Te fundit
SHBA gati për sanksione ndaj Turqisë për sistemin rus të mbrojtjes
10 Dhjetor 2020, 22:10Bota
TEMA
Shtetet e Bashkuara janë gati të vendosin sanksione ndaj Turqisë mbi blerjen vitin e kaluar të sistemeve ruse të mbrojtjes raketore S-400, thanë të enjten katër burime, mes tyre edhe dy zyrtarë amerikanë. Ky veprim mund të përkeqësojë marrëdhëniet tashmë problematike mes dy aleatëve të NATO-s.
Hapi i pritur prej kohësh, i cili ka të ngjarë të zemërojë Ankaranë dhe të ndërlikojë rëndë marrëdhëniet me administratën e ardhshme të Presidentit të zgjedhur Joe Biden, mund të shpallet në çdo kohë, thanë të njëjtat burime.
Sipas burimeve, sanksionet do të shënjestronin Industrinë turke të Mbrojtjes dhe kreun e saj, Ismail Demir.
Lira turke u dobësua pas njoftimit të këtij lajmi. Sanksionet amerikane mund të dëmtojnë ekonominë turke që tashmë po vuan për shkak të koronavirusit e po përballet me një inflacion dy shifror si dhe rezervat në monedhë të huaj të goditura rëndë.
Një zyrtar i lartë turk tha se sanksionet do të dështojnë dhe do të dëmtojnë lidhjet mes vendeve.
“Sanksionet nuk do të arrinin rezultat dhe do të prodhonim efektin e kundërt. Ato do të dëmtonin marrëdhëniet“, tha zyrtari.
“Turqia është në favor të zgjidhjes së këtyre problemeve me diplomaci dhe negociata. Ne nuk do të pranojmë masa detyruese të njëanshme“, shtoi ai.
Departamenti amerikan i Shtetit mund të ndryshojë planet e tij duke zgjeruar ose ngushtuar fushën e sanksioneve të planifikuara kundër Turqisë, një aleate e NATO-s prej dekadash.
Megjithatë burimet thanë se njoftimi i sanksioneve në formën e tyre aktuale ishte i pashmangshëm duke shtuar që Shtetet e Bashkuara e kishin humbur durimin dhe më në fund ishin të gatshme për të vepruar pasi kishin pritur për një kohë të gjatë që Turqia të ndryshonte kurs, duke e paralajmëruar atë mbi sanksione sipas ligjit.
Rusia ia dorëzoi Turqisë sistemet raketore tokë-ajër S-400 vitin e kaluar. Ankaraja i testoi ato në tetor.
Turqia tha se ato nuk do të integrohen me sistemet e NATO-s dhe se nuk paraqesin asnjë kërcënim ndërsa ka bërë thirrje për një grup të përbashkët pune mbi këtë çështje.
Por Shtetet e Bashkuara kanë theksuar se S-400-t paraqesin kërcënim dhe vitin e kaluar arritën deri aty sa të njoftonin largimin e Turqisë nga programi i avionëve luftarakë amerikanë F-35, për shkak të vendimit të Ankarasë.
Avioni luftarak F-35 i kompanisë amerikane Lockheed Martin është avioni më i përparuar në arsenalin amerikan dhe përdoret nga anëtarët e NATO-s dhe vendet aleate të SHBA-së.
7 komente në “SHBA gati për sanksione ndaj Turqisë për sistemin rus të mbrojtjes”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
pse miku ynë nuk është mik i usa?
si ta shpjegojmë?
pse miku ynë nuk është mik i usa?
si ta shpjegojmë?
pse miku ynë nuk është mik i usa?
si ta shpjegojmë?
pse miku ynë nuk është mik i usa?
si ta shpjegojmë?
Turqia te bashkepunoje me SHBA , duke ju dhene amerikaneve mundesine te studjojne makinerite dhe softwarin e raketave S-400, ne menyre qe ti kopjojne ato dhe te pregatisin avione te cilet te kene mundesi e mos azgjesohen nga S-400
Sepse duhet thene , qe S-400 e eliminon avionin F-35– e nxjerr jashte luftimi
Ndaj amerikanet kane nje rast te mire qe duke studjuar teknolobjine e raketaeve S-400, te permiresojne aftesite e avionit F-35, ne menrye qe ky avion te behet i pa-kapeshem nga S-400
Ndersa svioni me i mire Amerikan eshte F-22 Raptor , keta avion raketa S-400 nuk e kap dot,
por ruset po krijojne raketesn S-500,
qe mund ta azgjesoje kete avion–Ndaj per Amerikanet dek detyre qe te shikojne cili eshte parimi i punes se Raketes S-400.
dhe e kuptojne pastaj si
ti pergjigjen raketave ruse
Ndersa Turqia bravo i qofte qe i mori ato raketa, se ato e nxjerin jashteloje avionin F-35
faleminderi rei se nuk e dinim
kemi miliona shkencëtarë por askush nuk e ka thënë kët që sugjerove ti! !
Dyll dyll o Ray.Turqia eshte ne buze te katastrofes ekonomike.Nje te shtyme do.Sa per S400,F35, etj,po i vuni america sanksione,,ti shterngoje fort ato qe ka,se keq do shkoje muhabeti,d.m.th ekonomia.