Te fundit
Maqedonia zbraz liqenin e Ohrit: Hapen në maksimum portat për shkarkimet në lumin Drini i Zi
6 Tetor 2020, 21:04Sociale
TEMA
Porta e Drinit të Zi, në liqenin e Ohrit, shërben për të rregulluar kuotat minimale dhe maksimale të nivelit të ujittë përcaktuara me një marrëveshje mes Shqipërisë dhe Maqedonisë së Veriut.
Pavarësisht kësaj marrëveshje kjo portë është hapur më shumë sesa lejohet dhe kjo ka bërë që niveli i ujit të bjerë dhe të tërhiqet të paktën 20 m nga bregu në pjesën shqiptare të liqenit të Ohrit.
Pavarësisht se mes Shqipërisë dhe Maqedonisë së Veriut ekziston një marrëveshje për menaxhimin e liqenit për të disatën herë pala maqedonase e shkel atë.
Shqipëria e ka ngritur shqetësimin e saj pranë autoriteteve përkatëse për shkak se kërcënohet një pasuri botërore por hapjen e portave te shkarkimit në strugë, Maqedonia e Veriut vazhdon ta bëjë dhe nëpërmjet ujit te liqenit plotëson rezervat hidroenergjetike qe sherbejne për të furnizuar me ujë tre hidrocentralet që gjenden gjatë rrjedhës së lumit.
Drini i Zi kalon mes përmes Strugës dhe urat e shumta që lidhin dy brigjet e tij i kanë dhënë epitetin qyteti i urave por përveç potencialit turistik qëndron edhe përfitimi ekonomik. Këtu kalon Drini i Zi që vazhdon drejt Dibres se Madhe ndërsa gjatë rrjedhës së tij gjenden tre hidrocentrale. Çdo vit nga këto hidrocentale prodhohen miliona kilovatë për orë energji elektrike.
Mungesa e reshjeve dhe thatësira kamë bërë që gjatë muajve të fundit siç pohojnë edhe banorët numri i portave të hapura të shkojë në 4.
Sa herë që në anën tjetër të kufirit hapen portat, këtij liqeni që është një ndër më të vjetrit në botë i rrezikohet flora dhe fauna. Këtu uji është tërhequr dukshëm nga bregu ndaj shqetësimi për këtë pasuri botërore ka nevojë të dëgjohet nga autoritetet përkatëse.
2 komente në “Maqedonia zbraz liqenin e Ohrit: Hapen në maksimum portat për shkarkimet në lumin Drini i Zi”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
“Armiku më i madh i Shqipërisë janë vetëm shqiptarët!” Këtu është një shembull që mbështet deklaratën. Autori i këtij lajmi është armik i Shqipërisë? Hapja e portave është e barabartë me rritjen e rrjedhës së ujit në Drinin e Zi. Kjo do të thotë ujë shtesë për HEC-in e Fierzës dhe kjo do të thotë prodhim i energjisë për Shqipërinë. A e ka parë autori situatën e ujit të liqenit të Fierzës kohët e fundit? është ky budalla që shkruan marrëzi të tilla ju lutem?
Ka nje mareveshje, jane ca kuota per t’u respektuar, dhe Jane ca qindra km rrjedhe e Drinit nga Struga deri ne kufirin shqiptar e me pas ne bazenin e Fierzes. Dihet ajo qe na meret, por nuk dihet ajo qe na rikthehet,e vendos shulja. Nuk I hap kot 4 porta shulja, per kenaqesine tende, per te shetitur ujin e te ta dergojne ne Fierze.Di qe, ne kohen e Enverit, kur e bene, KY i fundit u dha ultimatum, nese ndodhte prape do te cante malin nga qafa e thanes… dhe NUK E BENE ME. SHulet, si gjithe sllavet, njohin vetem kete gjuhe, beju mire sa te duash. Jemi i vetmi vend nga gjitonet qe ja njohim te gjitha. Serbia kishen, Greqia identitetin e territorin, Bullgaria gjuhen e shtetesine e territorin NUK JA NJOHIN. Dhe shqiptaret pastaj jane te keqinjte!!!