Te fundit
Iu vranë djalin pas fitores së Shqipërisë me Greqinë, prindërit e Gramoz Palushit flasin pas 16 vitesh
7 Shtator 2020, 10:23Sociale
TEMA
Ishte viti 2004, kur 20-vjeçari shqiptar, Gramoz Palushi u vra në Greqi nga një shtetas greko-amerikan, pse po festonte fitoren e Kombëtares tonë përballë asaj greke.
Për herë të parë pas kaq vitesh, familja e tij ka pranuar të rrëfejë për ABC News jetën e tyre pas këtij momenti.
“Atë ditë e ndjeva veten si asnjëherë tjetër.
Shkova fillova punën dhe kur vjen një mik dhe tha na kanë vrarë Gramozin grekët.
E kanë vrarë pas shpine, e kanë çuar të gjallë shokët tek spitali.
Spitali nuk e ka hapur portën, janë mbledhur 500 emigrantë shqiptarë dhe më pas e kanë hapur.
Pasi e kanë hutur brenda nuk dihet.
Ka pëshpëritje që pasi i kanë futur gjak, i ka ardhur shpirti por e vërteta nuk dihet”, rrëfeu i ati.
Por, përpos humbjes së djalit të tyre, për familjen Palushi nisi një kalvar tjetër, premtimi për të mos humbur gjakun e tij u nëpërkëmb për vite me radhë.
Mirushi, i vëllai i tij rrëfen se si ndihet kur shikon pankartat e shumta nëpër stadiume në kujtim të vëllait të tij.
“E bëjnë thuajse në çdo ndeshje, është një ndjenjë e veçantë, pak e pabesueshme.
Normalisht që jam krenar sepse të gjithë thonë që ra për flamurin, por do të doja të kisha zgjedhur ta kisha këtu sesa të ndihesha krenar”, tha i vëllai.
1 komente në “Iu vranë djalin pas fitores së Shqipërisë me Greqinë, prindërit e Gramoz Palushit flasin pas 16 vitesh”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
T’ju kishin vrarë shqiptarët djalin, sa herë do kishit marrë gjakun deri sot?