Kryeministri Edi Rama kritikoi rëndë politikën që po bën opozita në kohën e pandemisë.
“Këta ngelën duke thënë jo PPP, jo vjedhje. Po pse Italia që ka kaq shumë vdekje do të thotë që po vjedh qeveria? Apo do të thotë që ne jemi më të zotë?
Jo. Por këta s’dinë çfarë flasin e njëra thotë mos vini maskën, ndërsa ai tjetri u jep të vdekurëve dekorata.
Por politika e tyre është një PPP, që i shton një O, i shton dhe një RR të fortë, edhe një DH,” tha Rama.
Kryeministri Edi Rama në një konferencë për shtyp ditën e sotme foli për situatën e Covid dhe vetëvrasjet që kanë tronditur vendin.
Ai tha se kjo nuk ndodh për shkak të mungesës së kushteve në spitalet Covid por ka të bëjë vetëm me virusin.
Kreu i qeverisë shtoi se në spitale nuk mungon asgjë dhe se po bëhet gjithçka për shpëtimin e pacientëve.