Te fundit
Tre minatorë në Dibër humbën jetën, ministrja Xhaçka mesazh ngushëllimi: Me mendje e zemër jemi pranë familjarëve të tyre
29 Tetor 2020, 11:35Sociale
TEMA
Ministrja e Mbrojtjes Olta Xhaçka jep një mesazh ngushëllimi për familjet e tre minatorëve që u gjetën të pajetë mëngjesin e sotëm në minierën “Balgjaj” më Selishtë të Dibrës.
“Shumë dhimbje për familjet e minatorëve që humbën jetën në Selishtë.
Në këtë moment tragjedie, me mendje e me zemër ju gjendemi pranë familjeve që lanë pas Fatos Çesku, Rushdi Rushiti e Ismail Hoxha.
Ngushëllimet më të sinqerta, edhe pse, as fjalët e as dhimbja që ndajmë me ta nuk kanë për t’ua kthyer mbrapsht të dashurit e tyre.
Ky është një vit i vështirë që vijon të na sprovojë të gjithëve. Por megjithatë, është detyrimi ynë që pavarësisht vështirësive e sfidave të bëjmë më shumë për minatorët e familjet e tyre.”, shkruan Xhaçka.
Inxhinieri Ismail Hoxha dhe dy minatorët Ruzhdi Rushiti e Fatos Çesku, u nxorën të pajetë nga miniera “Balgjaj”, nga ekipet e avari-shpëtimit pas 48 orësh të bllokuar. Shkak paraprak i vdekjes së tyre dyshohet të ketë qenë asfiksia nga gazi.
Lini një Përgjigje
Më të lexuarat
24 oret e fundit
Javen e fundit
Blog Tema
