë dhe Prishtinë, këto ditë një pjesë e mirë e tyre kanë ndryshuar qëndrim duke e quajtur historik.

Ndërkohë, për të balancuar jehonën e qëndrimeve, kreu i opozitës Lulzim Basha ka nxjerrë ish ligjvënësin Genc Pollo për ta kundërshtuar këtë projekt.

Për Pollon ky është projekt i padobishëm që është nisur drejt varrezave.

Dikur nga vitet shtatëdhjetë thuhet se regjizori Minush Jero përdori një rrotë stërmadhe traktori si truk për të gozhduar aty vëmendjen e censorëve të realizmit socialist në mënyrë që ata të mos vërenin devijimiet e pjesës teatrale nga dogma artistike e kohës. Në fund të ditës Jero pranoi të hiqte rrotën nga skena, pjesa teatrale nuk pësoi tjetër gëshërë dhe Jero, censorët e publiku i teatrit mbetën të kënaqur. Varrosja e coptimit të Kosovës si fitore e madhe por e heshtur.

Nuk jam krejt i sigurt se krahasimi i rrotës së traktorit me Mini-Shengenin Ballkanik është i duhur e i përshtatshëm por insistimi i z Rama për të përdorur Marrëveshjen e Shtëpisë së Bardhë Kosovë-Serbi për t’u vetëshpallur sërish edhe patriot edhe vizionar të kujton hilera e marifete që bëjnë njerëzit për të hequr sikletin. Përsa i përket rolit të z. Rama në këto çështje do të thoja se Marrëveshja spikat me “elefantin që mungon” ose me copëtimin territorial të Kosovës i cili vite më parë fatkeqësisht u mbështet nga aventurizmi i zonjës Federica Mogherini, asokohe Përfaqesuese e Lartë për Politikën e Jashtëme dhe zv Presidente e Komisionit Europian si dhe nga ideologjizmi i ambasadorit John Bolton, asokohe Këshilltar për Sigurinë Kombëtare të Presidentit të ShBA.

E për të mos ja lënë gjithmonë fajin në derë tjetrit apo të huajit, siç bëhet shpesh në viset tona, duhet të rithemi se ata nuk e shpikën vetë këtë propozim. Propozuesit ishin presidenti i Serbisë, homologu i tij në Prishtinë me mbështetijen e angazhimin superaktiv të kryeministrit të Tiranës.

Kjo ide e cila do të gjymtonte funksionimin e Kosovës si shtet e si ekonomi si dhe do të destabilizonte Ballkanin e më gjerë fillimisht u bllokua në Europë nga liderë seriozë e të përgjegjshëm dhe me marrëveshjen e javës së shkuar mund të quhet e varrosur nga administrata Trump.

Përmendja pa vend e Mini Shengenit nga Rama e të ngjashëm për të spostuar vëmendjen, por edhe debati legjitim për atë që u arrit, apo edhe nuk u arrit në Washington nuk lipset të na fshijë nga kujtesa që një fatkeqësi nga dora e njeriut në postin e gabuar evitua; përkundrazi duhet të gjejmë se si të evitohet përsëritja në të ardhmen.

Për MiniShengenin në grahmat e fundit nëse është akoma gjallë. Kryeministri Hoti deklaroi pas nënshkrimit të marrëveshjes se ai e kishte pranuar përfshirjen e Kosovës në Mini Shengen pasi kjo ju kërkua nga ndërmjetësit amerikanë. Dhe krejt e arsyeshme që këta të fundit mbasi i imponuan presidentit serb të pranonte me shkrim reduktimin e vartësisë energjitike nga Rusia, refuzimin e teknologjisë kineze në rrjetet 5G e të tjera si këto nuk mund t’i refuzonin një karamele pa kosto, madje edhe pa domethënie, si Mini Shengeni, një projekt personal i z. Vučić. Por në vetvete Mini Shengeni është pa domethënie pasi katër liritë e BE në Ballkanin Perëndimor mund të realizohen plotësisht vetëm pas antarësimit në BE.

Për realizimin gradual të tyre e nxitjen e tregut rajonal ekzistojnë mekanizma e institucione rajonale ku shtetet e Ballkanit janë antare. Kështu p.sh janë CEFTA me sekretariat në Bruksel e Këshilli Rajonal i Bashkëpunimit me seli në Sarajevë të cilat kanë përkrahjen e plotë të Bashkimit Europian e të Amerikës.

Ishin këto institucione që gjatë pandemisë, në koordinim me Komisionin Europian, arritën të realizojnë “korridoret e gjelbra” në Ballkan për të shpëtuar tregtinë rajonale nga asfiksia e kufijve të mbyllur.

Për. Mini Shengenin nuk u kujtua kush. Mini Shengeni është një nismë e cila sot e kësaj dite nuk ka një dokument themelues apo program të shkruar; është iniciuar nga shteti i vetëm në Ballkan që ka marrëveshje me bllokun tregtar e organizatën e sigurisë të udhehequr nga Rusia dhe në rastin më pozitiv i shërben vetëm egomanisë së udheheqësit të ditës e partnerëve të tij rreth e rrotull.

Fakti që samiti i Mini Shengenit i njoftuar që do të mbahej në Beograd në janar (dy muaj para shpalljes së pandemisë) u anullua e u la në heshtje mund të jetë fare mirë një shenjë se edhe kjo nismë mund të jetë rrugës drejt Varrezës së Projekteve të Padobishme.

Basha, Kryemadhi e liderë të tjerë rrezikohen nga listat e hapura. I aplikoi ish kreu i PDR, Pollo më 2001 e mbeti jashtë Kuvendit

15:42 Politika

Premtimi i Hajdarit: Partia ime, për 30 vitet e ardhshme! PS ka politika të djathta, PD i ka politikat të majta. Ne jemi te pika zero

14:38 Politika

Meta cakton datën 25 prill për zgjedhjet 2021

14:28 Politika

LSI nis fushatën, Ilir Meta figura qëndrore. Përdoret foto e presidentit për të ‘joshur’ elektoratin

14:05 Politika

Mandati i tretë, Balla takim me Asamblenë Socialiste në Librazhd: Duhet fitore e thellë për të garantuar qeverisjen të vetëm

13:57 Politika

Vrasja e Trebickës, biznesmenit që “gaboi” dhe iu kundërvu familjes Berisha. Kush janë ekspertët që këqyrën vendin e ngjarjes dhe e mbyllën si aksident

13:49 Politika

Pasardhësit e tiranëve: Çfarë ndodhi me bijtë dhe bijat e figurave më të liga të historisë?

12:12 Politika

“Tragjedia e tmerrshme që u ndodhi në Berat familjes së Teme Sejkos, ish- Kundëradmiralit të Flotës, siç ma tregoi i biri në Spaç, pasi ai…”: Rrëfimi i Kaso Hoxhës nga SHBA

09:56 Politika

The Economist: Covid-19, psherëtimë lehtësimi

08:59 Politika

El Chapo po kopjon ISIS, karteli famëkeq me bazë në Sinaloa po kryen vrasje të tmerrshme me dronë shpërthyese

09:40 Politika