Mjeku paralajmëron se koronavirusi mund të mos zhduket kurrë

Koronavirusi ndoshta nuk do të zhduket kurrë dhe as një vaksinë nuk do ta ndalojë atë plotësisht. Kështu është shprehur figura kryesore e luftës së bluzave të bardha kundër pandemisë në Britaninë e Madhe, Sir Patrick Vallance.

Këshilltari kryesor shkencor, duke folur me anëtarët e Dhomës së Lordëve, tha se virusi një ditë do të bëhet si gripi dhe se do të shkaktojë shpërthime çdo vit.

Ai tha se ministrat dhe ekspertët duhet të ndalojnë ‘premtimet e tepërta’ dhe të jenë realistë rreth perspektivave të një vaksine dhe afateve kohore të mundshme për një të tillë.

Sir Patrick tha se nuk ka të ngjarë që ky shpërthim të përfundojë para pranverës, duke u bërë jehonë paralajmërimeve të tij të mëparshme dhe të kolegut të tij profesor Chris Whitty se lufta kundër Covid-19 do të jetë e gjatë.

“Unë mendoj se nuk ka gjasa që ne të përfundojmë me një vaksinë vërtet sterilizuese – dmth diçka që e ndalon plotësisht infeksionin – dhe ka të ngjarë që sëmundja të qarkullojë dhe të jetë endemike”– tha Sir Patrick në një takim të Komitetit të Strategjisë së Sigurisë Kombëtare të Lordëve pasditen e së hënës.

Përkufizimi mjekësor i endemisë përshkruan një sëmundje që është vazhdimisht e pranishme.

“Ky është vlerësimi im më i mirë dhe mendoj se është pikëpamja e shumë njerëzve në SAGE se ky është një rezultat i mundshëm. Është e qartë, ndërsa menaxhimi bëhet më i mirë, ndërsa vaksinoheni, gjë që do të zvogëlojë mundësinë e infektimit dhe ashpërsinë e sëmundjes, kjo fillon të duket më shumë si grip vjetor se sa çdo gjë tjetër. Ky mund të jetë drejtimi në të cilin do përfundojmë.”- ka deklaruar Wallace, citon Daily Mail.

Në të njëjtin takim, Sir Patrick tha se ai ende beson se një pandemi e gripit është kërcënimi më i madh për Mbretërinë e Bashkuar dhe se zyra e tij ka vendosur një sistem të dytë në rast se ka një krizë tjetër para se të mbarojë epidemia e koronavirusit.

Gripi është aq i vështirë për t’u kontrolluar sepse virusi pëson shpejt mutacione – ndonjëherë një herë në vit ose më shumë – që do të thotë se mbrojtja nga vaksinat e mëparshme nuk zgjat shumë.

Sir Patrick tha se kjo mund të ndodhë me Covid-19, megjithëse dha një rreze shprese se koronavirusi nuk shndërrohet askund aq shpejt. Kjo ngre perspektivën që njerëzit mund të jenë në gjendje të zhvillojnë imunitet afatgjatë ndaj tij.

Mafia në biznesin miliarda eurosh të mbetjeve (në Shqipëri është zëvendësuar nga mediat dhe politikanët)

11:03 Bota

Hakerët misteriozë ‘Robin Hood’: Vjedhin para nga të pasurit dhe i dhurojnë për bamirësi

10:15 Bota

PËRPLASJA: SHBA vendos sanksione ndaj individëve dhe firmave kineze për shkak të Iranit

10:09 Bota

Drejtori i gazetës, i shtruar në terapi intensive: Jemi në luftë dhe gjerat nuk po shkojnë siç duhet

09:06 Bota

Vështirësitë në rritje të mbrojtjes nga raketat e Koresë së Veriut

22:30 Bota

VIDEO/ Lufta me Armeninë, presidenti azer: Xhebraili është i yni, kjo është hakmarrja jonë!

22:50 Bota

Izraeli nderon Vuçiçin dhe Bin Salmanin: I shpall “Miqtë e Sionit”

21:50 Bota

Donald Trump shpërthen ndaj Faucit: Është një idiot, na mori më qafë

21:09 Bota

Eksperti amerikan: Muajt e ardhshëm do të jenë më të errëtat e pandemisë

20:18 Bota

Gati 10 mijë të infektuar në 24 orë në Itali, rritet dhe numri i vdekjeve

19:47 Bota