Te fundit
Pse zgjedhjet e 2021, nuk mund të jenë si të 2019!
20 Shtator 2020, 09:00Blog
TEMA
Nga Alfred Peza
Nuk është çështja thjeshtë se ato të 30 qershorit ishin zgjedhjet e përgjithëshme lokale, ndërsa ato të 25 prillit, janë zgjedhjet e përgjithëshme parlamentare. Përtej kësaj, nga të gjitha pikëpamjet, zgjedhjet e 2021, nuk do të jenë kurrë si ato të 2019. Le ti marim me radhë:
E para, opozita e rrugës dhe ajo e re parlamentare, nuk kanë për ti bojkotuat zgjedhjet e pranverës së ardhshme, siç ndodhi me ato të verës së shkuar. Sepse jo vetëm që u provua se nuk mund ta pengonin kësisoj zhvillimin e procesit elektoral, por më pas kuptuan, se kjo ishte rruga më e mirë për të dëmtuar veten dhe jo kundërshtarin politik.
E dyta, si Sali Berisha, Lulzim Basha, Ilir Meta dhe Monika Kryemadhi kuptuan se jo vetëm në planin e brendshëm, por as në planin ndërkombëtar, konjuktura nuk i favorizon. Aleati ynë strategjik SHBA por edhe BE, në asnjë rast nuk mund të përkrahin asnjë lider, parti dhe koalicion politik që nuk mer pjesë në një garë zgjedhore. Lejimi i një precedenti të tillë, do të ishte një “covid-19” demokracie, për Ballkanin.
E treta, ndryshe nga sa menduan fillimisht se përmes daljes nga sistemi, do arrinin që ta delegjitimonin mazhorancën parlamentare, e për rrjedhojë do ta dobësonin aq shumë sa ta detyronin që të dorëzohej e ta fitonin pushtetin në tavolinë, u ndodhi e kundërta. Opozita është sot më e dobët se kurrë, pa asnjë lloj përfaqësimi në asnjë prej pushteteve në Shqipëri, si kurrë më parë në tri dekadat e fundit.
E katërta, qëllimi strategjik i zhvillimeve politike të 2019 pas djegies së mandateve të deputetëve të opozitës, ishte çuarja e implementimit të reformës së re të drejtësisë, në “kalendat greke”. Pjesërisht përmes Presidentit të Republikës më së shumti, nuk është se nuk ia kanë dalë që ta frenojnë atë, por dështuan për ta bllokuar, deformuar dhe zhbërë atë.
E pesta, në këto kushte mazhoranca socialiste doli shumë herë më e fortë, nga kjo goditje, e cila i dha formë politikisht këtij mandati qeverisës. Ndaj, PS kishte qetësinë dhe koshiencën historike për ti ofruar dorën e rikthimit të opozitës së rrugës në sistem, përmes tryezës së Këshillit Politik. Marrëveshja e 5 qershorit, në bashkëpunim edhe me SHBA e BE, është produkti konkret që e vërteton këtë.
E gjashta, mazhoranca është në lartësinë e përgjegjësisë për të ruajtur të gjitha ekuilibrat e sistemit, ndaj nuk kishte sesi të mos merte parasysh kërkesat e opozitës së re parlamentare, që çuan në ndryshimet kushtetuese të 30 korrikut. Hapja e listave, koalicionet parazgjedhore dhe çështja e pragut elektoral, janë tashmë një realitet i miratuar në heshtje edhe nga Presidenti Meta. Ky hap jo vetëm demokratizon procesin dhe rrit vlerën e votës së qytetarëve, por i standardizon rregullat e lojës demokratike.
E fundit, kjo sitatë e bën mazhorancën socialiste të jetë jo vetëm e qartë dhe e qetë. Por, e vendosur për ti shkuar deri në fund, bashkëpunimit me të dyja opozitat. Për aq kohë, sa ato, duan vërtetë që të bashkëpunojnë në mënyrë konstruktive, për ta çuar përpara procesin. Implementimi i ndryshimeve Kushtetuese në Kodin Zgjedhor nuk është më një aspiratë, por një çështje që duhet adresuar sa më mirë dhe sa më parë, përmes votimit në Parlament.
Kjo do ti jepte fund debateve boshe publike e mediatike. Partitë politike dhe koalicionet duhet ti shfrytëzojnë sa më mirë, 7 muajt e mbetur në dispozicion, në funksion të fushatës elektorale për zgjedhjet e pranverës së ardhëshme. Nga kjo panoramë zhvillimesh, një gjë është e sigurtë; zgjedhjet e 2021, nuk do të jenë kurrë si ato të 2019. Sepse askush jo vetëm që nuk ka shkak, por tani kanë rënë edhe të gjitha sepebet, për të bojkotuar.
Pasi i provuan të gjitha në këto 7-8 vitet e fundit, qëshkurse PS është në qeverisjen e vendit, nuk u ka mbetur më asgjë tjetër për të bërë. As të futen nëpër çadrat e bulevardit. As të djegin mandatet. As të bëjnë “revolucionet e molotovëve”. As të lyejnë me bojë të zezë fasadat e institucioneve. As të djegin shkollat ku do të vendosen qendrat e votimit. As të bojkotojnë procezin zgjedhor.
E vetmja rrugë që u ka mbetur, është që të sillen si një opozitë normale dhe të nisin fushatën në kushtet e pandemisë. Në fund, le tua lemë në dorë shqiptarëve, për të vlerësuar me votë, se kush është më i miri për ti qeverisur deri në 2025!
12 komente në “Pse zgjedhjet e 2021, nuk mund të jenë si të 2019!”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Pse ka patur zgjedhje ne 2019?
Bojkotim total dhe vetem Bojkotimi eshte fitore.
=
BOJKOTIM i zgjedhjeve per kontroll, sundim dhe pasurim te Oligarkeve politikane mafjoze.
=
Ndryshe do instaloni ne pushtet Mafjen me te rrezikshme qysh nga Al Capone e kompani.
=
Kush ben dallim midis KOMUNISTEVE(PD\PS\LSI), i kift nonen gomari…
Kalec Dega, ndaj te njejtin mendim.
kete mendim e kam pasur para shume vitesh dhe tani personalisht insistoj me shume,
keta jane Br..ek e By.. me njeri tjetrin mbajne sistemin ne cdo drejtim si prone Private.
duhet nje Bojkotim Total ne pjesmarje per Votime qe te shpresojme te behet Alarm nga vendet Evropiane dhe Amerika
sepse Populli aty eshte i Verbuar ne menyren me te Keqe.
Sado qe nje pjese e mire e Popullesise ka dale Jashte neper Evrop apo neper Bote por prap nuk kane sy te Shikojne dhe te bejne Dallimin.
Popullit Shqiptare ju eshte mpire Truri fare.
Bojkot Total per te ardhmen tuaj////
Votoni per te Skllaveruar veten dhe per tju dhene fuqi Skllavopronareve tuaj Modern.
Popull asnjeri seshte me i fuqishem se Ju,
Ngrieni Zerin kerkoni te Drejtat tuaja sepse ju Perkasin
pse duhet , (presja) në titull se nuk ma kap truni?
O injorante, meqe e paske percaketu vete se ca je. Presja duhet dhe eshte rast i paster se i jep theksin pjeses se dyte dhe ndan fjaline
Po cdo dish ti me shume se ndonje cope nga katundi do jesh qe ben sikur ke mbaruar per gjuhe letersi !
pse duhet , (presja) në titull se nuk ma kap truni?
si duhet:
1 – pse zgjedhjet e 2021 nuk mund të jenë si të 2019
2- pse zgjedhjet e 2021, nuk mund të jenë si të 2019
Titulli duhet te jete; Pse nuk mund te jene zgjedhjet e 2021 si te 2019? KESHTU SHKRUHET SIPAS RREGULLAVE TE DREJTSHKRIMIT. JU FLM
pse duhet , (presja) në titull se nuk ma kap truni?
si duhet:
1 – pse zgjedhjet e 2021 nuk mund të jenë si të 2019
2- pse zgjedhjet e 2021, nuk mund të jenë si të 2019 (me presje)
Ah filloi prape ky UTURAKU I EDIT.
Ndaç me presja, e ndaç pa presje, janë njësoj, si hoxhë Berisha apo Hoxhë Meta, si hoxhë Luli apo hoxheshë Mona.
Në Tiranë, para viteve ‘90, nëpër lagje, fëmija, këndonin një këngë paksa vulgare, por sot, në frymën e këtijë artikulli, është realitet ;
Orilloj, lloj, lloj, lloj,….
Të gjitha kurvat,
Janë njësoj…….
Ka qene pak ndryshe ajo kenge:
Orilloj, lloj, lloj,
gjith gabelet jane njesoj,
orilloj, lloj, lloj
gjysma n’vesh e gjysma n’goj.
O z. Peza , a je i binďur qe Luli do futet ne zgjedhje? Ai nje muajose dy para zgjedhjeve ka me pare nje anderr e ka me thene : Ne nuk futemi ne zgjedhje se Rama do ti vjedh ata dhe kane me organizu nje babale tjeter . Se po te futet ne zgjedhje jo vetem qe humbe por humbe thell dhe pastaj e heqin keshtu qe ai ka leverdi te gjej sebep per te mos hyre ne zgjedhje dhe per te mbetur prap kryeopozitar i perjetshem se rroga merret qyl plus oligarket e mi thot Luli me japin boll e ku ka ma mire se me qene miljarder pa punuar pa derdh aspak djerse , deri nje dite qe ata oligarke ta çojne per lesh se ata shpresojne qe te fitoje ai qe tua ktheje leket pese fish me shume se ja merr popullit e nuk i nxjerr nga xhepi pra i mire me leket e popullit .