Ndonjëherë të rriturit mund të vuajnë nga simptoma të rrezikshme që ngjajnë me një sindromë të lidhur me koronavirusin te fëmijët, thanë, të premten, studiuesit në Qendrat Amerikane për Kontrollin dhe Parandalimin e Sëmundjeve.

Ekspertët e quajnë, sindromë inflamatore multisistemale tek të rriturit, ose MIS-A, dhe thonë se është e ngjashme me sindromën inflamatore multisistemale te fëmijët ose MIS-C. Ashtu si MIS-C, edhe MIS-A nuk është e lidhur qartë me koronavirusin dhe të sëmurët mund të mos shfaqin ndonjë simptomë tjetër që do të tregonte infeksionin Covid-19.

Megjithatë, MIS-A, iu ka marrë jetën të paktën tre pacientëve, që ngjashëm me Covid-19, godet në mënyrë disproporcionale pakicat racore dhe etnike, tha ekipi i CDC.

Një 46-vjeçar me ngjyrë që jetonte në Florida kishte dhimbje në vesh, në gjoks dhe të vjella. Ai doli negativ për Covid-19 kur u shtrua në spital, por u nda nga jeta pavarësisht trajtimit që mori.

MIS-C ka prekur disa qindra fëmijë në të gjithë botën dhe shkakton inflamacion të përgjithshëm, por pacientët zakonisht nuk shfaqin simptomat klasike të koronavirusit.

Testet e gjakut tregojnë se MIS-C mund të zhvillohet disa javë pasi fëmija është rikuperuar nga një infeksion koronavirusi, zakonisht raste që kalohen me simptoma të lehta ose pa simptoma.

Ekipi CDC përshkroi rastet e 27 të rriturve të moshës 21 deri 50 vjeç, të cilët kishin sindroma të ngjashme. Shumica prej tyre kishin inflamacion ekstrem në të gjithë trupin dhe mosfunksionim të organeve, të tilla si zemra, mëlçia dhe veshkat, por jo mushkëritë.

3 komente në “Ekspertët identifikojnë një sindromë të re të Covid-19”

Fakt historik says:

6 Tetor, 2020 13:38 te 1:38 pm

Pse godet pakicat racore dhe etnike?
Sepse ne masen tjeter te popullsise ai behet si virus popullor, e thene ndryshe “i njohur” duke u percjelle nga njeri te tjetri.
Kur has te pakicat, nuk eshte popullor per ta, por shfaqet si nje luftetar agresiv e ben me shume deme.
Per kete duhet shume me teper kohe qe ne pakicat te behet si te thuash popullor si ne masen e gjere homogjene.
Kjo eshte baza llogjike, nuk ka si te jete ndryshe.

Përgjigjjuni
1. Sa gjynah truri!!! says:
  
  6 Tetor, 2020 20:01 te 8:01 pm
  
  Fakt: Pigmenti i lekures midis nje Nigeriani dhe nje Norvegjezi eshte aq faktor i rendesishem per prekjen nga nje virus i ri qe kapercen nga kafshet tek njerezit, po aq sa c’eshte pigmenti i ngjyres se syve midis dikujt lindur ne Tirane me sy boje qielli apo dikut lindur ne Durres me ngjyre geshtenje.
  Fakt: Raca, etnia, feja apo ndonje tjeter shpikje sociale kane 0 efekt si reagon trupi ndaj nje virusi kur asnje grup nuk eshte ekspozuar me perpara per te bere seleksionimin natyral. Nqs po flet per aspektin socialo-kulturor, kufizimet e mara nga ndonje shtet apo tjeter per parandalimin e shperndarjes, shendeti i subgrupeve qe ne aparence paraqitet si fakt i qarte, jane ne te vertete ksenofobi dhe jashteqitje mendore per t’i bere qejfin vehtes si superior.
  
  Përgjigjjuni
asd says:

6 Tetor, 2020 19:02 te 7:02 pm

Edhe pak, do te behemi te gjithe mjeke te semundjeve infektive.

Përgjigjjuni