Te fundit
Flet analisti i njohur Tim Judah: Kush fitoi nga pakti i Uashingtonit, Kosova apo Serbia?
6 Shtator 2020, 15:47Rajoni
TEMA
Tim Judah analist për çështjet e Ballkanit në revistën Britanike ‘The Economist’ thotë për Top Channel se pikat e marrëveshjes mes Kosovës dhe Serbisë, janë një ri-angazhim për të normalizuar marrëdhëniet, gjë të cilën e kemi dëgjuar shumë herë në të shkuarën.
Analisti anglez nuk beson se do të ketë një angazhim të dytë të Washingtonin për njohjen e ndërsjellët Kosovë Serbi. Tim Judën e intervistoi gazetari i Top Channel, Muhamed Veliu.
Muhamed Veliu: Zoti Judah si e shihmi marrëveshjen e nënshkruar në Shtëpinë e Bardhë dhe kush ishte ajo që mund të quhet si pika e fitores për Kosovën?
Tim Judah: Unë besoj se është një marrëveshje jo befasuese e kështu Kosova dhe Serbia nuk kanë fituar ndonjë gjë sikurse Kosova dhe Serbia nuk kanë humbur diçka në të gjithën këtë. Pamë një përzierje të çuditshme gjërash pasi në marrëveshje ka pika të dakortësuar më parë.
Tani kemi të bëjmë me një ri-angazhim për të normalizuar marrëdhëniet gjë të cilën e kemi dëgjuar shumë herë në të shkuarën. Cëshjet ekonomike siç është hekurudha ne I kemi dëgjuar në të shkuarën. Njohja nga Izraeli, përmendja e Hezbollahut apo bllokimi 5 G janë 100 % relevante në marrëdhëniet Kosovë-Serbi. Mbase janë me interes për amerikanët në një kohë kur palët nuk nënshkruan marrëveshje mes tyre. E gjitha është ‘ok’ por le të shohim çfarë do të prodhojë kjo në krahun ekonomik. Nuk kemi të bëjmë me fitues apo të humbur nga kjo.
Por në perspektivën afatgjatë marrëveshja ka për tu harruar paçka se u bë dhe nuk solli ndonjë ndryshim të madh. Ajo që do të jetë e dëmshme për zotin Hoti dhe posaçërisht për zotin Vuçiç janë pamjet filmike të të dyve përballë Trump nga ku duken si djem shkolle përpara mësuesit kujdestar. Do të shihet në të ardhme dëmi i shkaktuar në imazhin e tyre politik në terma afat gjatë.
Muhamed Veliu: Sipas jush cila është pika më e rëndësishme e marrëveshjes?
Tim Judah: Nuk shikoj ndonjë pikë të rëndësishme në marrëveshje. Thjesht kemi të bëjmë me një angazhim të ri për çështje të caktuara. Ndërsa pjesa janë tërësisht pa lidhje për marrëdhëniet Kosovë-Serbi. Ata thonë njohje e ndërsjellët e diplomave, por këtë e kanë bërë në të shkuarën pasi është pjesë e marrëveshjes me BE.
Angazhim për të gjetur të zhdukurit. Ne e kemi dëgjuar këtë shumë herë në të shkruarën. Jemi përballë një përsëritje të gjërave. Në dokumentet e nënshkruara nuk ka asnjë madhore e cila qëndron.
Muhamed Veliu: Presidenti Vuçiç gjatë negociatave në Washington ia arriti të sigurojë një marrëveshje pa përmendur fjalët “njohje e ndërsjellët”. Ishte kjo një fitore për Serbinë dhe humbje për Kosovën?
Tim Judah: Nuk do të ishte reale të ndërtohej ndonjë fije shprese se do të arrihej një njohje e ndërsjellët. Natyrisht nuk do të adresoj çështja e njohjes së ndërsjellët. Të gjithë e dinin këtë. Nuk arrita ta kuptoj përse kryeministri Hoti e artikuloi këtë se kjo ishte tema më e rëndësishme kur e dinte se nuk kishte për të ndodhur.
Muhamed Veliu: Marrëveshja e të premtes në Shtëpinë e Bardhë, besoni se mund të pasojë me një marrëveshje tjetër me ndërmjetësim amerikan për njohjen e Kosovës shtet nga Serbia?
Tim Judah: Jo. Kjo nuk ka për të ndodhur. Bisedimet e ardhshme do të zhvillohen në Bruksel.
Muhamed Veliu: A besoni se mos-marrëveshjet e gjata Kosovë-Serbi u përdorën në një mënyrë të zgjuar nga administrate Trump, për ta shitur si një arritje të politikës së jashtëm e për presidentin Trump përpara zgjedhjeve presidenciale?
Tim Judah: Në të gjithën këtë pati një qëllim dhe një lloj mesazhi për votues evangjelistë kur u përmend Lindja e Mesme. Mbase kjo mund të sjellë ndonjë ndryshim të vogël. Siç e patë nga ai Twitteri famoz i presidentit Trump u pa konfuzioni me Kosovës duke e vendosur si lokacion në Lindjen e Mesme. Nuk e di nëse kjo do t’ja mbushë mendjen shumë personave në SHBA të ndryshojnë opinion. Nuk jam specialist zgjedhjesh amerikane ata e dinë më mirë se unë këtë punë.
7 komente në “Flet analisti i njohur Tim Judah: Kush fitoi nga pakti i Uashingtonit, Kosova apo Serbia?”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Sakte vetem propogande per Tramp,asgje e mire per Kosoven
Tim ! Kur e dine Ata me mire kete pune perse flet ti !?
Na kujtove Andi Bushatin e Kazanit tone. Flm
Sepse eshte analist politik dhe ka shkollimin dhe eksperiencen per te bere vleresime te tilla dhe prandaj intervistohet, o vllai ver llapes, o tru bathore, o idiot patetik qe qytetar s’behesh kurre!
Trappi e përdoti për votuedit në USA.Do votat e shqiptarëve në Ametikë dhe të serbëve .
Ushtar Bilushi, partia jone si del?
Eroike, sho’ Isar!
Po heroike o tu mbyllte, heroike…
Keta trimat e kosoves shkuan 100 her ne èvrope per bisedime dhe nuk binin dakord Duke perfitu shum me shum vantazhe dhe me pak humbje, poooor ishte gabim tradhi ajo, sapo shkuan ne Americ e hongren doppio keta Jan koqevaret pa Tru , si shum shqiptar te tjer , qe genjehen me karamele ashtu do perfundii edhe shqiperi a me grekun do ti japim 12 milje perball Ssrandes se neve nuk Na duhet uje esht , ca politikanesh qe ka shqiperia dhe Kosova te percar nga 500 vjet
Kosova dhe Serbia nuk fituan asnjë gjë nga ky show mediatik që bëri Trampi për fushatën e tij. Ata u përdorën si kavie. Për turp, i kishin ulur në dy tavolina fshati dhe ata të dy rrinin si varfanjakë përpara beut. Turp, Trampi talli menderen dhe pëerdori hallin e dy shteteve si leckë për fushatën e tij elektorale. Turp, sa poshtë ka rënë niveli i presidentit të shtetit më të madh të botës.