Te fundit
Akuzohet se vrau dhe groposi motrën, befason vëllai i Eglantina Bucit: I penduari të tregojë vrasësit e vërtetë
10 Shtator 2020, 12:12Kronika
TEMA
Kthesë e papritur në hetimet për vrasjen e Eglantina Bucit, 23-vjeçarja e cila u qëllua me një plumb në nofullë dhe më pas u gropos dhe u fsheh nga babai dhe vëllai.
Shkëlzen Buci, në një rrëfim për News 24, mësohet se ka thënë se nuk është ai personi që vrau Eglantinën.
“Nuk e kam vrarë unë Eglantinën. I penduari të tregojë vrasësit e vërtetë.
Nëse kam vrarë motrën të më ekzekutojnë”,-mësohet të jetë shprehur ai, referuar dëshmisë së bashkëpunëtorit të drejtësisë, i cili e vë gishtin tek Shkëlzeni për vrasjen e Elgantinës.
Ngjarja e rëndë që u zbulua pas 8 vitesh, ndërsa trupi i pajetë i të resë u gjet e groposur në Malin me Gropa. Ai tha se nuk ka gisht në vrasjen e motrës së tij, madje as babai i tij. Madje ai shkon edhe më tej dhe thotë që nëse del se ai është autori i vrasjes, nuk do të pranojë që të dënohet, por të ekzekutohet.
“Si mund ta bëjë unë atë gjë te motra ime! Që të vija dorë! Ça më ka bërë ajo?! Unë jam munduar që ta ndihmoj. Jemi rritur me një mijë halle. Nëna me ka braktisur në 93. Më ka rritur njerka. Jemi rritur me halle 4 fëmijë. Personi në fjalë thotë se unë kam vrarë motrën time.
Si mund të vë unë dorë te motra ime?! Unë i thoja motrës që; “Të lutem na mblidh personat që të mbajnë, që të dëshmojmë në prokurori”. E kam marrë me dhjetra herë prokurorin. Më thoshte; “hiqe këtë emër se nuk është ky”. I di të gjitha këto Blerim Tomini. Janë personat që kanë shfrytëzuar postin e tyre, për të fshirë këtë maskaradë.”, tha Buci.
Pyetje nga gazetarja: Përveç akuzave që bëhen ndaj jush dhe ndaj shokut tuja, ju keni akuza dhe nga motra juaj, Elona e cila është e bindur se e keni vrarë ju..
Buci: Unë motrën time, Eglantinën, s’e kam prekur kurrë me dorë në jetën time. Eglantina zgjodhi rrugën e vet dhe askush s’e ka penguar. E luta që të vinte në shtëpi, s’pranoi me ardh. Më tha; “Kam jetën time”. E dhe i thash; “Ta jetosh si të duash”. Po cili baba në botë mund të më japë urdhër mua që të vras motrën time dhe ta çoj me shokun tim?! Ky është super krim.
Ai person që ka kryer këtë gjë, s’meriton burgim. Nëse unë dhe familja ime ka dorë sa fija e flokut, s’do pranojë dënimin, por ekzekutim për këtë çështje. Regjistrojë këtë bisedë. Drejtësia do të dalë.
Unë kam bërë një krim në 2017, për atë krim po bëj dënimin. Ishin hallet e mia personale që kam bërë. Nëse kam bërë një krim, s’jam vrasës i motrës time. Asnjë minutë nuk jetoj nëse e kam bërë, s’e mbaj dot në ndërgjegje.
4 komente në “Akuzohet se vrau dhe groposi motrën, befason vëllai i Eglantina Bucit: I penduari të tregojë vrasësit e vërtetë”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Pse nuk i tregove ti vrasesit e vertete, meqe paske dijeni. Ne vend te ishit mbrojtesit e motres e masakruat ate. Mjere ajo ku rritej.
manipulim
manipulim …
Mir te thot ! Cfar “kercimesh” jan kto qe te rendojn me shum ! A ka me keq qe akuzohesh si vrases i motres per hicgje , na hedh deg me deg ,pa na then ti “vrasesin” ! ! ! Je ordiner ,je ky qe je , vrases pervers e kerkon te “turbullosh ujin” Qofsha i gabuar ,por ruga qe ke zgjedhur te mos e thuash ti “!rasesin” nuk te justifikojn ! Cfar fsheh ????